ߜ߭ߊ߲ߓߌ߫ ߒߞߏ ߕߏ߰ߝߏ ߡߍ߲ ߕߐ߯ ߞߏ߫ ” ߒߞߏ ߛߘߊߟߊߟߌ ߘߍ߱ ߜ߭ߊ߲ߓߌߦߊ߫ ﴿ ߒ.ߞ.ߛ.ߘ. ﴾ ߕߊ߲ߖߋ߫ ߓߊ ߕߌ߲߬ߞߎߘߎ߲ ߕߐ߫߸ ߏ߬ ߟߋ߬ ߣߐ߬ ߘߍ߬ߡߍ߲߬ߠߌ߲߬ߓߊ߫ ߛߐ߬ߘߐ߲߬ ߠߊ߫ ߞߊ߬ߙߊ߲߬ 
ߘߊ߲ߞߎ߲ ߘߐ߫، ߓߊߘߌ߲ ߡߊ߲߬ߘߌ߲߬ߒߞߏ ߡߍ߲ ߕߐ߯ ߞߏ߫ ߛߟߊߕߌ߮ ߓߎߓߊߞߊ߯ߙ ߖߥߊߙߊ߫، ߏ߬ ߟߋ ߣߐ߬ ߓߟߌߕߍ߮ ߘߏ߫ ߟߐ߬ ߟߊ߫، ߞߊ߬ ߓߊ߲߫ ߞߵߏ߬ ߞߘߐߟߊ ߓߍ߯ ߘߌ߫ ߜ߭ߊ߲ߓߌ߫ ߒߞߏ ߞߊߙߊ߲ ߘߍ߭ ߡߊ߬، ߞߴߊ߬ߟߎ߬ ߦߴߏ߬ ߞߍ߫ ߒߞߏ ߦߙߐ ߘߌ߫، ߞߊ߬ ߓߊ߲߫ ߞߵߊ߬ ߦߌ߬ߘߊ߬ ߕߎ߲߮ ߞߏ߫ ߣߴߊ߬ ߞߵߊ߬ ߦߋ߫ ߞߊ߬ߙߊ߲߬ ߓߘߊ߫ ߥߙߎߞߌ߫، ߞߴߊ߬ ߘߴߊ߬ߟߋ߬ ߛߊ߲ߞߊ߲ߛߏ ߓߍ߯ ߘߌ߫ ߒߞߏ ߡߊ߬߸ ߛߟߊߕߌ߮ ߛߋߞߎ߫ ߖߥߊߙߊ߫ ߓߊ߲ ߛߊ߬ߛߋߟߌ ߢߌ߲߬ ߠߊ߫، ߊ߲ ߓߊߘߌ߲ ߡߊ߲߬ߘߌ߲߬ߒߞߏ ߘߏߜߘߍ߫ ߡߊߖߌ߰ߣߍ߲߫ ߛߥߌߛ ߖߡߊߣߊ ߞߊ߲߬، ߣߴߊ߬ ߕߐ߯ ߞߏ߫ ߛߟߊߕߌ߮ ߛߋߞߎ߫ ߓߊ߬ߙߏ߫߫߸، ߏ߬ ߝߣߊ߫ ߞߊ߬ ߕߟߋ߬ߓߊ߰ ߈ ߣߌ߬ ߜ߭ߊ߲ߓߌ߫ ߒߞߏ ߕߏ߰ߝߏ ߢߌ߲߬ ߡߊ߬، ߞߴߊ߬ߟߎ߬ ߦߴߏ߬ ߓߌ߬ߟߊ߬ ߞߊ߬ߙߊ߲߬ߛߏ ߢߌ߲߬ ߞߣߐ߫، ߊ߬ ߣߌ߫ ߜߌߙߌ߲ߘߌߟߊ߲ ﴿ ߓߊߓߌߟߊߟߊ߲߫ ﴾ ߞߎߘߊ، ߞߵߏ߬ ߟߊ߫ ߛߌ߰ߟߊ߲߬ ߢߣߊߡߊ ߟߎ߫ ߞߊ߲߬، ߤߋ߯ ߒߞߏ ߡߌ߬ߙߌ߲߬ߘߌ ߟߎ߬߹ ߊ߲ ߓߊߘߋ߲߫ ߡߊ߲߬ߘߋ߲߬ߒߞߏ߫ ߡߐ߰ ߂ ߢߌ߲߬ ߠߎ߬ ߓߘߊ߫ ߞߍ߫ ߢߍߛߐ߲߫ ߢߌߡߊ߫ ߘߌ߫ ߜ߭ߊ߲ߓߌ߫ ߓߊ߲߬ߞߎ߲ ߞߊ߲߬ ߒߞߏߞߏ ߡߊ߬ߝߊ߲ ߘߐ߫ ߘߋ߬߸ ߊߟߎ߫ ߦߴߊ߬ߟߋ߬ ߞߊ߬ߙߊ߲߬ߛߏ ߣߌ߫ ߖߐ߯ߙߊ߲ ߠߎ߫ ߖߌ߬ߦߊ߬ߓߍ ߘߐߜߍ߫ ߦߊ߲߬߸ ߏ߬ ߓߘߊ߫ ߞߍ߫ ߛߊߓߎ߫ ߘߌ߫ ߞߊ߬ ߜ߭ߊ߲ߓߌ߫ ߒ.ߞ.ߛ.ߘ. ߟߊ߫ ߢߌ߬ߣߊ߲ ߞߊ߬ߙߊ߲ ߞߛߊߞߊ ߣߴߊ߬ ߡߐ߬ߟߐ߲߬ ߞߘߐߕߊ߬، ߓߊߏ߬، ߊ߬ߟߎ߬ ߓߘߊ߫ ߕߐ߯ߛߓߍߟߌ ߟߎ߬ ߞߍߢߊ ߝߊ߲߬ߝߘߊ ߟߎ߫ ߦߌ߬ߘߊ߬،
߁- ߞߊ߬ߙߊ߲߬ߘߋ߲߬ ߞߎߘߊ ߕߐ߯ߛߓߍ߫ ߛߙߊ ߦߋ߫ ߘߟߊߛߌ߫ ߂߅ ߘߌ߫ ߜ߭ߊ߲ߓߌ߫ ߥߊߘߌ ߘߐ߫، ߂߲- ߞߊ߬ߙߊ߲ ߞߙߏ߫ ߛߙߊ ߡߎ߫ ߘ ߁߀߀ ߟߋ߬ ߘߌ߫. ߞߊ߲߬ߙߊ߲߬ߛߏ ߢߌ߲߬ ߕߐ߯ ߟߋ߬ ߞߏ߫ ” ߡߊ߲߬ߛߊ߫ ߞߊ߲߬ߞߎ߬ ߡߎߛߊ߫ ߓߊߛߎ߲߫ ߞߊߙߊ߲ߓߏ߲ ” ߒ.ߞ.ߛ.ߘ. ﴿ ߜ߭ߊ߲ߓߌ߫ ߒߞߏ ߛߘߊߟߊߟߌ ߘߍ߭ ﴾ ߢߌ߲߬ ߞߊ߲ߕߌ߮ ߟߋ߬ ߞߙߊ߬ߡߐ߯ ߖߊ߲߬ߡߍ߫ ߞߎ߲߬ߣߍ߲ ߟߋ߬ ߘߌ߫، ߡߍ߲ ߡߊߖߌ߰ߣߍ߲߫ ߋߙߐߔߎ߬ ﴿ ߛߎߥߍߘ ﴾ ߖߡߊ߬ߣߊ ߞߣߐ߫ ߞߊ߬ߦߌ߯ ߛߊ߲߬ ߂߀ ߣߌ߫ ߞߐߖߊ߲߫، ߏ߬ ߟߋ߬ ߟߐ߬ߣߍ߲߫ ߒ.ߞ.ߛ.ߘ. ߟߊ߫ ߞߣߍߡߊ߫ ߓߊ߯ߙߊ ߟߎ߫ ߘߏ߲߬ߖߟߎ߬ߡߊ ߟߊ߫. ߞߊ߲ߕߌ߯ ߛߙߍߞߍ ߕߐ߯ ߞߏ߫ ” ߞߙߊ߬ߡߐ߯ ߓߊ߰ߓߊ߫ ߛߌ߬ߟߊ߫ ” ߏ߬ ߡߊߖߌ߰ߣߍ߲߫ ߜ߭ߊ߲ߓߌ߫ ߓߊ߲߬ߞߎ ߞߊ߲߬، ߓߊ߯ߙߊ ߝߋ߲-ߋ-ߝߋ߲߫ ߣߴߊ߬ ߦߋ߫ ߟߊ߫ ߞߍ߫ ߜ߭ߊ߲ߓߌ߫ ߓߊ߲߬ߞߎ ߞߊ߲߬، ߞߙߊ߬ߡߐ߯ ߓߊ߰ߓߊ߫ ߛߌ߬ߟߊ߫ ߟߴߏ߬ ߘߎ߲߬ߖߟߎ߬ߡߊ߬ ߟߊ߫، ߒ.ߞ.ߛ.ߘ. ߟߊ߫ ߝߊ߲߬ߝߘߊ ߘߐ߫، ߊ߬ߟߎ߬ ߓߍߣߊ߬ ߡߐ߰ ߂ ߥߟߊ߫ ߃ ߟߊߥߟߌ߬ ߞߊ߬ ߣߊ߬ ߖߌ߬ߣߍ߫ ߣߌ߫ ߡߊ߬ߟߌ߬ߓߊ ߞߣߐ߫ ߟߊ߬ߞߐ߰ߟߌ߬ ߞߊ߲ߡߊ߬، ߓߊߏ߬ ߊ߬ߟߎ߫ ߛߓߍ ߡߍ߲ ߗߋ߫ ߒߞߏ ߕߐ߲ߖߊ߯ߓߡߊ ߡߊ߬، ߊ߬ߟߎ߫ ߞߵߊ߬ ߦߌ߬ߘߴߏ߬ ߘߐ߫ ߞߏ߫ ߞߙߊ߬ߡߐ߬ߞߏ߬ߖߊ ߦߴߊ߬ߟߎ߬ ߟߊ߫ ߞߏߛߓߍ߫. ߞߏ߫ ߦߋ߫ ߘߍ߬ߡߍ߲ ߊ߬ߟߎ߫ ߞߊ߲߬.
ߖߊ߲߬ߕߏ߬ߒ߬ߘߐ: ߛߟߊߕߌ߮ ߓߎߓߊߞߊ߯ߙ ߖߥߊߙߊ߫ ߟߊ߫ ߛߊ߲ߞߊ߲ߛߏ ߣߌ߲߬ ߕߍ߫ ߓߏ߲ ߘߌ߫ ߦߋ߲߬ ߕߋ߲߬ ߘߐߙߐ߲߫ ߘߋ߬، ߊ߬ ߟߐ߬ߣߍ߲߫ ߠߋ߬ ߦߏ߫ ߞߎ߬ߞߎߘߊ ߓߏ߲߫ ߟߐߢߊ، ߊߟߎ߫ ߖߍ߬ߘߍ ߦߴߊ߬ߟߋ߬ ߓߏ߲ ߖߌ߬ߦߊ ߘߐߜߍ߫ ߘߐߙߐ߲߫ ߞߊ߬ ߢߊ߬. ߣߌ߲߬ ߞߏ߫ ߛߎ߮ ߘߏ߲߬ ߦߋ߫ ߕߐ߰ߡߊ߬ߛߙߋ߬ ߢߌߡߊ ߟߋ߬ ߘߌ߫ ߒߞߏߞߏ ߘߐ߫ ߡߊ߲߬ߘߋ߲߫ ߓߊ߲߬ߞߎ ߟߎ߫ ߞߊ߲߬، ߓߊߏ߬، ߕߙߊߥߊߟߋ߬ߗߍ ߘߏ߫ ߝߣߊ߫ ߞߵߊ߬ ߢߐ߲߰ ߞߍ߫ ߞߙߐߞߐ߫ ﴿ ߜߋ߲-ߞߐ߬ߖߌ߬ߘߊ ﴾ ߟߊ߫ ߂߀߂߈ ߠߊ߫
ߛߏ߬ߟߏ ߝߙߊ߬ߓߊ-ߘߐ߫ ߛߌ߬ߛߋ߫ ߓߟߏ߫