ߞߊ߲ߕߌ߮ ߊߟߑߝߊ߫ ߞߐߘߍ߫ ߓߘߊ߫ ߞߎ߬ߙߎ߲߬ߘߎ߬ ߞߎߘߊ ߦߌ߬ߘߊ߫ ߓߌߟߏ߲߫ ߕߊ߬ߡߌ߬ߣߍ߲

ߞߊ߲ߕߌ߮ ߊߟߑߝߊ߫ ߞߐߘߍ߫ ߓߘߊ߫ ߞߎ߬ߙߎ߲߬ߘߎ߬ ߞߎߘߊ ߦߌ߬ߘߊ߫ ߓߌߟߏ߲߫ ߕߊ߬ߡߌ߬ߣߍ߲ ߢߌ߲߬ ߡߊ߬، ߊ߬ ߞߵߊ߬ ߦߌ߬ߘߊ߫ ߞߏ߫ ߞߵߊ߬ ߓߍ߲߬ ߂߀߁߀ ߞߎ߬ߙߎ߲߬ߘߎ ߡߐ߬ߟߐ߲ ߖߐ߲ߝߐ߲ ߡߊ߬، ߞߵߊ߬ ߓߍ߬ߣߍ߲߫ ߠߴߏ߬ ߘߐ߫، ߞߊ߬ ߞߎ߬ߙߎ߲߬ߘߎ߬ ߞߎߘߊ߫ ߛߏ߯ߙߏ، ߞߵߏ߬ ߦߌ߬ߘߊ߫ ߖߌ߬ߣߍ߫ ߡߌ߬ߙߌ߲߬ߘߌ ߟߊ߫،ߛߊ ߓߍ߯ ߘߴߊ߬ ߞߣߐߘߐ ߞߊ߬ߙߊ߲߬ ߞߵߊ߬ ߟߐ߲߫، ߏ߬ ߓߊ߯ߞߍ߫، ߞߊ߲ߘߟߌ ߕߌߣߊ߬ ߕߏ߫ ߛߌ߲߬ߝߏ߲߬ߧߊ߬ ߟߊ߫، ߣߌ߫ ߡߍ߲ ߠߎ߫ ߞߵߊ߬ ߟߐ߲߫ ߞߏ߫ ߞߎ߬ߙߎ߲߬ߘߎ߬ ߞߎߘߊ ߓߍ߲߬ߣߍ߲߫ ߖߌ߬ߣߍ߫ ߡߌ߬߫ߙߌ߲߬ߘߌ ߡߊ߬، ߏ߬ ߟߎ߬ ߘߌ߫ ߢߣߊߕߊߟߌ ߞߍ߫ ” ߒ߬ߤߎ߲߫ ” ߠߊ߫، ߣߌ߫ ߡߍ߲ ߠߎ߬ ߝߣߊ߫ ߞߵߊ߬ ߟߐ߲߫ ߞߵߊ߬ ߓߍ߲߬ߣߍ߲߫ ߕߍ߫ ߖߌ߬ߣߍ߫ ߡߌ߬ߙߌ߲߬ߘߌ ߡߊ߬، ߏ߬ ߟߎ߬ ߘߌ߫ ߢߣߊߕߊߟߌ ߞߍ߫ ” ߍ߲߬ߍ߲߫ ” ߠߊ߫߸ ߥߣߎ߬ߣߎ߬ ߞߎߡߊ ߟߎ߫ ߕߘߍ߬ ߓߘߊ߫ ߛߌߦߊߦߊ߫ ߞߵߊ߬ ߓߍ߲߬ ߞߎ߬ߙߎ߲߬ߘߎ߬ ߞߎ߬ߘߊ߬ߞߏ ߢߌ߲߬ ߡߊ߬، ߞߐ߬ߣߌ߬ ߝߋ߲ ߖߊ߲ ߓߊ߯ ߡߍ߲ ߕߊ߬ߡߌ߲߬ ߠߊ߫، ߊ߬ ߕߐ߭ ߘߌ߫ ߕߊ߬ߡߌ߲߬ ߟߏ߲߫ ߞߋߟߋ߲߫، ߏ߬ ߓߟߏߡߊ߬، ߊ߲ ߞߍߕߐ߫ ߊ߬ߟߋ߫ ߖߌ߬ߣߍ߫ ߞߎ߬ߙߎ߲߬ߘߎ߬ ߞߎߘߊ ߝߊ߬ߙߊ߲߬ߛߌ߬ߞߊ߲߬ߡߊ ߛߘߌ߬ߜߋ߲ ߠߋ߬ ߛߘߌ߬ ߟߊ߫ ߛߌߛߍ߲߬، ߦߊߣߵߊ߲ ߠߊ߫ ߞߙߊ߬ߡߐ߯ ߞߍߕߐ߫ ߕߍ߫ ߞߵߊ߬ ߘߟߊߡߌ߬ߘߊ߬ ߒߞߏ ߘߐ߫، ߣߴߊ߬ ߟߊ߫ ߘߌ߬ߢߍ߬ ߘߊ߫ ߕߎ߬ߡߊ ߡߍ߲ ߞߊ߬ߣߌ߲߬. ߊߟߎ߫ ߦߋ߫ ߦߊ߲߬ ߛߐ߲߬ߞߌ߲߫ ߞߊ߬ ߞߎ߬ߙߎ߲߬ߘߎ߬ ߞߎߘߊ߫ ߦߌ߬ߘߊ߬ߣߍ߲ ߞߎߝߊ߲ߓߐ߫

ߛߏ߬ߟߏ ߝߙߊ߬ߓߊ-ߘߐ߫