ߒߞߏ ߞߊߙߊ߲ߛߏ ߣߍ߬ߣߍ߬ ߕߙߊߥߊߟߋ߫ ߛߌ߲ߘߌߓߊ߮ ߘߟߊߛߎ߲ߓߎ

ߞߊ߲ߞߊ߲߫
ߒߞߏ߫ ߞߊߙߊ߲ߕߊ ߣߍ߬ߣߍ߬ ߕߙߊߥߟߋ߫ ߛߌ߲ߘߌߓߊ߮ ߘߟߊߛߎ߲ߓߎ ߒߞߏ ߝߐ߰ߓߍ߬ߘߊ ߓߟߏ߫
ߛߌ߬ߣߌ߲߬ߟߏ߲ ߞߏߟߌ߲ߞߏߟߌ߲ ߕߋ߬ߟߋ߫ ߂߁ – ߂߀߁߈-߇߈߃ߞߜ،ߊ߲ ߧߴߊ߬ ߝߍ߬ ߞߊ߬ ߒߞߏ߫ ߞߊߙߊ߲ߕߊ ߣߍ߬ߣߍ߬ ߕߙߊߥߟߋ߫ ߛߌ߲ߘߌߓߊ߮ ߞߊ߬ߙߊ߲߬ߡߐ߰ ߓߊߛߓߊ߬ߕߌ߫ ߛߘߌ߬ߓߋ߫ ߟߋ߬ ߘߟߊߛߎ߲ߓߎ߲ ߓߌ߬ ߞߵߊ߬ ߓߍ߲߬ ߊ߬ ߟߊ߫ ߘߐ߬ߖߊ ߡߊ߬ ߒߞߏ ߟߊߥߙߎߞߌ ߘߐ߫ ߞߊ߲ߞߊ߲߫ ߓߊߕߍ߫ ߣߓߊ߬ߦߊ߫ ߸ߞߊ߬ߙߊ߲߬ߡߐ߰ ߓߊߛߓߊ߬ߕߌ߫ ߛߘߌ߬ߓߋ߫ ߟߋ߬ ߦߋ߫ ߞߊ߲ߞߊ߲߫ ߒߞߏ ߘߏ߲߬ߖߟߎ߬߬ߡߊ߬ߘߊ ߞߎ߲߬ߕߌ߮ ߝߣߊ߫ ߘߌ߫ ߓߌ߬ ߏ߬ ߦߋ߫ ߒߞߏ ߘߍ߬ߞߙߎ ߘߏ߫ ߟߋ߬ ߘߌ߫ ߡߍ߲ ߕߐ߯ ߞߏ߫ “ߛߍ߲ߓߊ߫” ߸ߊ߬ ߖߌߖߊ߬ߣߍ߲߫ ߡߐ߰ ߞߊߙߊ߲ ߝߣߊ߫ ߡߊ߬ ߡߌߛߌ߬ߙߊ߲߫ ߞߊ߲ߞߊ߲߫ ߘߎ߱ ߞߣߐ߫.
ߊߟߎ߫ ߦߴߊߟߎ߫ ߕߟߏߡߊߟߐ߬ ߞߊ߬ߙߊ߲߬ߡߐ߰ ߓߊߛߓߊ߬ߕߌ߫ ߖߍ߬ߘߍ ߘߊߘߐߞߊ߲ ߠߊ߫ ߒߞߏ ߡߌ߬ߙߌ߲߬ߘߌ ߢߍ߫ .
ߞߊ߬ߙߊ߲߬ߡߐ߯ ߌ ߣߌ߫ ߖߐ߫ ߸ߡߊ߰ߙߌ ߦߋ߫ ߖߐ ߥߙߎߞߌ ߛߟߊߕߌ߮ ߸ߌߟߋ ߕߐ߯ ߘߌ߬ ؟
ߒߠߋ ߕߐ߯ ߟߋ߬ ߞߏ߫ ߓߊߛߓߊ߬ߕߌ߫ ߛߘߌ߬ߓߋ߫ ߞߊ߲ߞߊ߲߫ ߒߞߏ ߘߏ߲߬ߖߟߎ߬߬ߡߊ߬ߘߊ ߞߎ߲߬ߕߌ߮.
ߢ.ߌ ߞߊ߬ ߞߊ߬ߙߊ߲߬ߕߊ ߣߌ߲߬ ߡߙߌߘߐ ߕߊ߬ ߘߌ߬ ߤߊ߲߯ ߌ ߓߘߊ߫ ߖߊ߬ߡߊ ߘߐ߬ߜߍ ߣߌ߲߬ ߛߐ߬ߘߐ߲߬ ؟؟.
ߖ. ߊ߬ ߓߘߊ߫ ߥߛߎ߬ ߖߊ߲߫ ߓߐ߫ ߒ ߧߋ߫ ߒ ߡߙߌ ߟߊ߫ ߘߋ߲ߣߍ߲߫ ߞߊߙߊ߲߫ ߞߏ߫ ߡߊ߬ ߒߞߏ ߟߊ߫ ߸ߓߊߏ߬ ߞߊ߬ߓߌ߯ߣߌ߫ ߒ ߧߋ߫߫ ߒߞߏ ߞߊߙߊ߲ߘߋ߲ߧߊ ߟߊ߫ ߕߎ߬ߡߊ ߡߍ߲ ߠߊ߫ ߒ ߞߊ߬ ߡߐ߰ ߞߊߙߊ߲ ߘߊߡߌ߬ߣߊ߬ ߒߞߏ ߟߊ߫،ߒ ߞߵߊ߬ ߖߊ߬ߕߋ߬ߘߐߛߌ߰ ߞߐ ߟߊ߫ ߞߏ߫ ߛߌߣߌ߲ߢߍߛߌ߮ ߦߋ߫ ߘߋ߲ߣߍ߲ ߠߎ߬ ߟߋ߬ ߘߌ߫ ߸ߒ ߞߊ߬ ߦߙߐ߫ ߢߌߣߌ߲߫ ߘߊߡߌ߬ߣߊ߬ ߏ߬ ߟߋ ߘߐ߫ ߖߐ߲߰ߛߊ߫ ߒ ߘߴߏ߬ ߞߍ߫ ߘߋ߲ߣߍ߲߫ ߞߊߙߊ߲ߕߊ ߘߌ߫،ߛߊ߲߬ ߝߌ߬ߟߊ߫ ߕߊ߬ߡߌ߲߬ߣߍ߲ ߞߐߝߍ߬ ߒ ߣߊ߬ ߘߊ߫ ߦߙߐ߫ ߛߐ߬ߘߐ߲߬ ߂߀߁߆ ߟߊ߫ ߸ߛߊ߲߬ ߞߋߟߋ߲ ߏ߬ ߟߊ߫ ߞߊ߬ߙߊ߲ ߘߊߡߌ߬ߣߊ߬ ߘߊ߫ ߞߊ߬ ߕߟߋ߬ ߟߏ߯ߟߎ߫ ߞߍ߫ ߒ ߡߊ߫ ߛߋ߫ ߢߊ ߛߐ߬ߘߐ߲߬ ߠߊ߫ ߞߏ߲ߕߏ߲ ߞߏ߫ ߟߎ߬ ߡߊ߬ ߸ߒ ߠߊ߫ ߓߐ߬ߟߐ߲߬ߞߊ (ߒ ߝߘߎߡߛߏ) ߛߊߘߊ߲߫ ߓߎ߬ߢߎ߲߫ ߞߡߊ߬ߙߊ߬ ߟߊ߫ ߞߟߊߓߎ ߣߌ߫ ߘߐ߬ߖߊ ߛߓߊߓߎ߫ ߟߊ߫ ߏ߬ ߘߏ߲߬ ߘߊ߫ ߘߋ߲ߕߌ߮ ߟߎ߬ ߞߊ߬ ߞߌ߲߬ߘߊ ߝߊ߲߭ ߓߍ߯ ߞߣߐ߫ ߞߵߊ߬ ߦߌ߬ߘߊ߫ ߊ߬ߟߎ߬ ߟߊ߫ ߞߏ߫ ߡߐ߱ ߟߎ߬ ߦߴߊ߬ߟߎ߬ ߘߋ߲ ߠߎ߬ ߘߌ߫ ߞߵߊ߬ߟߎ߬ “ߞߊ߬ߙߊ߲߬ ߒߞߏ ߟߊ߫” ߸ߊ߲ ߞߊ߬ ߘߋ߲ߣߍ߲߫ ߡߐ߰ ߟߏ߯ߟߎ߫ ߛߐ߬ߘߐ߲߬ ߓߐ߬ߟߐ߲߬ߞߊ ߟߊ߫ ߕߊ߯ߡߊ߫ ߏ߬ ߛߘߊߘߐ߫ ߣߌߛߐߘߌߦߊ ߘߝߊߣߍ߲߫ ߘߐ߫،ߛߏ߬ߓߌ߬ߟߊ߬ߞߎ߬ߣߎ߲߬ߠߌ߲ ߏ߬ ߛߋ߲߭ ߝߍ߬ ߸ߏ߬ ߞߍ߫ ߘߊ߫ ߛߊߓߎ߫ ߢߌߡߊ߫ ߘߌ߫ ߒ ߕߊ߯ ߘߊ߫ ߞߏ߲ߕߏ߲ ߠߎ߬ ߕߊ߬ ߒ ߠߊ߫ ߡߐ߰ ߞߎ߲߬ߓߊ߬ ߞߊߙߊ߲ߕߊ ߟߊ߫ ߞߊ߬ ߣߵߊ߬ ߘߌ߫ ߸ߊ߲ ߞߊ߬ ߞߊ߬ߙߊ߲ ߘߊߡߌ߬ߣߊ߬ ߘߋ߲ߣߍ߲߫ ߡߐ߰ ߟߏ߯ߟߎ߫ ߝߟߐ߫ ߏ߬ ߟߎ߫ ߡߊ߬ ߌߞߘߐ߫ ߞߊ߬ߙߊ߲ ߦߋ߫ ߞߊߙߏ߫ ߛߓߊ߬ ߓߐ߫ ߟߊ߫ ߕߎ߬ߡߊ ߡߍ߲ ߠߊ߫ ߊ߲ ߠߊ߫ ߞߊ߬ߙߊ߲߬ߘߋ߲ ߓߘߊ߫ ߛߋ߫ ߡߐ߰ ߅߀ ߣߌ߫ ߞߐ߫ ߘߐ߫ ߸ߓߊߏ߬ ߊ߲ ߕߘߍ߬ ߦߋ߫ ߘߋ߲ߣߍ߲ ߠߎ߬ ߞߊ߬ߙߊ߲߬ ߠߊ߫ ߟߐ߲ߠߌ߲߫ ߞߎߡߊ߫ ߟߎ߬ ߟߋ߬ ߟߊ߫ ߡߐ߰ߓߊ ߟߎ߫ ߖߍ߬ߘߍ ߤߊ߲ߞߟߌ ߕߍ߫ ߛߋ߫ ߟߊ߫ ߡߍ߲ ߡߊ߬،ߘߋ߲ߣߍ߲߫ ߠߎ߬ ߕߘߍ߬ ߦߋ߫ ߥߊ߫ ߟߊ߫ ߟߐ߲ߠߌ߲߫ ߞߊ߲߫ ߏ߬ ߟߋ ߘߐߞߊ߬ߙߊ߲߬ ߠߊ߫ ߦߙߐ ߟߎ߬ ߘߐ߫ ߛߐ߲߬ ߸ߏ߬ ߞߍ߫ ߘߊ߫ ߛߊߓߎ߫ ߘߌ߫ ߞߊ߬ ߡߐ߰ ߛߌߦߊߡߊ߲߫ ߞߎ߲߭ ߟߊ߫ ߊ߲ ߞߊ߲߬،ߏ߬ ߛߊ߲߬ߠߊ߬ߞߊ ߂߀߁߇-߂߀߁߈ ߕߍߟߊ ߘߐ߫ ߊ߲ ߞߊ߬ ߛߊ߯ߘߊ߫ ߝߌߟߊߣߊ߲ ߠߊߞߊ߬ ߏ߬ ߣߌ߫ ߛߊ߯ߘߊ߫ ߝߟߐ߫ ߞߊ߬ߙߊ߲߬ߘߋ߲߫ ߠߎ߬ ߕߊ߯ ߘߊ߫ ߤߊ߲߯ ߡߐ߰ ߁߅߀ ߖߊ߬ߕߋ߬ ߘߐ߫ ߸ߒ߬ߓߊ߬ ߢߌ߬ߣߊ߲߬ ߂߀߁߈-߂߀߁߉ ߣߌ߲߬ ߠߊ߫ ߡߐ߰ ߂߈߀ ߖߊ߬ߕߋ߬ ߟߴߊ߲ ߓߟߏ߫ ߕߋ߲߬ߕߋ߲߬ ߣߌ߲߬ ߘߐ߫ ߕߋߙߎ߫.
ߏ߬ ߟߎ߬ ߘߐߕߟߊߣߍ߲߫ ߝߏ߯ ߄ߠߋ߬ ߕߍ߫ ߕߊ߲߬ :
߁߲- ߓߎߘߍߓߎߘߍ߫ ߟߎ߬ :ߏ߬ ߟߎ߬ ߦߋ߫ ߝߏ߯ ߞߋߟߋ߲߫ ߠߊ߫߸ߏ߬ ߟߎ߬ ߡߐ߰ ߈߀ߠߋ߬ ߦߋ߫ ߦߋ߲߬.
ߓߘߎߓߘߍ߫ ߛߊ߲߬ ߇ߡߊ߬ ߟߎ߬ :ߏ߬ ߟߎ߫ ߟߋ߬ ߛߊ߯ߘߊ߫ ߝߟߐ ߟߊ߫ ߸ߏ߬ ߟߎ߫ ߡߐ߰ ߁߀߀ ߟߋ߬ ߦߋ߫ ߦߋ߲߬.
*ߛߊ߯ߘߊ߫ ߝߌߟߊߣߊ߲ ߕߊ ߟߎ߬ :ߏ߬ ߟߎ߫ ߡߐ߰ ߅߇ ߟߋ߬ ߦߋ߫ ߦߋ߲߬.
*ߛߊ߯ߘߊ߫ ߛߓߊߣߊ߲ ߕߊ ߟߎ߬ :ߏ߬ ߟߎ߬ ߝߣߊ߫ ߕߊ ߟߎ߬ ߦߋ߫ ߡߐ߰ ߄߇ ߟߋ߬ ߘߌ߫.
ߣߴߊߟߊ߫ ߞߊ߬ ߛߊ߲߬ ߜߘߍ߫ ߘߴߊ߲ ߡߊ߬ ߊ߲ ߘߌ߫ ߛߊ߯ߘߊ߫ ߄߲ ߝߣߊ߫ ߟߊߞߊ߬.
ߞߊ߬ߙߊ߲߬ߝߊ/ ߓߊߛߓߊ߬ߕߌ߫ ߛߘߌ߬ߓߋ߫ ߌ ߞߊ߬ ߕߐ߯ ߡߊߟߐ߲ߣߍ߲߫ ߖߐ߲߫ ߟߊ߫ ߒߞߏ ߞߊߙߊ߲ߕߓߊ ߣߌ߲߬ ߠߊ߫ ؟
ߊ߬ ߕߐ߯ߟߊߣߍ߲߫ ߒ ߛߐ߬ߘߐ߲߬ߣߊ ߟߋ߬ ߟߊ߫ ߏ߬ ߕߐ߯ ߘߌ߬ ؟ߊ߬ ߕߐ߮ ߟߋ߬ ߞߏ߫ “ߣߍ߬ߣߍ߬ ߕߙߊߥߟߋ߫ ” ߓߍ߯ ߦߴߊ߬ ߞߟߌ߫ ߟߊ߫ ߡߍ߲ ߠߊ߫ ߏ߬ ߦߴߊ߬ ߞߊ߲߬ߕߐ߮ ߟߋ߬ ߘߌ߫.
*ߊߟߎ߫ ߡߐ߰ ߖߋ߬ߟߌ߬ ߦߋ߫ ߞߊ߬ߙߊ߲߬ߡߐ߰ߦߊ ߟߊ߫؟
߸ߊ߲ ߡߐ߰ ߛߓߊ߬ ߟߋ߬ ߞߊ߬ߙߊ߲߬ߡߐ߰ߦߊ߫ ߟߊ߫ ߦߊ߲߬ ߞߊ߬ߙߊ߲߬ߝߊ߬ ߞߋߟߋ߲߫ ߣߌ߫ ߞߊ߬ߙߊ߲߬ߠߊ߫ ߝߌ߬ߟߊ߬ ߏ߬ ߟߎ߬ ߕߐ߮ ߛߙߍߘߍ ߝߟߍ߫ ߣߌ߲߬ :
߁- ߓߊߛߓߊ߬ߕߌ߫ ߛߘߌ߬ߓߋ߫
߂-ߓߐ߬ߟߐ߲߬ߞߊ/ ߛߊߘߊ߲߫ ߡߎ߬ߢߎ߲߫ ߞߡߊ߬ߙߊ߫
߃-ߓߟߊ߬ߡߊ߬ߖߏ߲ߞߊ߲/ ߊߦߌ߯ߓߊ߫ ߡߎ߬ߢߎ߲߫ ߞߊ߬ߓߊ߫.
ߞߊ߬ߙߊ߲߬ߕߊ ߗߋߕߌ߮ ߦߋ߫ ߖߐ߲߫ ߘߌ߫؟
ߗߋߕߌ߮ ߦߋ߫ ߓߐ߬ߟߐ߲߬ߞߊ /ߛߊߘߊ߲߫ ߡߎ߬ߢߎ߲߫ ߞߡߊ߬ߙߊ߫ ߟߋ߬ ߘߌ߫ ߸ߛߌ߲ߘߌߓߊ߮ ߦߋ߫ ߓߊߛߓߊ߬ߕߌ߫ ߖߍ߬ߘߍ ߘߌ߫،ߒߞߏ ߞߋߟߋ߲߫ ߠߋ߬ ߞߊ߬ߙߊ߲߬ ߠߊ߫ ߦߊ߲߬ ߓߊ߬ ؟
ߍ߲߬ߍ߲ߍ߲߬ ߒߞߏ ߣߌ߫ ߝߊ߬ߙߊ߲߬ߛߌ߫ ߝߌ߬ߟߊ߫ ߟߋ߬ ߞߊ߬ߙߊ߲߬ ߠߊ߫ ߒ߬ ߝߍ߬ ߦߊ߬߸ߡߏ߬ߛߏ ߖߋ߬ߟߌ߬ ߦߋ߫ ߞߊ߬ߙߊ߲߬ ߠߊ߫ ߦߊ߲߬ ߕߋ߲߬ ؟.
ߡߏ߬ߛߏ ߖߊ߬ߕߋ߫ ߡߍ߲ ߦߋ߫ ߞߊ߬ߙߊ߲߬ ߠߊ߫ ߦߊ߲߬ ߕߋ߲߬ߕߋ߲߬ ߣߌ߲߬ ߘߐ߫ ߏ߬ ߟߋ ߡߛߏ߬ ߉߀ ߘߌ߫߸ ߗߍ߭ ߡߐ߰ ߁߈߀ ߖߊ߬ߕߋ߫ ߟߋ߬ ߝߣߊ߫ ߦߋ߫ ߞߊ߬ߙߊ߲߬ ߠߊ ߦߊ߲߬ ߕߋ߲߬ߕߋ߲߬ ߣߌ߲߬ ߘߐ߫،ߝߙߋߞߋ ߖߐ߲߫ ߦߴߊߟߎ߫ ߛߐ߬ߘߐ߲߬ ߠߊ߫ ߦߊ߲߬ ߕߋ߲߬؟
ߝߊߦߌߘߊ߫ ߒ߬ ߧߴߊ߬ ߝߐ߫ ߟߊ߫ ߟߋ߬ ߞߏ߫ ߝߙߋߞߋ߫ ߛߌߦߊߡߊ߲߫ ߕߴߊ߲ ߛߐ߬ߘߐ߲߬ ߠߊ߫ ߦߊ߲߬ ߓߊߞߍ߫ ߞߵߏ߬ ߞߎ߲߭ ߞߍ߫ ߒߞߏ ߛߓߍߛߎ߲ ߞߊ߲ߡߊߛߙߋߡߊ߫ ߛߌ߲ߘߌߓߊ߮ ߟߊ߫ ߢߌ߬ߣߌ߲߬ߞߊ߬ߟߌ߬ ߖߋߓߌ ߘߏ߫ ߟߎ߫ ߘߌ߫ ߸ߣߴߏ߬ ߕߍ߫ ߞߊ߬ߙߊ߲߬ߘߋ߲ ߣߴߊ߬ ߟߊߛߌߦߊߦߊ߫ ߡߍ߲ ߠߎ߬ ߦߋ߫ ߞߊߙߏ߫ ߛߙߊ߬ ߟߊ߫ ߏ߬ ߡߊ߫ ߕߊ߬ߡߌ߲߬ %߅ ߟߊ߫ ߸ߕߎ߬ߡߊ ߘߏ߫ ߟߎ߫ ߟߊ߫ ߘߎߓߊߙߊ߲߫ ߞߏ߫ ߜߟߍ߬ߡߊ߲߫ ߒ߬ ߡߊ߬ ߝߏ߫ ߣߴߊ߲ ߖߍ߬ߘߍ ߞߵߊ߲ ߓߟߏ߫ ߓߌ߬ߟߊ߬ ߊ߲ ߞߎ߲߬ ߞߵߏ߬ ߟߎ߬ ߢߌߣߌ߲߫ ߖߐ߲߰ߛߊ߫ ߞߊ߬ߙߊ߲߬ ߞߊߣߊ߬ ߟߊߟߐ߬ ߝߋߎ߫ ،ߞߊ߬ߙߊ߲ ߦߋ߫ ߞߍ߫ ߟߊ߫ ߟߏ߲ ߖߐ߲߫ ߠߎ߫ ߡߊ߬ ؟ߞߊ߬ߙߊ߲ ߦߋ߫ ߞߍ߫ ߟߊ߫ ߟߏ߲ ߓߍ߯ ߟߊߘߍ߬ߣߍ߲ ߠߋ߬ ߡߊ߬ ߝߏ߫ ߞߊ߯ߙߌ ߣߌ߫ ߛߌ߬ߣߌ߲߬ߟߏ߲ ،ߌ ߣߌ߫ ߗߋ߫ ߢߌ߬ߣߌ߲߬ߞߊ߬ߟߌ ߢߌ߲߬ ߠߎ߬ ߖߋ߬ߓߌ ߘߐ߫ ߞߊ߬ߙߊ߲߬ߝߊ / ߓߊߛߓߊ߬ߕߌ߫ ߛߘߌ߬ߓߋ߫ ߸ߌ ߝߣߊ߫ ߣߌ߫ ߗߋ߫ ߘߟߊߛߎ߲ߓߎߟߌ ߟߊ߫ ߛߌߦߙߊ߫ ߓߐ߫ ߟߊ߲߰ߛߌ߬ߣߍ߫ ߞߏ߬ߣߊ߬ߕߍ߫،ߞߊ߬ߙߊ߲߬ߝߊ ߓߊߛߓߊ߬ߕߌ߫ ߛߘߌ߬ߓߋ߬ ߟߊ߫ ߜߋߟߋ߲ߜߋߟߋ߲߫ ߝߙߍߕߍ ߟߋ߬ ߣߌ߲߬ ߘߌ߫ :߆߂߈ ߉߄ ߈߂ ߈߀.
ߛߌߦߙߊ߫ ߓߐ߫ ߟߊ߲߰ߛߌ߬ߣߍ߫ ߞߏ߬ߣߊ߬ߕߍ߫ ߟߊ߫ ߘߟߊߛߎ߲ߓߎߟߌ ߟߋ߬ ߒߞߏ ߝߐ߰ߓߍ߬ߦߊ߬ߟߊ߸ ߛߏ߬ߟߏ ߝߙߊ߬ߓߊ-ߘߐ߫