ߘߏ߯ߣߍ߲߫ ߓߘߊ߫ ߝߏߘߌ߲߫ ߕߊߖߌ ﴿ ߖߋߥߎ߲ ﴾ ߛߐ߲߬ߞߐ ߟߊ߫ ߞߎߣߎ߲߬ ߓߌߟߏ߲߫ ߡߊ߬
، ߖߌ߬ߣߍ߫ ߞߎ߬ߣߊ߬ߛߌ߮ ߦߋ߫ ߞߏߕߌ߯ ߟߊߘߍ ߡߍ߲ ߞߍ߫ ߟߊ߫ ߞߎ߲߬ߢߐ߯-ߞߎ߲߬ߢߐ߰߸ ߣߵߊ߬ ߦߋ߫ ߞߍ߫ ߟߊ߫ ߓߌߟߏ߲߫ ߡߊ߬ ߛߐ߲߬߸ ߞߎߣߎ߲߬ ߓߌߟߏ߲߲߫ ߕߊ ߡߍ߲ ߞߍߣߍ߲߫ ߞߏߟߌ߲ߞߏ߬ߟߌ߲ ߕߋ߬ߟߋ߫ ߂߇ ߡߊ߬/ ߂߀߁߈߸ ߣߌ߫ ߞߊ߲ߕߌ߮ ߊߟߑߝߊ߫ ߞߐ߲ߘߍ߫ ߞߵߊ߬ ߞߎ߬ߣߊ߬ߛߌ߰߸ ߏ߬ ߞߏߕߌ߯ ߟߊߘߍ ߢߌ߲߬ ߠߋ߬ ߛߋ߲߬ߝߍ߬߸ ߖߕ ߅߀߀ ߛߋ߫ ߘߊ߫ ߓߐ߫ ߟߊ߫ ߕߊߖߌ ߛߐ߲߬ߞߐ ߟߊ߫߸ ߕߎ߬ߡߊ߬ߖߊ߲߫ ߕߘߍ߬ ߓߘߊ߫ ߞߍ߫ ߕߊߖߌߞߏ ߛߐ߲߬ߞߐ߬ߞߏ߬ ߥߐߦߐ ߟߊ߫߸ ߞߏ߫ ߝߏ߫ ߞߊ߬ ߘߏ߫ ߓߐ߫ ߊ߬ ߟߊ߫߸ ߖߌ߬ߣߍ߫ ߣߊ߲߰ߒ߬ߕߊ߲߬ ߘߍߞߙߎ ߟߎ߫ ߟߋ߬ ߕߘߍ߬ ߦߋ߫ ߥߐ߬ߦߐ ߏ߬ ߢߍߝߍ߬߸ ߞߏߕߌ߮ ߞߌߣߊ ߞߊ߬ߛߏߙߌ߫ ߝߏߝߣߊ߫ ߞߵߊ߬ ߞߊ߲ߕߏ߫ ߕߎ߬ߡߊ ߏ߬ ߟߊ߫߸ ߞߏ߫ ߝߏߦߌ߬ ߕߍ߫ ߛߋ߫ ߞߊ߬ ߓߐ߫ ߕߊߖߌ ߛߐ߲߬ߞߐ ߟߊ߫߸ ߞߏ߫ ߓߊߏ߬، ߕߊߖߌ ߛߐ߲߬ߞߐ ߘߎߡߊ߲߫ ߖߌ߬ߣߍ߫ ߞߣߐ߫ ߞߊ߬ ߕߊ߬ߡߌ߲߫ ߛߌ߰ߢߐ߰ ߖߡߊߣߊ ߟߎ߬ ߕߊ ߟߊ߫، ߦߏ߫: ߡߊ߬ߟߌ، ߜߋ߲-ߞߐ߰ߖߌ߬ߘߊ، ߛߣߍ߬ߜ߭ߊ߯ߟߌ، ߊ߬ ߣߌ߫… ߸ ߞߴߊ߲ ߘߏ߲߬ ߣߴߏ߬ ߟߎ߬ ߓߍ߯ ߦߋ߫ ߕߊߖߌ ߛߊ߲߬ ߠߊ߫ ߟߐ߯ߝߍ߫ ߞߋߟߋ߲ ߠߋ߬ ߘߐ߫߸ ߖߕ ߅߀߀ ߣߌ߲߬ ߓߐ ߡߍ߲ ߞߍߣߍ߲߫ ߕߊߖߌ ߛߐ߲߬ߞߐ ߟߊ߫ ߞߎߣߎ߲߬ ߣߌ߲߬߸ ߊ߬ߟߋ߬ ߣߊ߲߰ߒ߬ߕߊ߲߬ ߘߍߞߙߎ ߛߌ߲߬ߝߏ߲߬ ߘߏ߫ ߟߎ߫ ߓߘߴߊ߬ߟߎ߬ ߞߣߊߓߐ، ߞߏ߫ ߖߊ߬ߕߋ ߡߍ߲ ߓߐߣߍ߲߫ ߖߋߥߎ߲ ߛߐ߲߬ߞߐ ߟߊ߫، ߞߴߏ߬ ߕߍ߫ ߝߏߦߌ߬ ߘߌ߫. ߡߐ߬ߟߐ߲߬ߕߌ߯ ߊߡߊߘߎ߫ ߘߡߊߙߏ߫ ߡߍ߲ ߦߋ߫ ߖ.ߡ.ߟ. ߥߛߊ߬ߘߋ߲ ߘߏ߫ ߘߌ߫߸ ߏ߬ ߓߘߴߊ߬ ߞߣߊߓߐ߫ ߦߙߐ ߢߌ߲߬ ߖߋ߬ߓߌ ߘߐ߫: ߞߏ߫ ߖߕ ߅߀߀ ߞߍ ߖߎߝߊ ߟߊ߫، ߞߴߏ߬ ߞߊ߫ ߝߌ߬ߛߊ߬ ߖߎߝߊ߫ ߘߐߞߏߟߏ߲ ߘߌ߫.
ߛߏ߬ߟߏ ߝߙߊ߬ߓߊ-ߘߐ߫ ߛߌ߬ߛߋ߫ ߓߟߏ߫