ߣߐ߬ߞߘߐ߬ߟߐ߲ߠߊ ߟߎ߬ ߟߊ߫ ߕߎ߬ߡߊ߬ߖߊ߲߫ ߓߛߌ߬ߞߌ߬ߟߌ

ߞߊ߬ߦߌ߯ ߕߎ߬ߡߊ߬ߖߊ߲߫߹ ߣߘߐ߬ߟߐ߲߬ߠߊ߲ ߟߎ߬ ߕߘߍ߬ ߦߴߊ߬ ߓߛߌ߬ߞߌ߬ ߟߊ߫߸ ߞߏ߫ ߛߊ߬ߘߎߡ ߥߟߊ߫ ߛߘߏߡߌ߫ ߤߊߡߊ߲ߕߍ߫ ߟߎ߯ߕߌ߫ ߡߌ߬ߙߌ߲߬ߘߌ ߟߎ߬ ߛߌߟߊߛߊ߬ߣߍ߲߫ ߦߋ߫ ߞߍߟߊ߫ ߛߊ߲ߜߘߊ ߘߏ߫ ߟߋ߬ ߓߟߏ߫. ߊ߬ߟߎ߬ ߓߊ߲ߛߊ߲ ߠߋ߬ ߦߴߊ߬ ߦߌ߬ߘߊ߬ ߟߊ߫ ߣߌ߲߬ ߞߏ߫ ߊ߬ߟߎ߬ ߓߘߊ߫ ߛߊ߬ߘߎߡ ߛߏ ߦߋ߫ ߡߍ߲ ߛߓߍ߫ ߣߍ߲߫ ߛߊ߲ߡߊ߫ ߘߌ߯ߣߊ ߟߎ߬ ߟߊ߫ ߟߍ߯ߙߊ ߟߎ߬ ߘߐ߫ ߞߏ߫ ߊ߬ ߛߌߟߊߛߊ߬ߣߍ߲߫ ߡߟߍ߬ߞߊ ߟߎ߬ ߟߋ߬ ߓߟߏ߫߸ ߞߏ߫ ߛߌߟߛߊߟߌ ߏ߬ ߕߍ߫ ߘߏ߫ ߜߘߍ߫ ߘߌ߫ ߛߎ߲ߞߎ߲ ߥߊ߬ߥߎߟߋ ߞߐ߫. ߞߏ߫ ߊ߬ߟߎ ߟߊ߫ ߣߴߊ߬ ߟߊ߫߸ ߞߏ߫ ߛߏ ߡߍ߲ ߠߎ߬ ߡߊߘߊ߲ߣߍ߲߫ ߛߊ߲ߡߊ߫ ߟߍ߯ߙߊ ߟߎ߬ ߘߐ߫߸ ߞߏ߫ ߕߎ߬ߢߊ߬ ߟߊ߫߸ ߏ߬ ߟߎ߬ ߕߘߍ߬ ߦߋ߫ ߦߋ߲߬ ߝߛߊߦߌ߫, ߞߏ߬ߣߌ߲߬ ߤߊ߲ߙߌߛ ߛ߭ߌߟߋߡߊ߯ߣ ߞߊ߬ ߡߍ߲ ߝߐ߫ ߏ߬ ߟߎ߫ ߞߊ߲߬߸ ߏ߬ ߟߋ ߦߴߊ߬ߟߎ߫ ߓߍ߯ ߘߍ߭ ߘߌ߫ ߕߏ߲ߓߏ߲߫ ߞߋߟߋ߲߫ ߠߊ߫. ߊ߲ ߘߌ߫ ߛߴߏ߬ ߟߎ߬ ߢߌߣߌ߲߫ ߠߊ߫ ߡߎ߬ߕߎ߲߬ ߞߊ߬ ߓߊ߲߫ ߞߵߊ߬ߟߎ߬ ߖߍ߯ߙߍ߫߸ ߞߵߊ߬ߟߎ߫ ߝߏ߲߬ߝߏ߲ ߠߎ߬ ߦߋ߫߸ ߞߊ߬ ߓߊ߲߫ ߞߵߊ߬ ߟߐ߲߫ ߞߏ ߡߍ߲ ߠߎ߬ ߞߍ߫ ߘߊ߫ ߛߊߓߎ߫ ߘߌ߫ ߞߵߊ߬ߟߎ߬ ߕߏ߲ߓߏ߲߫. ߟߍ߯ߙߊ (ߛߊ߲ߡߊ߫ ߟߍ߯ߙߊ ߟߎ߬) ߣߘߐ߬ߟߐ߲ ߕߌߙߌ߲ߠߌ߲ ߦߋ߫ ߘߝߐ߬ ߓߟߋߓߟߋ ߟߋ߬ ߘߌ߫ ߛߊ߬ߙߊ߲߬ߞߊ߬ߠߊ߬ ߞߘߐ ߞߕߐ߫.
ߞߊ߬ߦߌ߯ ߛߊ߲߬ ߘߊ߲ߘߐ߫߸ ߊߡߋߙߌߞߌ߬ ߞߊ߬ߝߏ߫ ߘߍ߬ߣߍ߲ ߣߘߐ߬ߟߐ߲߬ߠߊ߫ ߛߑߕߌߝ߭ߌ߲ ߞߏߟߍ߲߫ ߡߍ߲ ߦߋ߫ ߓߊ߯ߙߊ߫ ߟߊ߫ ߕߙߌߣߌߕߌ߫ ߖߊ߯ߓߘߊ ߟߊ߫߸ ߏ߬ ߞߊ߬ ߖߊ߬ߕߋ߬ߘߐ߬ߛߌ߮ ߘߏ߫ ߛߌ߰ ߛߋ߲߬ߠߊ߫ ߕߊߟ ߍߟ ߤߊ߬ߡߊ߯ߡ ߟߊ߫ ߞߏ ߞߊ߲߬߸ ߊ߬ ߣߴߊ߬ ߞߏߟߊߘߍߢߐ߲߮ ߘߏ߫ ߟߎ߫ ߕߊߟ ߍߟ ߤߊ߬ߡߊ߯ߡ ߞߣߍ ߞߊ߲߬ ߦߋ߲߬. ߣߘߐ߬ߟߐ߲߬ߠߊ ߟߎ߬ ߞߊ߲߫ ߞߏ߫ ߕߏ߲ߓߏ߲ ߏ߬ ߟߋ ߞߏߝߐߣߍ߲߫ ߛߊ߬ߙߊ߲߬ߞߊ߬ߠߊ߬ ߞߘߐ ߣߌ߫ ߘߌ߯ߣߊ߫ ߞߝߊ (ߞߎ߬ߙߊ߬ߣߊ) ߕߐ߬ߡߊ ߟߎ߬ ߘߐ߫ ߞߏ߫ ߛߊ߬ߘߎ߯ߡ߸ ߥߟߊ߫ ߟߎ߯ߕߌ߫ ߡߌ߬ߙߌ߲߬ߘߌ. ߘߌ߲߬ߞߌߙߊ ߏ߬ ߞߏߝߐߣߍ߲߫ ߘߌ߯ߣߊ߫ ߞߝߊ ߟߎ߬ ߘߐ߫߸ ߞߏ߫ ߊ߬ߟߎ߬ ߕߘߍ߬ ߦߋ߫ ߞߍߞߏߖߎ߯ߦߊ ߞߍ߫ ߟߊ߫߸ ߊ߬ ߣߌ߫ ߞߴߏ߬ ߟߋ ߞߏߛߐ߲߬ ߊߟߊ߫ ߛߊ߬ߙߌ߬ ߘߴߊ߬ߟߎ߬ ߘߴߊ߬ߟߎ߫ ߡߊ߬ ߞߵߊ߬ߟߎ߬ ߛߌߟߊߛߊ߬ ߟߋߎ߫߹
ߛߊ߲ߜߘߊ߫ ߡߊ߲ߞߊ߲ ߘߏ߫ ߣߊ߬ ߞߏ ߟߎ߬ ߟߊߥߟߌ߬ ߟߊ߫ ߞߐ߰ߖߌ ߛߊ߬ߣߍ߲ ߕߙߐߝߍ߬.
ߕߌߙߌ߲ߠߌ߲ߠߊ ߟߎ߬ ߦߴߊ߬ ߓߛߌ߬ߞߌ߬ ߟߊ߫ ߞߏ߫ ߛߊ߲ߜߘߊ߫ ߡߊ߲ߞߊ߲ ߘߏ߫ ߟߋ߬ ߓߋ߬ߣߍ߲߫ ߞߣߍ ߏ߬ ߞߊ߲߬ ߦߋ߲߬߸ ߟߌ߲ߓߊ߲ ߛߊ߬ߣߍ߲ ߕߙߐߝߍ߬߸ ߞߵߏ߬ ߣߌ߫ ߘߎ߰ߦߙߍߦߙߍ ߣߌ߫ ߕߊߞߙߎ߫ ߛߊߙߌ ߓߟߏߘߏ߲߬ߣߍ߲߬ ߘߌ߫ ߞߍ߫ ߢߐ߲߯ ߓߟߏ߫߸ ߞߊ߬ ߓߍ߲߬ ߊ߬ ߢߊߝߐ߫ ߢߊ ߡߊ߬ ߘߌ߯ߣߊ߫ ߞߝߊ ߏ߬ ߟߎ߬ ߓߟߏ߫.
ߞߏ߬ߣߌ߲߬ ߛߊ߲ߡߊߛߓߍߟߊ ߟߎ߬ ߦߋ߫ ߕߌߙߌ߲ߠߌ߲߫ ߞߊ߲߬ ߕߊ߲߬ ߗ߭ߐߙߑߘߊߣߌ߫ ߝߏ߲ߝߊ߲ ߞߣߐ߫߸ ߞߐ߰ߖߌ߫ ߛߊ߬ߣߍ߲ ߞߐ߬ߘߎ߮ ߞߎߘߍ߫ ߁߄ ߠߊ߫߸ ߏ߬ ߦߋ߫ ߣߊ߬ ߟߊ߫ ߖߌ߰ߦߊ߬ ߜߘߍ߫ ߟߋ߬ ߘߌ߫߸ ߡߍ߲ ߦߴߊ߬ ߦߌ߬ߘߊ߬ ߟߊ߫ ߞߏ߫ ߊ߬ ߛߊ߲ߜߘߊ߫ ߝߏߘߏ߲ ߞߍߣߍ߲߫ ߠߋ߬߸ ߦߏ߫ ߡߍ߲ ߛߎ߮ ߞߍ߫ ߣߍ߲߫ ߗߋߟߌߦߊߓߌ߲ߛߞ߸ ߥߟߊ߫ ߡߍ߲ ߛߎ߮ ߞߍ߫ ߣߍ߲߫ ߕߎ߲ߜ߭ߎߛߑߞߊ߫. ߘߐߛߙߋ ߘߏ߫ ߟߎ߫ ߟߊߥߊ߲߬ߞߊ߲߬ ߛߊ߲߬ ߞߎߘߊ ߟߋ߬ ߦߋ߫ ߣߌ߲߬߸ ߡߍ߲ ߦߋ߫ ߛߊ߲߬ ߦߙߌߞߊ ߕߌߙߌ߲ߠߌ߲ ߞߐߝߟߌ ߘߌ߫߸ ߡߍ߲ ߛߌ߰ ߘߊ߫ ߛߋ߲߭ߞߊ߲߬ ߞߊ߬ߝߏ ߘߍ߬ߣߍ߲ ߠߊ߫ ߞߊ߬ߙߊ߲߬ߕߊ ߡߍ߲ ߦߋ߫ ߕߟߋ߬ߓߐ ߕߌߙߌ߲ߠߌ߲߫ ߠߎ߬ ߞߊ߲ߡߊ߬. ߛߊ߲ߡߊߛߓߍߟߊ ߟߎ߬ ߞߵߊ߬ ߦߌ߬ߘߊ߬ ߞߏ߫ ߕߌ߲߬ߞߎߘߎ߲ ߏ߬ ߘߐߛߊ߲߭ ߦߋ߫ ߞߎߘߍ߫ ߂߀ ߖߊ߬ߕߋ ߟߋ߬ ߘߌ߫߸ ߛߊ߬ߘߎߡ ߣߌ߫ ߜ߭ߏߡߐߙ ߕߘߍ߬ ߦߋ߫ ߡߍ߲ ߘߐ߫߸ ߊ߬ߟߎ߬ ߣߐ߬ ߘߌߞߍ߫ ߛߊ߲߬ ߂߅߀߀ ߞߍ߫ ߟߊ߫ ߛߌ߭ ߘߐ߫ ߦߋ߲߬ ߞߊ߬ߞߘߐ ߥߎ߬ߛߎ ߘߐ߫߸ ߣߴߊ߬ ߣߊ߬ߘߊ߫ ߓߙߊ߬ߒ߬ߘߐ߬ ߣߌ߫ ߞߓߊߣߊ߲ߞߏ߫ ߦߟߍߡߊ߲߫ ߞߊ߬ ߣߊ߬ ߞߍ߫ ߕߌ߬ߢߍ߬ߞߏ߲ߞߏ ߘߌ߫߸ ߏ߬ ߛߊ߲߬ ߃߇߀߀ ߟߋ߬ ߦߋ߫ ߣߌ߲߬. ߣߘߐ߬ߟߐ߲߬ߠߊ ߟߎ߬ ߞߊ߲߫߸ ߞߏ߫ ߥߙߎߣߍ߫ (ߓߎ߰ߘߊ) ߁߂߀ ߡߍ߲ ߕߘߍ߬ ߘߌ߫ ߞߴߊ߬ ߟߊߡߌߣߌ߲ ߘߐ߫ ߦߋ߲߬߸ ߏ߬ ߟߎ߫ ߞߊ߬ ߕߊߞߌߛߍ߫ ߣߊ߰ߘߌ߬ ߟߊ߬ߡߊ ߟߎ߬ ߟߋ߬ ߦߋ߫߸ ߡߍ߲ ߞߊ߬ ߘߊ߲߭ ߛߌ߰ ߏ߬ ߟߎ߬ ߟߊ߫ ߞߏ ߟߊ߫. ߕߌߙߌ߲ߠߌ߲ߠߊ ߘߏ߫ ߟߎ߫ ߕߊ߫ ߝߐߟߌ߫ ߘߐ߫߸ ߞߏ߫ ߖߌߞߐ߮ (ߛߏߡߎ߳ߙ) ߝߣߊ߫ ߓߐ߫ ߘߊ߫ ߞߐ߰ߖߌ ߛߊ߬ߣߍ߲ ߘߐ߫ ߞߊ߬ ߛߣߍ߬ߞߍ߬ ߘߎ߮ ߟߎ߬ ߓߍ߯ ߞߏ߬ߣߊ߬ߦߊ߫. ߏ߬ ߓߍ߯ ߟߊߘߍ߬ߣߍ߲ ߦߋ߫ ߛߊ߲ߜߘߊ ߣߌ߫ ߛߊ߲ߞߓߊ ߘߏ߫ ߘߐ߫ ߞߋߟߋ߲߫ ߠߊ߫ ߓߋ߬ߟߌ ߟߊ߬ߛߊ߬ߙߌ߬ߟߌ ߟߎ߬ ߟߋ߬ ߘߌ߫߸ ߊ߬ ߡߊ߫ ߛߋ߫ ߕߏ߬ߘߊ ߕߍ߰ ߟߊ߫ ߛߊ߫߸ ߊ߬ ߞߏ߬ߣߌ߲ ߞߊ߬ ߔߊߦߌߔߊߦߌ߫ ߛߐ߲ߛߐ߲ߣߐ ߕߏ߬ߙߋ߬ߞߋ ߘߏ߫ ߟߊߘߊ߲߫߸ ߡߍ߲ ߞߍ߫ ߘߊ߫ ߛߊߓߎ߫ ߘߌ߫ ߞߊ߬ ߡߐ߰ ߥߊ߯ ߁߀ ߣߌ߫ ߞߐ߫ ߝߊ߰߸ ߞߊ߬ ߓߊ߲߫ ߞߊ߬ ߞߐ߰ߖߌ߫ ߛߊ߬ߣߍ߲ ߖߌ ߝߣߊ߫ ߝߊ߲߬ ߞߋߟߋ߲ ߜߍ߬ߘߍ߲߬. ߒ߬ߓߊ߬ ߓߊ߯ߙߊ ߖߍ߬ߘߍߖߍ߬ߘߍ ߦߋ߫ ߒ߬ ߓߟߏ߫ ߡߎߣߎ߲߬߸ ߞߊ߬ ߕߌߙߌ߲ߠߌ߲ ߠߎ߬ ߞߍ߫߸ ߛߴߊ߬ ߘߌ߫ ߟߊߕߍ߰ ߞߏ߫ ߛߊ߬ߘߎߡ ߣߌ߫ ߜ߭ߏߡߐߙ ߟߎ߫ ߓߘߊ߫ ߦߋ߫߸ ߊ߬ ߣߌ߫ ߝߴߊ߬ ߦߋ߫ ߟߐ߲߫ ߝߣߊ߫ ߞߏ߫ ߛߊ߲ߜߘߊ ߟߋ߬ ߣߐ߬ ߟߎߕߌ߫ ߡߌ߬ߙߌ߲߬ߘߌ ߟߎ߬ ߛߌߟߊߛߊ߬ ߟߊ߫.
ߡߍ߲ ߕߊ߲߬ߞߊ߬ߕߊ ߦߋ߫ = ߡߍ߲ ߞߐߛߊ߬ߦߌ߲߬ߕߊ ߦߋ߫ ߣߘߐ߬ߟߐ߲߬ߠߊ ߟߎ߬ ߟߊ߫ ߘߐ߬ߛߙߋ ߣߌ߲߬ ߘߐ߫.
ߛߊ߲ߜߘߊ ߓߋ߬ ߘߊ߫ ߡߌ߬ߙߌ߲߬ߘߌ߬ ߝߙߋߦߊߣߍ߲ (ߡߌ߬ߙߌ߲߬ߘߌ ߛߓߊ߬ߕߌ߬ ߕߐ߬ߟߊ) ߘߏ߫ ߟߎ߫ ߘߐ߫߸ ߏ߬ ߟߋ ߣߊ߬ ߘߊ߫ ߟߊ߬ߛߊ߬ߙߌ߬ߟߌ߬ ߦߙߌߞߊ ߘߌ߫ ߦߋ߲߬߸ ߡߍ߲ ߘߍ߬ߡߍ߲߬ߘߌ߬ߣߍ߲߫ ߡߟߍ߬ߞߊ ߟߎ߬ ߟߊ߫ ߟߍ߯ߙߊ (ߛߊ߬ߙߊ߲߬ߞߊ߬ߠߊ߬ ߞߘߐ ߣߌ߫ ߛߙߊ߬ߒߞߣߊ߬ ߞߎߘߊ ߣߌ߫ ߞߎ߬ߙߊ߬ߣߊ) ߟߎ߬ ߘߐ߫߷
ߟߊ߲߭ߛߌ߬ߣߍ߬ ߞߎ߲ߝߊ߲ߕߐ߫ ߝߏߝߣߊ߫/ ߛߏ߬ߟߏ ߝߙߊ߬ߓߊ-ߘߐ߫