ߣߖ߭ߊ ߟߊ߫ ߘߐ߬ߛߏ߰ߟߊ߲ ߛߏߟߊ߯ߙ ߔߞߊ߫ ߔߙߐߖ߭ ߓߘߊ߫ ߘߊ߲ ߞߊߘߌ߫

ߣߖ߭ߊ ߟߊ߫ ߘߐ߬ߛߏ߰ߙߋ߬ߟߊ߲߫ ߛߏߟߊߙ ߔߞߊ ߔߙ߭ߐߓ ߓߘߊ߫ ߘߊ߲ ߞߊߘߌ߫
ߛߏߟߊߙ ߔߞߊ ߔߙ߭ߐߓ ߡߍ߲ ߓߎ߰ߓߎ߬ߡߊ߬ߣߍ߲ ߘߓߊ߬ߕߊ ߕߟߋ߬ ߁߂ ߡߊ߬߸ ߏ߬ ߟߋ ߓߘߊ߫ ߛߎ߬ߘߎ߲߬ߧߊ߫ ߕߋ߬ߟߋ ߟߊ߫ ߣߌ߲߬߸ ߞߊ߬ ߕߊ߬ߡߌ߲߬ ߡߐ߱ ߟߊ߫ ߝߋ߲߫ ߠߊߞߊ߲ߘߊߣߍ߲ ߓߍ߯ ߞߊ߲߬. ߓߊߏ߬ ߞߐ߬ߟߏ߲ ߞߵߊ߬ ߕߘߍ߬ ߞߎߘߍ߫ ߞߋ߲߬ߥߟߎ߬ ߄߂ ߞߎߘߍ߫ ߥߊ߯ ߇߀߀ ߣߌ߫ ߥߊ߯ ߃߀ ߟߋ߬ ߦߴߊ߬ ߣߌ߫ ߕߋ߬ߟߋ ߕߍ߫. ߊ߬ߟߋ߬ ߓߘߴߊ߬ ߢߍߓߊ߮ ߘߊ߲߬ ߏ߬ ߘߐ߫߸ ߣߊߟߌ߬ߡߎ߲߫ ߊߡߋߙߌߞߌ߬ ߣߴߊߟߌߡߊ߲ߘߎ߯ ߘߍ߬ߒߡߊ ߤߋߟߌߦߏߛ ߂߲ ߘߌ߫߸ ߏ߬ ߡߍ߲ ߓߎ߰ߓߎ߬ߡߊ߬ ߘߊ߫ ߞߏ߲ߞߏߘߌ߬ߓߌ ߟߊ߫ ߁߉߇߆ ߟߊ߫.
ߊ߬ ߣߴߊ߬ ߥߊ߫ ߦߙߐ ߕߍ ߞߊߖߊ߲߬ ߡߎߣߎ߲߬ ߞߏߛߓߍ߫.
ߔߞߊ ߢߌ߲߬ ߓߎ߰ߓ߲ߎ߬ߡߊ ߕߟߋ߬ ߇߈ ߠߋ߬ ߦߋ߫ ߣߌ߲߬߸ ߒ߬ ߣߌ߫ ߒ߫ ߥߊ߫ ߦߙߐ ߕߍ ߞߊߖߊ߲߬ ߛߊ߫߸ ߓߊ ߔߞߊ ߥߊߕߐ߫ ߤߊ߲߯ ߕߋ߬ߟߋ ߞߎߘߍ߫ ߞߋ߲߬ߥߟߎ߬ ߆ ߟߋ߬ ߟߊ߫߸ ߊ߬ ߞߍߕߐ߫ ߦߋ߲߬ ߠߊߛߐ߬ߘߐ߲߬ ߠߊ߫ ߂߀߂߄ ߠߋ߬ ߟߊ߫߸ ߥߎߟߊ ߕߐ߭ ߟߊߖߊ߲߰ߧߊ ߣߴߊ߬ ߕߊ߸ ߡߐ߱ ߟߊ߫ ߘߊ߲ߝߋ߲߫ ߜߘߍ߫ ߡߊ߫ ߛߋ߫ ߦߋ߲߬ ߡߎߣߎ߲߬, ߖߊ߬ߕߋ߬ߘߐ߬ߛߌ߮ ߞߎ߲߬ߕߌ߮ ߊ߲ߘߌ߫ ߘߑߙ߭ߊߌߛߑߡߊ߲ߣ ߟߊ߫ ߘߊ߲߬ߕߍ߰ߟߌ߬ ߞߊ߲ ߠߋ߬.
ߊ߬ߟߋ ߟߋ߬ ߓߍߣߊ߬ ߞߍ߫ ߜߊ߲ߝߋ߲ ߓߍ߯ ߘߐ߫ ߞߊߟߌߡߊ߲ ߘߌ߫ ߕߋ߬ߟߋ ߢߊߞߘߐ߫߸ ߓߊ ߤߋߟߌߦߏߛ ߞߊ߬ ߞߎߘߍ߫ ߂߄߆.߉߆߀ ߟߋ߬ ߛߐ߬ߘߐ߲߬ ߕߎ߬ߡߊ߬ߙߋ߲ ߞߘߐ߫߸ ߣߖ߭ߊ ߟߊ߫ ߝߐߟߌ߫ ߘߐ߫. ߊ߬ ߢߊ߲ߞߊ߲ ߣߌ߫ ߞߐ߲߬ߛߏ ߢߊ߲ߞߊ߲ ߞߊߡߊ߲߫߸ ߊ߬ ߛߐ߲߬ߞߐ ߦߋ߫ ߊߡߋߙߌߞߌ߫ ߘߏߟߊߙ ߥߟߎ߬ߡߊ߬ ߞߋߟߋ߲߫ ߞߋ߲߬ߥߟߎ߫ ߗߡߍ߬ ߅ ߟߋ߰ ߘߌ߫߸ ߊ߬ ߓߍߣߊ߬ ߕߋ߬ߟߋ ߡߐ߲ߕߐ߲ ߓߍ߲߬ߢߐ߲߰ߦߊ߬߸ ߏ߬ ߡߍ߲ ߞߟߊߡߊ߲߫ ߕߋ߬ߟߋ ߖߍ߬ߘߍ ߘߌ߫ ߛߋ߲߬ߧߊ߫ ߃߀߀߸ ߊ߬ ߘߌߣߊ߬ ߖߊ߲ߓߋ ߏ߬ ߘߐߛߊ߲߬ ߛߋ߲߬ߧߊ߫ ߂߄ ߛߊ߲߬ ߇ ߞߎ߲߬ߕߊ߮ ߞߘߐ߫߸ ߏ߬ ߡߍ߲ ߓߍ߲߬ߕߐ߫ ߊ߬ ߟߊ߫ ߗߋߦߊߟߌ ߓߊ߲ߕߎߡߊ ߡߊ߬. ߛߏߟߊߙ ߔߞߊ ߣߌ߲߬ ߞߍ߫ ߕߐ߫ ߢߌ߬ߣߌ߲߬ߞߊ߬ߟߌ߫ ߞߎ߲ߓߊ߫ ߂ ߟߎ߫ ߟߋ߬ ߖߊ߬ߓߌ߬ ߟߊ߫.
ߡߎ߲߬ߠߊ߫ ߕߋ߬ߟߋ ߡߐ߲ߕߐ߲ ߞߟߊߡߊ߲߫ ߕߋ߬ߟߋ ߖߍ߬ߘߍ ߘߌ߫ ߛߋ߲߬ߧߊ߫ ߗߡߍ߬ ߦߙߌߞߊ߫؟
ߕߋ߬ߟߋ ߝߢߐ ߡߍ߲ ߦߋ߫ ߥߟߌ߬ ߟߊ߫ ߕߋ߬ߟߋ ߡߐ߲ߕߐ߲ ߘߐ߫ ߦߋ߲߬߸ ߡߎ߬ߠߊ߫ ߏ߬ ߦߋ߫ ߛߋ߫ ߟߊ߫ ߥߟߌ߬ ߟߊ߫ ߕߟߋ߬ ߡߐ߲ߕߐ߲ ߘߐ߫ ߦߋ߲߬ ߞߊߟߌߦߊ ߞߐߘߊ߲ ߘߐ߫؟
ߘߐ߬ߛߏ߰ߙߋ߬ߟߊ߲ ߣߌ߲߬ ߕߐ߯ ߕߘߍ߬ ߟߋ߬ ߞߏ߫ ߛߏߟߊߙ ߔߙ߭ߐߓ ߔߟߎ߳ߛ߸ ߞߏ߬ߣߌ߲߬ ߂߀߁߇ ߟߊ߫߸ߣߖ߭ߊ ߞߴߊ߬ ߦߌ߬ߘߊ߬ ߞߏ߫ ߞߴߊ߬ ߞߟߌ߫ ߞߏ߫ ߛߏߟߊߙ ߔߙ߭ߐߓ ߔߞߊ߸ ߞߴߊ߬ ߞߍ߫ ߛߊ߲ߡߊߛߓߍߟߊ ߕߟߋ߬ ߞߊ߬ߙߊ߲߬ߠߊ ߋ߲ߗ߭ߍ߲ߣ ߔߞߊ ߖߊ߲߬ߛߊ ߘߌ߫, ߊ߬ ߛߋ߲߬ߢߊ߬ ߝߟߐ ߟߋ߬ ߦߋ߫ ߣߌ߲߬߸ ߞߴߊ߬ ߝߐ߫ ߞߏ߫ ߣߖ߭ߊ ߦߴߊ߬ ߟߊ߫ ߡߎ߬ߙߊ߲ ߘߏ߫ ߕߐ߯ߟߊ߫ ߛߊ߲ߡߊߛߓߍߟߊ ߘߏ߫ ߢߣߊߡߊ ߟߊ߫.
ߟߊ߲߭ߛߌ߬ߣߍ߬ ߞߎ߲ߝߊ߲ߕߐ߫ ߝߏߝߣߊ߫/ ߛߏ߬ߟߏ ߝߙߊ߬ߓߊߐ-ߘߐ