ߒߞߏ ߕߐ߲߫ ߖߊ߯ߓߡߊ ߟߊ߫ ߝߘߏ߬ߓߊ߬ ߜߙߊ߬ ߕߊ߲ߣߝߌߟߊߣߊ߲ ߡߍ߲ ߞߍ߫ ߘߊ߫ ߞߊߙߌߟߏ߲߸ ߞߏ߲ߞߏߘߌ߬ߓߌ ߂߀/ ߞ.ߜ. ߇߉߀ / ߂߀߂߅ ߖߊ߯ߓߊ ߁߄ߙߋ߲:߀߀ ߠߋ߫ ߡߊ߬߸ ߝߘߊ߬ߝߌ߲߬ߠߊ߫ ߕߟߋ߬ߓߋ ߡߊ߲߬ߘߋ߲߬ ߖߡߊߣߊ ߟߎ߬ ߞߣߐ߫، ߣߌߦߐߙߞ ߛ. ߁߀:߀߀ ߠߊ߫߸ ߏ߬ ߡߍ߲ ߟߊߛߋ߫ ߘߊ߫ ߛߌ߲߬ߝߏ߲ ߠߎ߬ ߣߌ߫ ߒߞߏ߫ ߘߍߞߙߎ ߟߎ߬ ߣߌ߫ ߒߞߏ ߥߎߟߊߟߊ߫ ߞߊߙߊ߲ߘߋ߲ ߠߎ߬ ߣߌ߫ ߒߞߏ ߞߊ߬ߣߌ߲߬ߒߕߋ ߓߍ߯ ߟߊߘߍ߬ߣߍ߲ ߡߊ߬߸ ߡߐ߰ ߛߌߦߊߡߊ߲߫ ߞߊ߬ ߞߟߌߟߌ ߏ߬ ߟߋ ߟߊߡߌ߬ߘߊ߬ ߡߍ߲ ߞߍ߫ ߘߊ߫ ߛߊߓߎ߫ ߘߌ߫ ߝߘߏ߬ߓߊ߬ ߜߙߊ ߣߌ߫ ߞߎ߲߬ ߜߙߊ ߛߋ߫ ߘߊ߫ ߞߍ߫ ߟߊ߫ ߦߏ߫ ߊ߬ ߝߐ߫ ߘߊ߫ ߢߊ ߡߍ߲ ߕߐ߲ ߛߌ߰ߞߊ߲ ߓߟߏ߫، ߓߊߏ߬ ߝߘߏ߬ߓߊ߬ ߜߙߊ ߦߋ߫ ߞߍ߫ ߟߊ߫ ߛߊ߲߭ ߓߍ߯ ߞߘߐ߫ ߛߋ߲߬ߧߊ߬ ߞߋߟߋ߲߫ ߠߋ߬، ߞߏ߬ߣߌ߲߬ ߣߌ߫ ߡߙߊ߬ߘߊ ߞߏߟߊߕߍ߮ ߟߊ߫ ߛߕߊ ߘߝߊ߫ ߘߊ߫߸ ߏ߬ ߓߊ߯ ߞߍ߫ ߟߊߞߎߘߦߊ߫ ߟߊ߫ ߝߘߏ߬ߓߊ߬ ߜߙߊ ߡߍ߲ ߛߋ߲߬ߝߍ߬߸ ߏ߬ ߘߌ߫ ߦߟߍ߬ߡߊ߲߫ ߞߊ߬ ߞߍ߫ ߞߎ߲߬ߜߙߊ ߌߞߘߐ߫ ߦߏ߫ ߕߐ߲ ߛߌ߰ߞߊ߲ ߞߊ߬ ߡߍ߲ ߝߐ߫ ߊ߬ߟߋ߬ ߜߊ߬ߙߊ ߞߊ߲߬߸ ߏ߬ ߘߏ߫ ߝߟߍ߫ ߣߌ߲߬ :
ߒ.ߥ.ߛ.ߖ. ߞߣߐߘߐ߫ ߞߎߙߎ߲ߘߎ
ߣߌ߲߬ ߠߋ߫ ߘߍ߬ߞߙߎ ߛߌ߰ߞߊ߲ ߘߝߊ߫ ߟߊ߫߸ ߞߵߏ߬ ߟߊ߫ ߛߌ߲߬ߝߏ߲߬ߧߊ߬ߟߌ ߣߌ߫ ߟߊ߬ߕߊ߰ߡߊ߬ߟߌ ߛߙߊߕߌ ߟߎ߫ ߞߊ߲߬، ߝߣߊ߫߸ ߊ߬ߟߋ ߟߋ߬ ߛߋߓߊ߯ߦߊ ߟߎ߫ ߘߊ߲߬ߠߊߕߍ߰ ߟߊ߫߸ ߛߓߍߘߓߊ ߣߌ߫ ߖߋ߬ߕߌ߰ߘߊ ߟߎ߬ ߞߣߐ߫߸ ߊ߬ߟߋ ߟߋ߬ ߞߏߟߊߘߍߢߐ߲߮ ߠߎ߬ ߣߌ߭ ߣߴߊ߬ߟߎ߬ ߕߊ߫ ߞߍߕߊ ߟߎ߬ ߟߊߕߍ߰ ߟߊ߫.
ߛߌ߰ߘߊ ߟߏ߯ߟߎߣߊ߲، ߛߌ߲߬ߝߏ߲ ߠߎ߬.
ߞߎ߬ߙߎ߲߬ߘߎ߬ߛߋ߲ ߁߇߲، ߛߌ߲߬ߝߏ߲ ߠߎ߬
ߡߐ߰ ߞߎ߲߬ߞߋߟߋ߲ ߥߟߊ߫ ߘߍ߬ߞߙߎ ߡߍ߲ ߓߊ߯ ߘߌ߬ߢߍ߬ ߒ.ߥ.ߛ.ߖ. ߛߌ߰ߞߊ߲ ߠߎ߬ ߣߌ߫ ߛߊ߬ߙߌ߬ߦߊ ߘߏ߲߬ߖߟߎ߬ߡߊ ߟߎ߫ ߡߊ߬ ߸ ߏ߬ ߞߊ߫ ߞߊ߲߫ ߞߊ߬ ߛߌ߲߬ߝߏ߲߬ ߔߊ߬ߔߘߊ ߕߊ߬ ߞߊ߬ ߓߊ߲߫ ߞߵߊ߬ ߟߊ߫ ߓߟߏߟߊߘߍ ߛߙߊ߬ ߝߊ߬ߓߊ߬ߘߋ߲߬ߧߊ ߟߊ߫.
ߞߎ߬ߙߎ߲߬ߘߎ߬ߛߋ߲ ߁߈߲: ߛߌ߲߬ߝߏ߲ ߛߎ߯ߦߊ ߟߎ߬:
ߛߌ߲߬ߝߏ߲ ߛߎ߯ߦߊ ߡߍ߲ ߠߎ߬ ߡߊߘߊ߲ߣߍ߲߫ ߛߌ߰ߞߊ߲ ߓߊߖߎ ߞߎ߬ߙߎ߲߬ߘߎ߬ߛߋ߲ ߁߀߲ ߘߐ߫ ߸ ߣߴߏ߬ ߟߎ߬ ߦߋ߫ ߟߥߊ߬ߟߌ߬ߟߌ ߛߌ߲߬ߝߏ߲߬ ߣߌ߫ ߝߘߏ߬ߓߊ߬ ߛߌ߲߬ߝߏ߲ ߣߌ߫ ߛߌ߲߬ߝߏ߬ ߞߙߍߞߙߍߣߍ߲ ߠߎ߬ ߘߌ߫ ߸ ߏ߬ ߟߎ߬ ߘߌ߫ ߛߋ߫ ߣߐ߬ߘߐߓߌ߬ߟߊ߬ ߟߊ߫ ߝߘߏ߬ߓߊ߬ ߜߙߊ ߟߊ߫ ߓߍ߬ߡߊߞߊ߲ ߠߊ߫.
ߛߌ߰ߘߊ ߥߐ߯ߙߐߣߊ߲، ߝߘߏ߬ߓߊ߬ ߜߙߊ:
ߞߎ߬ߙߎ߲߬ߘߎ߬ߛߋ߲ ߂߃߲: ߛߋߞߏߦߊ
ߝߘߏ߬ߓߊ߬ ߜߙߊ ߟߋ߬ ߘߍ߬ߞߙߎ ߟߊ߫ ߛߋߓߊ߯ߦߊ ߛߊ߲ߘߐߕߊ ߘߌ߫ ߸ ߊ߬ ߦߋ߫ ߡߙߊ߬ߘߊ ߞߏߟߊߕߍ߮ ߟߊ߫ ߟߊ߬ߘߍ߫ ߞߎ߲߬ߠߊߛߌ߰ߕߊ ߟߋ߬ ߘߌ߫ ߸ ߊ߬ ߣߌ߫ ߡߐ߱߱ ߢߌ߲߬ ߠߎ߬: ߗߋ߲ߘߋ߲߫ ߂-߂ ߡߍ߲ ߠߎ߬ ߦߋ߫ ߟߐ߬ߒ߬ߗߋ߬ߟߊ߬ ߛߋ߲ߛߋߘߋ߲ ߠߎ߬ ߘߌ߫ ߞߊ߬ ߝߘߊ߫ ߛߌ߲߬ߝߏ߲߬ ߛߓߍߘߊ ߟߎ߬ ߟߊ߫.
ߞߎ߬ߙߎ߲߬ߘߎ߬ߛߋ߲ ߂߄߲: ߝߘߏ߬ߓߊ߬ ߜߙߊ ߟߊ߫ ߟߊ߬ߘߍ:
ߝߘߏ߬ߓߊ߬ ߜߙߊ ߟߊ߫ ߟߊ߬ߘߍ ߦߋ߫ ߛߎ߯ߦߊ߫ ߢߌ߲߬ ߠߎ߫ ߟߋ߬ ߘߌ߫:
ߊ) – ߟߊ߬ߥߊ߲߬ߞߊ߲߬ߠߌ߲߬ ߜߙߊ:
ߛߋߓߊ߯ߦߊ߫ ߝߌ߬ߟߊ߫ ߟߋ߬ ߟߊ߬ߥߊ߲߬ߞߊ߲߬ߠߌ߲߬ ߜߙߊ ߏ߬ ߧߍ߫
ߝߟߐ: ߞߊ߬ ߘߍ߬ߞߙߎ ߛߌ߰ߞߊ߲ ߣߌ߫ ߞߣߐߟߊ ߞߎߙߎ߲ߘߎ ߟߊߥߊ߲߬ߞߊ
ߝߌߟߊߣߊ߲: ߞߊ߬ ߛߓߍߘߊ߫ ߖߊ߯ߓߡߊ ߛߏ߯ߙߏ߫
ߋ) – ߘߋ߬ߙߌ߬ߒߠߊ ߜߙߊ: ߏ߬ ߦߋ߫ ߞߍ߫ ߟߊ߫ ߘߍ߬ߞߙߎ ߟߊ߫ ߝߊ߲ߓߊ ߟߋ߬ ߟߊ߫ ߸ ߛߊ߲߭ ߞߘߐ߫ ߛߋ߲߬ߧߊ߬ ߞߋߟߋ߲߫ ߥߟߊ߫ ߡߙߊ߬ߘߊ ߞߏߟߊߕߍ߮ ߓߊ߯ ߦߙߐ߫ ߜߘߍ ߡߍ߲ ߠߎ߬ ߛߎߥߊ߲ߘߌ߫ ߝߘߏ߬ߓߊ ߜߙߊ ߦߴߏ߬ ߟߊߘߌ߬ߢߍ߬ ߸ ߊ߬ߟߋ ߟߋ߬ ߡ.ߞ. ߟߊ߫ ߓߊ߯ߙߊ ߟߎ߬ ߡߊߞߕߌ߫ ߟߊ߫ ߸ ߞߊ߬ ߛߐ߲߬ ߢߍߥߟߊ ߟߎ߫ ߡߊ߬ ߸ ߞߊ߬ ߛߓߍߘߊ ߛߌ߲߬ߝߏ߲߬ߧߊ ߘߏ߫ ߡߊߝߊ߬ߟߋ߲߬ ߣߴߏ߬ ߞߊ߫ ߞߊ߲߲߫ ߸ ߞߊ߬ ߛߓߍߘߊ߫ ߖߊ߯ߓߡߊ ߟߊߞߎߘߦߊ߫ ߣߴ ߊ߬ ߛߕߊ ߘߝߊ߫ ߘߊ߫، ߞߊ߬ ߛߌ߲߬ߝߏ߲ ߠߊ߫ ߘߏ߲߬ߠߌ߲ ߥߟߊ߫ ߓߌ߬ߟߊ߬ߟߌ ߘߐߞߕߌ߫ ߸ ߊ߬ ߣߌ߫ ߝߙߋߞߋ ߜߘߍ߫ ߡߍ߲ ߓߊ߯ ߟߴߊ߬ ߞߘߐ߫ ߸ ߝߘߏ߬ߓߊ߬ ߜߙߊ ߟߊ߫ ߘߋ߬ߙߌ߬ߒ߬ߠߊ߬ ߟߊߘߍ ߢߣߊߓߊ߮ ߟߎ߬ ߡߊ߲߫ ߞߊ߲߫ ߞߊ߬ ߘߛߍ߫ ߟߥ ߊ߬ߟߌ߬ߟߌ ߛߌ߲߬ߝߏ߲ ߣߌ߫ ߛߌ߲߬ߝߏ߲߬ ߛߓߍߘߊ ߟߎ߬ ߞߐߦߌߘߊߓߊ߮ ߟߎ߬ ߛߓߊߢߐ߲߮ ߝߌ߬ߟߊ ߃ /߂ ߘߐ߫ ߸ ߡߙߌߘߐ ߟߎ߬ ߦߋ߫ ߕߊ߬ ߟߊ߫ ߞߏߟߊ߲ߞߘߐߢߐ߲߯ߦߊ ߟߋ߬ ߘߐ߫ ߝߘߏ߬ߓߊ߬ ߜߙߊ ߓߟߏ߫ ߸ ߢߣߊߕߊߟߌ ߛߌߟߊ߫ ߝߍ߬ ߖߊ߬ߡߊ ߝߊ߲߬ߓߊ߬ߦߊ ߟߊ߫.
ߌ) – ߓߌ߬ߟߊ߬ߒ߬ߘߐ߬ ߜߙߊ: ߓߌ߬ߟߊ߬ߒ߬ߘߐ߬ ߜߙߊ ߦߋ߫ ߡߊߞߟߌ߫ ߟߊ߫ ߞߏ߫ ߖߐ߲߲ߖߐ߲߫ ߘߐߜߊ߬ߣߍ߲ ߠߋ߬ ߞߊ߲ߡߊ߬ ߸ ߦߏ߫ ߞߊ߬ ߛߌ߰ߞߊ߲ ߠߎ߬ ߡߊߞߕߌ߫ ߸ ߥߟߊ߫ ߡߙߊ߬ߘߊ ߞߏߟߊߕߍ߮ ߛߌ߲߬ߝߏ߲ ߛߓߊߢߐ߲߮ ߞߋߟߋ߲ ߃ /߁ ߦߴߊ߬ ߟߊߢߌߣߌ߲߫ ߸ ߊ߬ ߣߌ߫ ߝߘߏ߬ߓߊ߬ ߜߙߊ ߛߌ߲߬ߝߏ߲߲ ߠߎ߬ ߣߊ߯ߣߌ߲ߢߐ߲߮ ߞߋߟߋ߲ ߄ /߁.
ߏ߬ ߘߐ߫߸ ߣߌ߲߬ ߓߍ߯ ߞߐ߫߸ ߢߌ߬ߣߊ߲߫ ߝߘߏ߬ߓߊ߬ ߜߙߊ߬ ߕߊ߲ߣߝߌߟߊߣߊ߲ ߣߌ߲߬ ߛߋ߲߬ߝߍ߬߸ ߡߙߊ߬ߘߊ ߞߏߟߊߕߍ߮ ߟߊߞߎߘߦߊ߫ ߘߊ߫ ߞߊ߬ ߛߊ߲߬ ߟߏ߯ߟߎ߫ ߛߕߊ߫ ߞߎߘߊ߫ ߘߌ߫ ߡߍ߲ ߦߋ߫ ߓߊ߲߫ ߠߊ߫ ߇߉߆/߂߀߂߉ ߕߙߊߓߊ߃߁
ߡߍ߲ ߢߌߣߌ߲ߣߍ߲߫ ߛߌ߲߬ߝߏ߲ ߓߍ߯ ߝߍ߬:
ߊ)- ߛߌ߲߬ߝߏ߲߬ ߔߊߔߘߊ: ߓߊߏ߬ ߡߐ߰ ߕߴߛߋ߫ ߞߍ߫ ߟߊ߫ ߕߐ߲߫ ߛߌ߫ ߡߊ߬ߞߟߐ ߘߌ߫߸ ߝߏ߫ ߌ ߦߋ߫ ߞߍ߫ ߊ߬ ߛߌ߲߬ߝߏ߲ ߠߋ߬ ߝߟߐ߫ ߘߌ߫، ߏ߬ ߘߐ߫ ߣߌ߫ ߛߌ߲߬ߝߏ߲߬ ߔߊߔߘߊ ߡߊ߫ ߕߊ߬ ߡߍ߲ ߓߟߏ߫߸ ߥߟߴߊ߬ ߕߎ߬ߡߊ߬ߘߊ ߓߘߊ߫ ߓߊ߲߫، ߏ߬ ߦߴߊ߬ ߕߊ߬ ߥߟߊ߫ ߞߵߊ߬ ߟߊߞߎߘߦߊ߫ ߦߊ߬ߣߌ߫ ߝߘߏ߬ߓߊ߬ ߜߙߊ߬ ߜߘߍ߫ ߕߍ߫، ߣߴߏ߬ ߕߍ߫ ߏ߬ ߘߌ߫ ߣߐ߬ߘߐߓߌ߬ߟߊ߬.
ߋ)- ߟߊ߬ߘߍ߬ߞߏ ߛߌ ߟߊ ߝߍ߬߸ ߓߍ߲߬ ߞߍ߫ ߘߴߊ߬ ߡߊ߬ ߟߋ߬ ߞߏ߫ ߞߊ߬ ߟߊ߬ߘߍ ߞߍ߫ ߟߐ߯ߞߎ߲߫ ߝߌ߬ߟߊ-ߝߌ߬ߟߊ߬߸ ߦߏ߫ ߊ߰ ߞߍ߫ ߟߊ߫ ߢߊ ߡߍ߲ ߞߘߐ߬ߡߊ߲߬߸ ߞߊ߬ ߓߍ߲߬ ߡߊ߲߬ߘߋ߲߫ ߕߎ߬ߡߊ߬ߙߋ߲߬ ߁߄:߀߀ ߣߌ߫ ߣߌߦߐߙߞ ߛߐ߰ߡߊ߬ ߁߀:߀߀ ߡߊ߬.
ߞߏ߬ߣߌ߲߬ ߡߍ߲ ߓߊ߯ ߛߊ߬ߦߌ߬ ߟߊ߬ߘߍ ߃ ߘߐ߫ ߞߵߊ߬ ߕߎ߲߰ ߢߐ߲߮ ߠߊ߫ ߣߌ߫ ߘߊ߬ߟߎ߬ ߖߐ߲ߖߐ߲߫ ߕߍ߫ ߡߍ߲ ߠߊ߫߸ ߏ߬ ߘߌ߫ ߘߟߊ߫ ߅ ߛߙߊ߬ ߖߊ߲߬ߞߌ߬ߟߌ ߘߌ߫، ߣߌ߫ ߡߍ߲ ߞߊ߬ ߛߊ߲߬ ߞߋߟߋ߲߫ ߞߍ߫߸ ߊ߬ ߡߊ߫ ߦߋ߫ ߟߊ߬ߘߍ ߘߐ߫߸ ߏ߬ ߘߌ߫ ߓߐ߫ ߡߙߊ߬ߘߊ ߞߏߟߊߕߍ߮ ߟߐ߬ߘߎ߮ ߘߐ߫.
ߌ)-ߓߟߏߟߊߘߍߞߏ ߓߟߏ ߡߊ߬߸ ߓߍ߲߬ ߞߍߣߴߊ߬ ߡߊ߬ ߞߏ߫ ߛߌ߲߬ߝߏ߲ ߓߍ߯ ߦߴߊ߬ ߟߊ߫ ߓߟߏߟߊߘߍ ߛߙߊ߬ ߝߓߊ߬ߘߋ߲ߧߊ ߟߊ߫߸ ߛߊ߲߬ ߞߋߟߋ߲ ߓߟߏߟߊߘߍ ߦߋ߫ ߓߍ߲߬ ߠߊ߫ ߘߟߊ߫ ߂߅ ߟߋ߫ ߡߊ߬߸ ߏ߬ ߦߋ߫ ߞߊߙߏ ߓߍ߯ ߘߟߊ߫ ߂.߈ߟߋ߬ ߘߌ߫߸ ߝߏ߫ ߣߌ߫ ߡߍ߲ ߛߋ߫ ߘߊ߫ ߞߊ߬ ߘߏ߫ ߝߊ߬ߙߊ߫ ߏ߬ ߞߊ߲߬ ߓߟߏߘߐߢߌ߲ߦߊ ߣߌ߫ ߝߎߣߎ߲ߛߙߋߦߊ ߟߊ߫ ߒߞߏ ߟߊ߫ ߥߙߎߞߌ ߛߋ߲߬ߠߊ߬ߞߊ߬ߟߌ߬ߦߊ߬ߞߏ ߘߐ߫.
ߏ߬ ߘߐ߫߸ ߣߌ߫ ߡߊ߬ߞߟߐ ߡߍ߲ ߡߴߊ߬ ߕߊ߫ ߓߟߏߟߊߘߍ ߛߙߊ߬ ߸ ߏ߬ ߦߴߊ߬ ߕߊ ߛߙߊ߬߸ ߦߊ߬ߣߌ߫ ߝߘߏ߬ߓߊ߬ ߜߙߊ߬ ߜߘߍ߫ ߕߍ߫،
ߞߊ߬ ߝߘߊ߫ ߒߞߏ ߕߐ߲߫ ߖߊ߯ߓߡߊ ߡߙߊ߬ߘߊ ߞߏߟߊߕߍ߮ ߞߊ߲ߕߌ߮ ߟߊ߫.
ߒߥߛߖ ߡߙߊ߬ߘߊ ߓߟߐߟߞߐߜߍ : http://www.kanjamadi.com/nwsj_marada_2025.pdf
ߞߐߦߌߘߊߓߊ߮ ߟߎ߬ ߓߟߐߟߞߐߜߍ: http://www.kanjamadi.com/koyidabaa_2025.pdf