߂߀߁߉ ߖߌ߬ߣߍ߫ ߡߊ߬ߓߊ߬ߕߏ߬ߟߊ ߟߎ߬ ߞߙߎ߫ ߝߟߐ ߘߌ߫ ߥߟߌ߫ ߓߌ߬ ߞߎߣߎ߲ߟߏ߲߫ ߢߌ߲߬ ߡߊ߬߸ ߞߙߎ߫ ߝߟߐ ߟߊ߫ ߛߊ߲ߡߊߞߎߟߎ߲ ߘߌ߫ ߥߟߌ߬ ߁߇ ߕߎߡߊ ߟߊ߫، ߊ߬ ߞߙߎ߫ ߂߲ ߝߣߊ߫ ߘߌ߫ ߥߟߌ߫ ߁߉ ߕߎߡߊ ߟߊ߫. ߢߌ߬ߣߊ߲߫ ߡߓߊ߬ߕߏ߬ߟߊ߫ ߞߙߎߞߙߍ ߦߋ߫ ߡߐ߰ ߈߀߀߀ ߖߊ߬ߕߋ߫ ߟߋ߬ ߘߌ߫߸ ߡߍ߲ ߠߎ߬ ߞߊ߫ ߞߊ߲߫ ߞߊ߬ ߕߊ߯ ߊ߬ߟߎ߬ ߟߊ߫ ߡߊ߬ߓߊߕߏ ߞߍ߫ ߞߊ߬ߣߌ߲߬، ߡߊ߬ߓߊߕߏ ߢߌ߲߬ ߠߋ߬ ߦߋ߫ ߛߌ߬ߟߡߊ߬ߦߊ ߕߎ߲ߞߎ߲߫ ߅߲ ߘߌ߫. ߖߘߍ߬ߞߟߏߦߊ ߞߏߕߌ߯ߘߊ ߣߌ߫ ߡߊ߬ߓߊߕߏ ߥߛߊ߬ߓߊ߰ߦߊ ߞߊ߲ߕߌ߮ ߊ߲߬ߛߎߡߊߣ ߞߐ߲ߘߍ߫ ߞߵߊ߬ ߦߌ߬ߘߊ߫، ߞߏ߫ ߞߵߊ߬ ߓߍ߲߬ ߡߊ߬ߓߊߕߏ߫ ߕߊ߬ߡߌ߬ߣߍ߲ ߥߟߊ߬ߘߊ ߡߊ߬، ߞߴߊ߬ߟߎ߬ ߓߘߊ߫ ߓߟߏߘߐߓߍ߲߫ ߞߍ߫ ߢߍߥߟߊ ߓߘߍ ߟߎ߬ ߟߊ߫، ߛߊ߫ ߡߊ߬ߓߊ߬ߕߏ߬ߟߊ ߟߎ߬ ߘߴߊ߬ߟߎ߬ ߟߊ߫ ߡߊ߬ߓߊߕߏ ߓߟߏߦߊ߫ ߣߐ߰ߦߊ߫ ߘߐ߫ ߢߊ ߡߍ߲߸ ߊ߬ ߣߌ߫ ߡߊ߬ߓߊߕߏ ߕߊ߯ߣߌߛߊߦߌ ߟߎ߬ ߘߌ߫ ߣߐ߰ߦߊ߫ ߢߊ ߡߍ߲. ߊ߲߬ߛߎߡߊߣ ߞߐߘߍ߫ ߞߵߊ߬ ߦߌ߬ߘߊ߫ ߕߎ߲߯ ߞߏ߫: ߦߟߍ߬ߡߊ߲߬ ߛߌߦߊߡߊ߲߫ ߠߋ߬ ߓߌ߬ߟߊ߬ߣߍ߲߫ ߡߊ߬ߓߊߕߏ ߞߍߢߊ ߘߐ߫ ߢߌ߬ߣߊ߲߬߸ ߏ߬ ߟߋ߬ ߡߊ߬ߓߊߕߏ ߞߍ ߘߌ߫ ߢߍߛߙߊߡߊ ߘߌ߫߸ ߏ߬ ߞߘߐ ߟߋ߬ ߡߊ߬ߓߊߕߏ ߖߐ߲߰ߣߍ ߟߎ߫ ߛߊ߬ߙߊ ߘߌ߫ ߞߎ߬ߣߊ߬ߛߌ߮ ߟߎ߬ ߓߟߏ߫ ߡߊ߬ߓߊ߬ߕߏ ߢߍ߫، ߞߊ߬ߕߘߍ߬ ߝߟߐ߫، ߝߏ߫ ߡߊ߬ߓߊ߬ߕߏ߬ߟߊ ߟߎ߬ ߓߊ߯ ߓߊ߲߫ ߖߐ߬ߣߍ ߟߎ߫ ߛߙߊ߬ ߟߊ߫، ߡߊ߬ߓߊߕߏ ߥߛߊ߬ߓߊ߰ߦߊ ߘߌ߫ ߥߊߘߌ ߟߎ߬ ߟߊߘߍ߬ ߞߊ߬ ߛߎ߰ߘߎ߬ߟߊ߫ ߡߊߜߍ߲߫߸ ߣߌ߫ ߛߐ߲߬ߒ߬ߧߋ߬ߛߓߍ ߟߎ߬ ߘߌ߫ ߣߊ߬ߕߏ߫ ߣߊ߬ ߟߊ߫߸ ߏ߬ ߟߋ߬ ߓߘߊ߫ ߡߊߦߟߍ߬ߡߊ߲߫ ߞߵߊ߬ ߞߍ߫ ߢߍߛߙߊߡߊ ߘߌ߫، ߣߴߌ ߞߵߊ߬ ߛߊ߬ߙߊ߫، ߛߐ߲߬ߒ߬ߧߋ߬ߛߓߍ ߘߌ߫ ߟߊߣߊ߬، ߣߴߌ ߡߴߊ߬ ߛߊ߬ߙߊ߫، ߛߐ߲߬ߒ߬ߧߋ߬ߛߓߍ ߕߍ߫ ߣߊ߬. ߊߟߊ߫ ߦߋ߫ ߕߊ߯ߣߌߛߊߦߌ߫ ߣߐ߰ߦߊ߫ ߡߊ߬ߓߊ߬ߕߏ߬ߟߊ ߓߍ߯ ߟߊߘߍ߬ߣߍ߲ ߦߋ߫ ߞߐߘߍ߫. ߞߎߡߘߊ ߛߐ߲߬ߞߌ߲߫ ߞߵߊ߬ ߕߐ߭ ߞߊ߬ߙߊ߲߬
ߛߏ߬ߟߏ ߝߙߊ߬ߓߊ-ߘߐ߫ ߛߌ߬ߛߋ߫ ߓߟߏ߫