ߛߣߍ߬ߜ߭ߊ߯ߟߌ߫ ߞߊ߲ߕߌ߯ ߞߘߐ ߊߓߘߎߟߊߦߌ߫ ߥߊߘ ߦߋ߫ ߓߐ߲ߒߡߊߟߌ ߟߊ߫ ߖߌ߬ߣߍ߫߸ ߊߓߘߎߟߊߦߌ߫ ߥߊߘ ߓߐߣߍ߲߫ ߔߊ߬ߙߌ߫ ߟߋ߬ ߞߊ߬ ߘߏ߲߬ ߛߣߍ߬ߜ߭ߊ߯ߟߌ߫ ߞߎ߲߬ߢߐ߮ ߣߌ߲߬ ߡߊ߬߸ ߛߣߍ߬ߜ߭ߊ߯ߟߌ ߞߊ߲ߕߌ߮ ߢߣߊߕߊߟߌ ߟߋ߬ ߘߏ߲߬ ߛߋߣߍ߲߫ ߕߋ߲߬߸ ߞߏ߲ߞߏߜߍ ߕߋ߬ߟߋ߫ ߂߄ ߞߊ߬ߣߌ߲߬߸ ߟߌ߬ߤߟߊ ߟߎ߬ ߦߴߊ߬ ߦߌ߬ߘߊ߬ ߟߊ߫ ߞߏ߫ ߊߓߘߎߟߊߦߌ߫ ߥߊߘ ߣߊ߬ߣߍ߲߫ ߞߊ߲ߕߌ߮ ߡߊߞߌ߫ ߛߊߟ ߟߋ߬ ߟߊߥߎ߬ߦߊ߬ ߦߙߐ، ߓߊߏ߬، ߊ߬ ߕߘߍ߬ ߓߘߴߊ߬ ߞߣߊߓߐ߫ ߢߣߊߕߊߟߌߟߊ ߟߎ߫ ߡߊ߬، ߞߴߊ߬ߟߎ߬ ߦߋ߫ ߢߣߊߕߊߟߌ߫ ߦߙߐ ߖߋ߬ߣߌ߲߬߸ ߊ߬ ߣߌ߫ ߢߣߊߕߊߟߌ ߛߓߍ ߟߎ߬، ߏ߬ ߟߋ߬ ߓߘߊ߫ ߡߊ߬ߞߊ߲ ߥߊ߬ߙߊ߫ ߕߋ߲߬ ߞߏߛߓߍ߫ ߓߘߍ߬ߓߘߍ߬ߟߌ߬ ߘߊߞߎ߲ ߘߐ߫ ߛߣߍ߬ߜ߭ߊ߯ߟߌ߫߸ ߊߓߘߎߟߊߦߌ߫ ߘߋ߲ߞߍ߫ ߞߊ߬ߙߌߡ ߥߊߘ ߘߏ߲߬ ߝߣߊ߫ ߕߘߍ߬ ߓߘߴߊ߬ ߞߣߊߓߐ߫ ߡߊ߬ߡߌ߬ߘߊ߬ߟߌ ߘߐ߫ ߞߊ߲ߕߌ߯ ߢߣߊߕߊߟߌ ߢߌߣߌ߲ ߘߐ߫߸ ߞߐ߬ߣߵߊ߬ ߘߋ߲ߞߍ߫ ߟߊ߫ ߛߓߍ ߡߊ߫ ߟߊߡߌ߬ߘߊ߫߸ ߖߌ߬ߣߍ߫ ߞߊ߲ߕߌ߮ ߊߟߑߝߊ߫ ߞߐ߲ߘߍ߫ ߣߐ߬ ߊ߬ ߞߣߊߓߐ߫ ߟߴߊ߬ ߡߊ߬ ߏ߬ ߟߋ߬ ߘߐ߫߸ ߛߊ߫ ߓߘߍ߬ߓߘߍ߬ߟߌ ߡߊ߲߬ߞߊ߲ ߘߌ߫ ߡߊߝߊ߰ ߘߏ߯ߣߍ߲߫߸ ߥߟߊߛߊ߫، ߞߊ߲ߕߌ߯ ߢߣߊߕߊߟߌ ߘߌ߫ ߞߍ߫ ߡߊ߬ߝߊ ߘߐ߫. ߝߊ߬ߙߊ߲߬ߛߌ߫ ߞߊ߲ߕߌ߯ ߞߘߐ ߝߊ߬ߙߊ߲ߛߏߥߊ߫ ߤߏߟߊ߲ߘߌ ߣߌ߫ ߞߊ߲ߕߌ߮ ߊߟߑߝߊ߫ ߦߴߊ߬ ߝߍ߬ ߏ߬ ߟߋ߬ ߘߐ߫ ߞߵߊ߬ߟߎ߬ ߛߋߞߏ ߓߍ߯ ߞߍ߫߸ ߞߊ߬ ߞߎߡߊ߫ ߊߓߘߎߟߊߦߌ߫ ߥߊߘ ߦߋ߫ ߸ ߛߊ߫ ߢߣߊߕߊߟߌ ߢߌ߲߬ ߘߌ߫ ߕߊ߬ߡߌ߲߬ ߖߐ ߘߝߊߣߍ߲ ߘߐ߫߸ ߏ߬ ߟߋ߬ ߞߏߛߐ߲߬، ߝߊ߬ߙߊ߲߬ߛߌ߫ ߞߊ߲ߕߌ߯ ߞߘߐ ߝߊߙߊ߲ߛߏߥߊ߫ ߤߏߟߊ߲ߘ ߦߋ߫ ߞߐߣߊߞߙߌ߫ ߕߋ߲߬ߕߋ߲߬.
ߛߏ߬ߟߏ ߝߙߊ߬ߓߊ-ߘߐ߫ ߛߌ߬ߛߋ߫ ߓߟߏ߫