ߓߌߟߏ߲ ߣߍߣߍߓߊ ߕߟߋ߬ ߁-߂߀߁߈-߇߈߃ߞߜ. ߡߊ߲߬ߖߊ߲߬ߠߊ߫ :
ߖߌ߬ߣߍ߬ ߞߊ߲ߓߍ߲ ߕߌ߲߬ߞߎߘߎ߲ ߞߊ߲ߞߊ߲߫
………………… .. —————————————————-
ߓߊ߯ߙߊ – ߕߋߟߋ߲ – ߢߐ߲߯ߘߍߡߍ߲ ߡߙߊ߬ߓߊ߰ߘߊ ߡߊ߲߬ߖߊ߲߬ߠߊ߫.
ߖߌ߬ߣߍ߫ ߣߊ߲߬ߕߌ߰ߘߊ ߛߌ߲ߘߌ߫ ߛߊ߲߬ߞߎ߲߬ߓߍ߲ ߢߊ߰ߢߊ߮ ߓߋߟߋ߲ߠߊ ߡߊ߲߬ߖߊ߲߬ߠߊ߫ :
-ߛߟߊߕߌ߮ :ߡߙߊ߬ߓߊ߮ /ߛ߭ߍߞ ߡߐ߬ߡߍߘ ߖߊߟߏ߫
-ߛߟߊߕߌ߯ :ߛߏߕߌ߮/ ߌߓߎߙߊߤߌߡߊ߬ ߛߌߙߊ߬ ߖߊ߬ߞߌ߬ߕߋ߫
_ߛߟߊߕߌ߮ :ߘߌ߯ߣߊߞߏ ߟߎ߬ ߘߍ߬ߘߊ
_ߛߟߊߕߌ߮ :ߡߊ߲߬ߖߊ߲߬ߠߊ߫ ߞߐ߲߬ߜߍ߲߫ ߡߙߊ߬ߓߊ߮ /ߝߊߙߌ߲ ߡߊ߬ߡߊߘߌ߫ ߘߊ߲߬ߓߟߍ߫
_ߛߟߊߕߌ߮ :ߡߊ߲߬ߖߊ߲߬ߠߊ߫ ߕߐ߲ߓߟߏߡߘߊ/ߕߐ߲ߕߌ߮ ߞߊ߰ߓߌ߬ߣߍ߬ ߘߎ߲ߓߎߦߊ߫
_ߛߟߊߕߌ߮ :ߞߟߍ߬ߡߐ߰ߘߊ߫ ߡߙߊ߬ߓߊ߮ /ߡߊ߬ߡߊ߬ߘߌ߬ ߞߎߦߊߕߍ߫
_ߛߟߊߕߌ߮ ߣߌ߫ ߓߐ߬ߟߐ߲߬ߞߊ ߣߌ߫ ߓߟߊ߬ߡߊ߬ߖߏ߲ߞߊ߲ ߢߣߊߓߊ߯ ߓߘߍ ߟߎ߬ ߖߐ ߦߴߊߟߎ߫ ߡߊ߬ ߞߐߘߍ߫ ،ߏ ߕߊ߬ߡߌ߲߬ߣߍ߲ ߞߐ
ߡߊ߲߬ߖߊ߲߬ߠߊ߫:ߒ. ߟ. ߕ ߞߊ߲ߕߌ߮ /ߟߊ߲߰ߛߌ߬ߣߍ߬ ߡߙߌߕߍߓߊ߲߫ ߞߊ߬ߡߙߊ߬ ߣߴߊ߬ ߞߐ ߛߍߥߊߣߍ߲ ߠߋ߬ ߓߌ߬ߢ߲ߐ߲߰ߟߏ߲߫ ߸ߞߵߊ߬ ߡߊߛߐ߬ߘߐ߲߬،ߊ߬ ߝߟߐ ߟߋ߬ ߣߌ߲߬ ߣߊ߲߬ߕߌ߮ ߟߎ߬ ߦߋ߫ ߒߞߏߡߐ߮ ߟߎ߬ ߡߊߥߟߋ߫ ߸ߖߌ߬ߣߍ߫ ߛߏ߬ߙߌ߬ߡߊ߬ߘߋ߲߬ ߝߊ߲ߞߊ ߛߌ߲ߘߌ߫ ߛߊ߲߬ߞߎ߲߬ߓߍ߲ ߢߊ߰ߢߊ߮ ߘߐ߫ ߖߌ߬ߣߍ߬ ߞߣߐ߫. ߏ߬ ߓߘߊ߫ ߟߊߡߊ߲߬ߘߌ߫ ߒߞߏ ߘߐ߬ߝߐ ߘߐ߫ ،ߡߍ߲ ߓߘߊ߫ ߞߍ߫ ߡߊ߲߬ߖߊ߲߬ߠߊ߫ ߘߊ߯ ߡߊ߬ߘߌ߬ߞߊ߲ߖߌ߫ ߖߊߟߏ߫ ߘߝߐ߬ ߟߊߡߙߊ߬ߕߊ ߘߌ߫ ߒߞߏ ߔߘߋߞߎ ߘߐ߫. ߊ߬ ߣߴߊ߬ ߡߊߡߙߊ߬ߓߊ߰ ߢߌߡߊ ߸ߝߊߙߌ߲ ߡߊ߬ߡߊߘߌ߫ ߘߊ߲߬ߓߟߍ߫.
ߊ߲ ߘߏ߲߬ ߞߵߊ߬ ߟߐ߲߫ ߊߟߎ߫ ߞߊ߬ ߛߍ߬ߘߏ߲ ߡߍ߲ ߞߍ߫ ߖߌ߬ߣߍ߬ ߦߋ߫߁߉߅߈ߠߊ߫ ߸ߡߌ߬ߙߌ߲߬ߘߌ ߡߊ߫ ߢߌ߬ߣߊ߬ ߏ߬ ߞߐ߫ ߝߋߎ߫߹ߓߊߏ߬ ߖߌ߬ߣߍ߫ ߞߵߊ߬ ߦߌ߬ߘߊ߬ ߞߏ߫ :ߊ߲ ߕߴߊ߲ ߖߘߍ߬ ߦߋ߫ ߤߙߐ ߘߌ߫ ߝߋߎ߫ ߸ ߞߊ߬ ߝߘߊ߬ߝߌ߲߬ߠߊ߫ ߖߡߊ߬ߣߊ߬ ߞߋߟߋ߲߫ ߛߌ߫ ߕߏ߫ ߖߐ߲߬ߧߊ ߘߐ߫.
ߞߵߊ߬ ߕߊ߬ ߏ߬ ߟߏ߲ ߡߊ߬ ߞߵߊ߬ ߛߌ߰ ߓߌ߬ ߟߊ߫ ،ߖߌ߬ߣߍ߫ ߣߊ߲߬ߕߌ߮ ߟߎ߬ ߦߴߏ߬ ߛߍ߬ߘߏ߲߬ ߞߋߟߋ߲ ߠߋ߬ ߞߊ߲߬ ߊߝߙߌߞߌ߬ ߜߙߋߓߊ ߞߊ߲߬ ߤߊߟߌ߬ ߓߌ߬.
ߓߊߏ߬ ߖߌ߬ߣߍ ߣߊ߲߬ߕߌ߮ ߟߎ߬ ߟߋ߬ ߟߥߊ߫ ߘߊ߫ ߏ߬ ߟߎ߬ ߟߊ߫ ߘߍ߲ߒߖߘߍߟߦߊ ߡߞߊߘߊ߲ ߞߟߊߘߊ ߘߐ߫ ،ߦߏ߫ :ߖߌ߬ߣߍ߫ ߓߌ߬ߛߊߏ߫،ߡߊ߬ߟߌ ،ߞߊߓߵߝ߭ߍߙ،ߊ߲ߜ߭ߏߟߊ߫ ،ߣߊߡߓߌ߫ ،ߡߏߙߌߕߊߣߌ߫،ߞߏ߲߬ߜ߭ߏ߬ ߓߍ߯ߦߊ ߞߊ߲ߓߍ߲ ،ߣߌߗ߭ߍߙ ،ߕߏߜ߭ߏ߫ ،ߓߋߣߍ߫ ،ߊ߲ ߓߊߘߋ߲ ߡߍ߲ ߠߎ߬ ߕߏߣߍ߲߫ ߏ߬ ߞߟߊߘߊ ߘߐ߫ ߸ߊ߲ ߧߋ߫ ߕߌ߲ߞߌ߫ ߞߙߍߞߙߍߣߍ߲ ߠߊߛߋ߫ ߟߊ߫ ߏ߬ ߟߎ߬ ߓߍ߯ ߟߊߘߍ߬ߣߍ߲ ߡߊ߬،ߞߵߏ߬ ߕߊ߬ ߞߵߏ߬ ߟߊ߫ ߞߊ߲ߓߍ߲ ߞߊ߲ߕߌ߯ ߝߟߐ ߊߤߴߡߍߘ ߛߋߞߎ߬ ߕߎ߬ߙߋ ߞߊ߲߬.
ߏ߬ ߞߐ߫߸ ߓߊߏ߬ ߘߎߢߊ߫ ߦߋ߫ ߘߐ߬ߖߊ ߣߌ߫ ߛߍ߬ߘߏ߲ ߠߋ߬ ߘߌ߫ ߞߎ߲߭ ߘߏ߫ ߟߊ߫߸ ߊ߲ ߧߴߊ߬ ߝߍ߬ ߞߊ߬ ߘߏߣߍ߲߫ ߢߊߝߐ߫ ߡߊ߲߬ߖߊ߲߬ߠߊ߫ ߣߊ߲߬ߕߌ߰ߘߊ ߛߌ߲ߘߌ߫ ߢߊ ߘߐ߬ߝߐ ߞߊ߲߬ ߓߊߘߋ߲߫ ߕߘߍ߬ߺߒ߬ߘߐ߬ߓߊ߮ ߟߎ߬ ߢߍ߫ ߸ߣߴߏ߬ ߦߴߊ߬ ߛߌ߲ߘߌ߫ ߢߊ ߣߴߊ߬ ߡߊߡߙߊ߬ߓߊ߯ ߕߊ߬ߡߌ߲߬ߣߍ߲ ߠߎ߬ ߟߊ߫ ߘߐ߬ߝߐ ߖߊ߲߬ߖߏ߲ ߘߏ߫ ߘߌ߫. ߞߵߊ߬ ߦߌ߬ߘߊ߬ ߞߏ߫ ߒߞߏ߫ ߛߓߍߟߌ ߡߊ߫ ߢߌ߬ߣߊ߬ ߊ߬ߟߎ߬ ߟߎ߬ ߞߐ߫ ،ߒ߬ߓߊ߬ ߊߟߎ߫ ߦߴߊߟߎ߫ ߥߟߍߡߊߟߐ߬ ߏ߬ ߓߊߕߐߡߐ߲ ߘߏ߫ ߟߎ߫ ߟߊ߫.
ߡߊ߲߬ߖߊ߲߬ߠߊ߫ ߕߐ߰ߟߊ߬ߕߟߏߞߘߐߘߊ=(ߔߋߦߊ) ߛߌ߲ߘߌ߫ ߘߊ߫ ߁߉߇߂ߟߋ߬ ߟߊ߫ ߸ߡߍ߲ ߕߘߍ߬ ߦߴߊ߬ ߡߊߡߙߊ߬ ߟߊ߫ ߕߎ߬ߡߊ ߏ߬ ߟߊ߫ ،ߏ߬ ߟߋ ߕߐ߯ ߞߏ߫ :ߛߌߟߊߕߌ߮ =(ߛ߭ߊߙߴߗ߭ߊ߲) ߡߊ߬ߡߊ߬ߘߌ߬ ߞߋߕߊ߬ ߟߊ߬ߓߏ߬ߙߌ߬ߟߌ߬ߟߊ.
߁߉߇߄ ߠߋ߬ ߟߊ߫ ߸ߕߐ߰ߟߊ߬ߕߟߏߞߘߐߘߊ ߝߊ߲߬ߞߊ߫ ߘߏ߲߬ ߘߊ߫ ߡߊ߲߬ߖߊ߲߬ߠߊ߫ ، ߕߎ߬ߡߊ߬ ߞߋߟߋ߲ ߏ߬ ߟߊ߫ ߸ߓߏߟߏ߲ߕߌ߮ =(ߊ߬ߺߗ߭ߎ߳ߘߊ߲) ߛߎ߬ߟߋ߫ ߖߊ߬ߞߌ߬ߕߋ߫ ߟߋ߬ ߕߎ߲߬ ߦߴߊ߬ ߡߊߡߙߊ߬ ߟߊ߫. ߏ߬ ߞߐ ߘߐ߫ ߛߊ߫ ߸ߡߊ߲߬ߖߊ߲߬ߠߊ߫ ߞߍ߫ ߘߊ߫ ߡߙߊ߬ߓߊ߰ߘߊ ߘߌ߫ ߁߉߇߅ ߟߊ߫ ،ߛߊ߲߬ ߞߋߟߋ߲ ߏ߬ ߝߣߊ߫ ߟߊ߫ ߡߊ߲߬ߖߊ߲߬ߠߊ߫ ߘߊ߮ ߣߌ߲߬ ߞߍ߫ ߘߊ߫ ߘߝߊ߬ߢߐ߲߰ߦߊ ߘߌ߫ (ߞߐ߲ߔߊߢ ߘߵߍ߲ߝ߭ߊ߲ߕߋߙߌ). ߏ߬ ߟߋ ߞߐ ߘߐ߫ ߸ߘߊߕߌ߮ =(ߟߏ߬ߕߋߣߊ߲) ߒ߬ߞߐ߭ߛߋ߬ ߘߎ߲ߓߎߦߊ߫ ߞߍ߫ ߘߊ߫ ߊ߬ ߡߊߡߙߊ߬ߓߊ߮ ߘߌ߫. ߏ߬ ߝߣߊ߫ ߞߐ ߘߐ߫ ߸ߘߊߕߌ߮ =(ߟߏ߬ߕߋߣߊ߲) ߖߎߡߊ߬ ߞߎ߬ߙߎߡߊ߬ ߣߊ߬ ߘߴߏ߬ ߝߣߊ߫ ߣߐ߭ ߘߐ߫ ،ߏ߬ ߞߐ߫ ߸ߖߌ߬ߣߍ߫ ߛߏ߬ߙߌ߬ߡߊ߬ߘߋ߲ ߠߎ߬ ߞߊ߬ ߝߊ߲߬ߞߊ ߕߊ߭ ߡߍ߲ߞߍ߬ ߸ߞߊ߲ߕߌ߯ ߝߟߐ ߟߊ߫ ߛߏߡߊߦߟߍߡߊ߲ ߞߐ ߘߐ߫߁߉߈߄ ߠߊ߫ ،ߘߊߕߌ߯ ߡߊ߬ߡߊߘߌ߫ ߥߎ߬ߟߊ߬ߙߋ߫ ߣߊ߬ ߘߊ߫ ߖߎߡߊ߬ ߣߐ߭ ߘߐ߫ ߁߉߈߇ߟߊ߫.ߏ߬ ߞߐ ߘߐ߫ ߘߊߕߌ߮ ߗߊ߭ߞ ߘߋߟߊߡߎ߲߫ ߣߊ߬ ߘߊ߫ ߥߎ߬ߟߊ߬ߙߋ߫ ߣߐ߭ ߘߐ߫ ߁߉߉߀ ߟߊ߫.
ߛߊ߲߬ ߞߋߟߋ߲ ߏ߬ ߟߊ߫ ߸ߘߊߕߌ߮ ߘߋ߲߬ߓߊ߫ ߛߎߡߊ߬ ߣߊ߬ ߘߊ߫ ߁߉߉߀ߟߊ߫. ߏ߬ ߓߐ ߦߋ߲߬ ߛߊ߫ ߘߊߕߌ߯ ߞߊ߬ߡߙߊ߬ ߣߊ߬ ߘߊ߫ ߁߉߉߂ ߟߊ߫ ،ߏ߬ ߕߊ߬ߡߌ߲ ߞߐ ߘߐ߫ ߁߉߉߄ߠߊ߫ ߸ߘߊߕߌ߯ =(ߟߏ߬ߕߋߣߊ߲) ߛߋߟߎ߬ ߖߊߟߏ߫ ߣߊ߬ ߘߊ߫. ߏ߬ ߓߐ ߦߋ߲߬ ߁߉߉߅ ߟߊ߫ ߢߍߡߌߘߊ =(ߞߊ߬ߔߌ߬ߕߍߣ) ߌߛߌߝ ߛߌ߬ߛߋ߫ ߣߊ߬ ߘߊ߫ ߸ߘߊߕߌ߯ ߛߏ߬ߙߌ߬ ߖߊߟߏ߫ ߕߘߍ߬ ߦߴߏ߬ ߛߙߍߞߍ ߘߌ߫. ߏ߬ ߞߐ ߘߐ߫ ߸߁߉߉߉ ߟߊ߫ ߞߊ߬ߡߙߊ߬ߞߍ߬ ߜߘߍ߫ ߣߊ߬ ߘߊ߫ ،ߏ߬ ߕߎ߲߬ ߦߋ߫ ߢߍߡߌߘߊ ߟߋ߬ ߘߌ߫. ߏ߬ ߟߋ ߞߐ ߘߐ߫ ߛߊ߫ ،ߢߍߡߌߘߊ =(ߞߊ߬ߔߌߕߍߣ)ߟߊ߬ߡߌߣ ߞߎ߬ߙߎߡߊ߫ ߣߊ߬ ߘߊ߫ ߂߀߀߈ ߠߊ߫. ߏ߬ ߝߣߊ߫ ߓߐ ߦߋ߲߬ ߛߊ߫ ߸ߡߊ߲߬ߖߊ߲߬ߠߊ߫ ߘߊ߮ ߞߍ߫ ߘߊ߫ ߞߐ߲߬ߜߍ߲ ߘߌ߫ (ߓߕߊߦߐ߲ ߘߵߍ߲ߝ߭ߊ߲ߕߋߙߌ) ߂߀߁߂ ߟߊ߫ ߸ߛߊ߲߬ ߞߋߟߋ߲ ߏ߬ ߟߊ߫ ߸ߞߊ߬ ߘߊ߮ ߕߐ߯ߟߊ߫ ߞߏ߫ :(ߘߊ߯ ߡߊ߬ߘߌ߬ߞߊ߲ߖߌ߮ ߖߊߟߏ߫) ،ߝߊߙߌ߲ =(ߞߟߏߣߍߟ) ߡߊ߬ߡߊߘߌ߫ ߘߊ߲߬ߓߟߍ߫ ߟߋ߬ ߞߍߣߍ߲߫ ߏ߬ ߡߊ߬ߡߙߊ߬ߟߌ߬ߟߊ߬ ߝߟߐ ߘߌ߫ ߸ߏ߬ ߛߙߍߞߍ ߟߋ߬ ߝߊߙߌ߲ =(ߞߟߏߣߍߟ) ߡߐߡߐߦߊ߫ ߓߊ߲߬ߜ߭ߎߙߊ߬ ߘߌ߫.
ߊ߲ ߣߐ߬ ߡߊ߲߬ߖߊ߲߬ߠߊ߫ ߣߊ߲߬ߕߌ߰ߘߊ߮ ߘߐ߬ߝߐ ߦߟߍ߬ߘߐ߬ߞߍ߬߄ߣߌ߫ ߕߟߊ߫ ߟߋ߬ ߞߣߐߞߌߛߍߞߎ߲ߓߊߘߏ߲߫ ߠߊ߫ ߣߌ߲߬ ߛߊ߲߬ ߄߆ ߞߎ߲߬ߕߊ߮ ߞߘߐ߫ ߞߊ߬ߣߌ߲߬،
ߖߐ߲߰ߛߊ߫ ߣߊ߲߬ߕߌ߰ ߝߎߣߎ߲ߞߋ߫ ߥߟߌ߬ߕߐ߬ߟߊ ߟߎ߬ ߘߌ߫ ߞߍ߫ ߊ߬ ߞߊ߬ߟߊߡߊ߬.
ߏ߬ ߕߊ߬ߡߌ߲߬ߣߍ߲ ߞߐ߫߸ߊ߲ ߕߍ߫ ߛߋ߫ ߞߎߡߊ ߣߌ߲߬ ߠߊߟߐ߬ ߟߊ߫ ߦߋ߲߬ ߕߋ߲߬ ߝߋߎ߫ ،ߝߏ߫ ߊ߲ ߧߋ߫ ߝߓߊ߬ߘߋ߲߫ ߢߌ߲߬ ߠߎ߬ ߘߐߛߎ߫ ߝߊ߬ߓߘߊ ߤߙߐߦߊ ߕߐ߭ ߘߝߊ ߡߊ߬ ߸ߣߴߏ߬ ߦߋ߫ (ߒߞߏ ߞߊ߬ߙߊ߲) ߢߍߥߟߊ ߟߊߘߏ߲߭ ߘߌ߫ ߣߊ߲߬ߕߌ߰ߦߊ ߘߐ߫. ߖߘߍ߬ ߛߓߍߛߎ߲ ߏ߬ ߡߍ߲ ߘߌ߫ ߒ߬ ߠߊ߫ ߘߍ߲ߒߖߘߍߟߦߊ ߘߝߊ߫ ߞߏߟߌߞߏߟߌ߫ ߹ߓߊߏ߬ ߝߋߎ߫ ߡߐ߰ ߕߍ߫ ߛߋ߫ ߤߙߐߦߊ ߘߝߊߣߍ߲ ߛߐ߬ߘߐ߲߬ ߠߊ߫ ߞߵߌ ߟߊ߫ ߞߊ߲ ߕߏ߫ ߖߐ߲߬ߧߊ ߘߐ߫. ߞߵߊ߬ ߛߐ߬ߘߐ߲߬ ߜߎ ߣߊ߲߬ߕߌ߰ߦߊ ߡߊ߬ߡߙߊ߬ߟߌ߫ ߞߎ߲߬ߕߐ߮ ߓߍ߯ ߘߌ߫ ߛߋ߫ ߝߐߟߊ߫ ߊ߲ ߠߊ߫ ߞߊ߲ ߘߐ߫ ߸ߒߞߏ߫ ߛߓߍߟߌ ߛߌ߲ߘߌߣߍ߲ ߞߐ߫.
ߦߏ߫ ߕߊ߲߬:
ߜߘߋߕߌ߮ = ߡߊ߬ߙߋߛ߭ߊߟ ، ߞߟߍ߬ߕߌ߮= ߖ߭ߋߣߋߙߊߟ ، ߝߊߙߌ߲ = ߞߟߏߣߍߟ ، ߢߍߡߌߘߊ = ߞߊ߬ߔߌߕߍߣ، ߊ߬ ߣߌ߫ ߞߟߍ߬ ߖߐ߯ߙߊ߲ ߠߎ߬ ߦߏ߫ ߕߊ߲߬:
ߖߎߙߊ߲ߞߊ߲ߡߊ߲ = ߔߊ߯ߙߊߛ߭ߎ߳ߕ ، ߓߎ߰ߓߎ߰ߡߊ߬ߟߊ߲ = ߟߊ߲߬ߛߑߙߏߞߍߕ ،ߞߌ߬ߛߍ߬ߞߎߟߎ߲ =ߛ߭ߊߙ ߘߋ߬ ߞߐ߲ߓߊ ،ߝߏߘߏ߲ =ߓߐߡ ، ߝߕߌ = ߊߕߏߡ ،ߡߎߙߎ߲ߕߌߓߊ߮ = ߙߙߋߓߍߟ، ߖߐ߲߭ = ߞߊߔߑߕߌߝ ،ߞߐ߬ߘߙߍ= ߓߎߞߑߟߋ،
ߣߴߊ߲ ߛߋ߫ ߘߊ߫ ߦߊ߲߬ ߸ߊ߲ ߘߌ߫ ߘߊ߲߬ ߦߊ߲߬ ߕߋ߲߬.
ߖߌ߬ߣߍ߬ ߓߊߟߏ߫ ߹ߝߘߊ߬ߝߌ߲߬ߠߊ߫ ߦߋ߫ ߓߊߟߏ߫ ߹ߞߊ߬ߙߊ߲߬ߝߊ ߊߟߌߝߊ߫ ߞߐ߲ߘߍ߫ ߦߋ߫ ߓߊߟߏ߫ ߹.
ߒ. ߟ. ߕ(ߒߞߏ ߟߊߥߙߎߞߌ ߕߏ߰ߝߏ) ߞߊ߲ߕߌ߮ ߓߟߏ߫ ߡߊ߲߬ߖߊ߲߬ߠߊ߫.
ߛߌߦߙߊ߫ ߓߐ߫ ߟߊ߲߰ߛߌ߬ߣߍ߫ ߞߏ߬ߣߊ߬ߕߍ߫ ߣߌ߫ ߟߊ߰ߦߌ߬ ߒߞߏ ߞߐ߲ߘߍ߫ ߣߌ߫ ߣߎߤߊ߲߫ ߞߊ߲ߕߍ߫ ߟߎ߫ ߓߟߏ߫߷
ߛߏ߬ߟߏ ߝߙߊ߬ߓߊ-ߘߐ߫