- ߟߊ߬ߛߋ߬ߟߌ:
ߊߟߎ߫ ߣߌ߫ ߕߎ߬ߡߊ߬߸ ߊߟߎ߫ ߣߌ߫ ߖߐ߫. ߣߌ߲߬ ߦߋ߫ ߟߊ߬ߛߋ߬ߟߌ ߟߋ߬ ߘߌ߫ ߞߊ߬ ߝߘߊ߫ ߒ.ߥ.ߛ.ߖ. (ߒߞߏ ߥߙߎߞߟߌ ߛߌ߲߬ߝߏ߲߬ߧߊ߬ߟߌ߬ ߖߊ߯ߓߡߊ) ߟߊ߫. ߞߊ߬ ߓߍ߲߬ ߒߞߏ ߢߌ߲߭ ߠߎ߬ ߘߊ߲ߞߎ߲ߠߌ߲ ߡߊ߬ ߝߊ߬ߖߡߊߣߊ ߣߌ߫ ߕߎ߲ߞߊ߲ ߠߎ߬ ߟߊ߫߸ ߒ.ߥ.ߛ.ߖ. ߦߋ߫ ߞߎ߲߬ߢߊ߬ߘߐ߬ ߞߟߊߒߞߋ ߟߎ߫ ߘߍ߬ߡߍ߲߬ߘߌ߬ ߟߊ߫ ߡߊ߲߬ߘߋ߲߬ ߖߡߊߣߊ ߡߐ߰ ߟߎ߬ ߟߊ߫ ߸ ߡߍ߲ ߠߎ߬ ߦߋ߫ ߕߘߍ߬ ߟߊ߫ ߡߊ߬ߘߋ߲߫ ߟߊߥߙߎߞߌ ߓߊ߯ߙߊ ߟߎ߬ ߘߐ߫ ߘߊ߲ߞߎ߲߫ ߛߌߦߊߡߊ߲߫ ߘߐ߫߸ ߦߏ߫: ߒߞߏ ߟߊߥߙߎߞߌ ߢߍߥߟߊ ߟߎ߬ ߞߐߡߊߓߌ߲ߓߌ߲߸ ߞߏ߲߬ߓߏ߫ ߎߛߑߡߊߣ ߘߏ߲߬ ߦߴߏ߬ ߡߐ߰ ߞߟߊߤߞߋ ߘߏ߫ ߟߋ߬ ߘߌ߫ ߛߊ߲߬ ߁߅ ߕߊ߬ߡߌ߬ߣߍ߲ ߢߌ߲߬ ߞߘߐ߫߸ ߒ߬ߓߊ߬ ߞߊ߬ ߓߍ߲߬ ߊ߬ ߟߊ߫ ߡߊ߲߬ߘߋ߲߫ ߡߞߊߘߊ߲ ߓߊ߯ߙߊ ߟߎ߫ ߡߊ߬߸ ߞߊ߬ ߓߍ߲߬ ߓߏߟߏ߲ߝߘߊ ߟߊߞߊ߭
ߡߵߊ߬ ߟߊ߫ ߖߊ߯ߓߘߊ ߟߊ߫߸ ߞߊ߬ ߓߍ߲߬ ߊ߬ ߟߊ߫ ߖߊ߯ߓߘߊ ߓߌ߬ߟߊ ߡߊ߬ ߒߞߏ ߣߌ߫ ߒߞߏߡߐ߮ ߓߍ߯ ߛߊ߬ߥߏ߬ ߘߐ߫߸ ߞߊ߬ ߓߍ߲߬ ߊ߬ ߟߊ߫ ߣߊ߲߬ߝߟߏ ߓߌ߬ߟߊ ߡߊ߬ ߒߞߏ ߣߌ߫ ߡߊ߲߬ߘߋ߲߬ ߡߌߙߌ߲ߘߌ ߛߊ߬ߥߏ߬ ߘߐ߫߸ ߒ.ߥ.ߛ.ߖ. ߦߴߊ߬ ߟߊ߫ ߞߎ߲߬ߢߊ߬ߘߐ߬ ߓߍ߯ ߘߐ߫ ߛߊ߲ߘߐߕߊ ߘߍ߬ߡߍ߲߬ߘߌ߬ ߟߊ߫ ߞߏ߲߬ߓߏ ߎߛߑߡߊߣ ߠߊ߫ ߸ ߏ߬ ߓߟߏߡߊ߬ ߓߊߘߋ߲ ߠߎ߬߸ ߕߐ߲߫ ߖߊ߯ߓߡߊ ߦߴߊ߬ ߟߊߛߋ߫ ߟߊ߫ ߞߐߣߊߞߙߌ߫ ߒߞߏ ߘߏ߲߬ߞߏ ߟߎ߬ ߓߍ߯ ߟߊߘߍ߬ߣߍ߲ ߡߊ߬߸ ߞߏ߫: ߞߎ߲߬ߢߊ߬ߘߐ ߏ߬ ߘߌ߫ ߟߊߕߊ߬ߡߌ߲߫ ߞߏ߲߬ߓߏ߫ ߎߛߑߡߊߣ ߞߊ߬ߓߊ߫ ߡߊ߬߸ ߊ߬ ߢߌߣߌ߲ߣߍ߲߫ ߏ߬ ߦߋ߫ ߞߍ߫ ߞߐߣߊߞߙߌ߫ ߒߞߏߡߐ߮ ߓߍ߯ ߢߣߊ߫ ߛߌߣߌ߲߫ ߞߊ߯ߙߌ ߡߊ߬ ߂߀߂߅ ߘߓߊ߬ߕߊ ߕߟߋ߬ ߁߁ ߡߊ߬߸ ߁߄ߙߋ߲ ߖߋߞߎ ߟߊ߫.
ߒߞߏ ߥߙߎߞߟߌ ߛߌ߲߬ߝߏ߲߬ߧߊ߬ߟߌ ߖߊ߯ߓߡߊ ߞߊ߲ߕߌ߮
ߞߙߊ߬ߡߐ߯ ߓߊ߫ߓߊ߫ ߡߊ߬ߡߊߘߌ߫ ߖߊ߰ߣߍ߫.
ߛߏ߬ߟߏ ߝߙߊ߬ߓߊ-ߘߐ߫ ߛߌ߬ߛߋ߫