ߊߟߎ߫ ߣߌ߫ ߕߎ߬ߡߊ߬، ߊߟߎ߫ ߣߌ߫ ߖߐ߫߸ ߒߞߏ ߕߐ߲߫ ߖߊ߯ߓߡߊ ߞߊ߬ ߡߊ߬ߞߟߌ߬ߟߌ߬ ߛߓߍ ߘߏ߫ ߟߋ߬ ߛߐ߬ߘߐ߲߬ ߞߊ߬ ߓߐ߫ ߕߎߙߑߞߌ߫ ߂߀߂߄ ߞߏ߲ߞߏߜߍ ߟߊ߫߸ ߡߍ߲ ߟߐ߬ߣߍ߲߫ ߜߙߊ߬ ߖߊ߯ߓߡߊ ߘߏ߫ ߛߏ߲߬ߝߏ߲߬ߧߊ ߡߊ߬ ߝߘߊ߬ߝߌ߲߬ߠߊ߫ ߞߊ߲߬߸ ߞߎߡߘߊ߫ ߄߀ ߖߊ߬ߕߋ߫ ߦߋ߫ ߡߍ߲ ߘߐ߫ ߞߎߡߘߊ ߛߌߓߟߏߡߊ߫ ߛߌߦߊߡߊ߲߫ ߘߐ߫߸ ߒ.ߥ.ߛ.ߖ. ߝߣߊ߫ ߞߊ߬ ߛߓߍ ߏ߬ ߟߋ ߟߊߕߊ߯ ߒߞߏ ߕߐ߲ ߘߏ߫ ߟߎ߫ ߡߊ߬ ߖߌ߬ߣߍ߫ ߣߌ߫ ߡߊ߬ߟߌ߬ߓߊ ߟߊ߫߸ ߛߊ߫ ߒߞߏ ߘߌ߫ ߓߍ߲߬ߛߋ߲߬ߒߡߊ ߏ߬ ߕߣߐ߬ߓߐ߫ ߢߊ߫ ߞߋߟߋ߲߫ ߡߊ߬ ߒߞߏ ߕߐ߲߫ ߛߌߦߊߡߊ߲߫ ߛߌߟߊ ߝߍ߬߸ ߣߌ߫ ߡߍ߲ ߠߎ߬ ߞߊ߬ ߕߊ߯ߟߌ ߟߊߣߐ߬.
ߒ.ߥ.ߛ.ߖ. ߞߵߊ߬ ߓߟߏߝߘߊ ߡߐ߰ ߄ ߢߌ߲߬ ߠߎ߫ ߟߋ߬ ߟߊ߫ ߞߊ߬ ߕߘߍ߬ ߕߎߙߑߞߌ߫ ߜߊ߬ߙߊ ߘߐ߫.
߁- ߞߙߊ߬ߡߐ߯ ߓߊ߬ߓߊ߫ ߡߊ߬ߡߊ߬ߘߌ߫ ߖߊ߰ߣߍ߫ ‹‹ߋߖ߭ߌߔߕ››
߂߲- ߞߙߊ߬ߡߐ߯ ߣߎߤߊ߲߫ ߕߙߊߥߊߟߋ߫ ‹‹ߣߌߦߐߙߑߞ››
߃߲- ߞߙߊ߬ߡߐ߯ ߖߌ߬ߓߙߌ߬ߟߊ߫ ߖߊ߰ߣߍ߫ ‹‹ߣߌߦߐߙߑߞ››
߄߲- ߞ.ߛߏ߬ߟߏ߫ ߝߙߊ߬ߓߊ-ߘߐ߫ ߛߌ߬ߛߋ߫ ‹‹ߓߊ߬ߣߊ߲߬ߞߘߐ߫ ߖߌ߬ߣߍ߫››
ߊ߬ߟߋ߬ ߜߊ߬ߙߊ ߢߌ߲߬ ߕߘߍ߬ ߦߋ߫ ߞߙߎ߫ ߓߟߋߓߟߋ߫ ߂ ߟߋ߬ ߘߌ߫ ߕߊ߲߬:
• ߡߍ߲ ߠߎ߬ ߦߋ߫ ߜߊ߬ߙߊ ߢߣߊߓߊ߯ߦߊ߫ ߟߊ߫ ߞߣߍ ߞߊ߲߬.
• ߊ߬ ߣߌ߫ ߡߍ߲ ߠߎ߬ ߦߴߊ߬ ߢߣߊߓߊ߯ߦߊ߫ ߟߊ߫ ߓߟߐߟߐ ߛߌߟߊ ߝߍ߬.
ߏ߬ ߓߟߏߡߊ߬، ߒߞߏ ߕߐ߲߫ ߖߊ߯ߓߡߊ ߝߣߊ߫ ߞߵߊ߬ ߟߊ߫ ߡߐ߰ ߄ ߘߐߕߟߊ߫ ߞߙߎ߫ ߂ ߣߌ߲߬ ߕߍ߫߸ ߏ߬ ߞߘߐ߫، ߡߐ߰ ߝߌ߬ߟߊ ߦߋ߫ ߞߍ߫ ߞߣߍ ߞߊ߲߬ ߕߎߙߑߞߌ߫߸ ߊ߬ ߕߐ߬ ߡߐ߰ ߂ ߞߍ߫ ߓߟߐߟߐ ߟߊ߫߸ ߡߐ߰ ߂ ߡߍ߲ ߠߎ߬ ߞߊ߫ ߞߊ߲߫ ߕߘߍ߬ ߞߊ߬ ߞߍ߫ ߞߣߍ ߞߊ߲߬߸ ߏ߬ ߟߋ߬ ߞߙߊ߬ߡߐ߯ ߓߊ߬ߓߊ߫ ߖߊ߰ߣߍ߫ ߣߌ߫ ߞߙߊ߬ߡߐ߯ ߛߏ߬ߟߏ߫ ߝߙߊ߬ߓߊ-ߘߐ߫ ߛߌ߬ߛߋ߫ ߘߌ߫߸ ߞߙߊ߬ߡߐ߯ ߖߌ߬ߓߙߌ߬ߟߊ߫ ߖߊ߰ߣߍ߫ ߣߌ߫ ߞߙߊ߬ߡߐ߯ ߣߎߤߊ߲߫ ߕߙߊߥߊߟߋ߫ ߘߴߊ߬ ߞߍ߫ ߓߟߐߟߐ߫ ߛߌߟߊ ߝߍ߬߸ ߞߐ߬ߣߌ߬ ߥߊߦߌߞߊ߫߹ ߕߐ߲߫ ߖߊ߯ߓߡߊ ߦߋ߫ ߓߊ߲߫ ߠߊ߫ ߓߟߏߘߐߓߍ߲ ߠߊ߫ ߕߎ߬ߡߊ ߡߍ߲ ߞߊ߬ ߥߟߌ߫ ߕߊ߯ߡߊߖߊ߲ ߣߌ߲߬ ߞߊߡߊ߬، ߏ߬ ߞߵߊ߬ ߕߘߍ߬ ߕߎ߬ߡߊ ߓߘߊ߫ ߕߙߍߛߍ߫ ߞߏߖߎ߯ߦߊ߫߸ ߝߊߦߌߘߊ߫ ߕߋ߬ߟߋ߫ ߃ ߟߋ߬ ߘߐߙߐ߲߫ ߕߏߣߍ߲߫ ߕߘߍ߬ ߕߊ߯ߟߌ ߟߊ߫ ߣߴߌ ߘߌ߫ ߛߋ߫ ߓߍ߲߬ ߠߊ߫ ߜߊ߬ߙߊ ߡߊ߬߸ ߘߏ߲߬ߛߓߍ߬ߞߏ ߡߛߍ߬ߞߍ߬ߡߛߞߍ ߟߎ߬ ߡߊ߫ ߛߋ߫ ߞߊ߬ ߓߊ߲߫ ߖߏߣߊ߫ ߡߎ߰ߡߍ߫، ߡߍ߲ ߘߴߊ߬ ߞߍ߫ ߕߐ߲߫ ߖߊ߯ߓߡߊ ߟߊ߫ ߡߐ߰ ߂ ߦߋ߫ ߛߋ߫ ߞߊ߬ ߕߊ߯ ߕߎߙߑߞߌ߫߸ ߓߊߏ߬، ߕߎߙߑߞߌ߫ ߟߊ߬ߛߌ߰ߘߊ ߞߵߊ߬ ߦߌ߬ߘߵߊ߲ ߠߊ߫ ߞߐߣߊߞߙߌ߫߸ ߞߴߊ߬ߟߎ߬ ߟߊ߫ ߘߏ߲߬ߛߓߍ߬ߞߏ ߡߛߍ߬ߞߛߍ ߓߊ߯ߙߊ ߦߋ߫ ߘߊߡߌ߬ߣߊ߬ ߟߊ߫߬ ߞߎ߲߬ߢߐ߰ ߁ ߠߋ߬ ߡߊ߬ ߞߊ߬ ߕߊ߯ ߊ߬ ߓߌ߬ߟߊ߫ ߞߎ߲߬ߢߐ߲߯ ߃ ߟߊ߫߸ ߞߊ߬ ߕߘߍ߬ ߤߊߟߌ߫ ߞߎ߲߬ߢߐ߰ ߞߋߟߋ߲߫ ߠߋ߬߸ ߏ߬ ߣߌ߫ ߕߎߙߑߞߌ߫ ߜߊ߬ߙߊ ߢߍߥߟߊ ߕߍ߫ ߓߍ߲߬ ߢߐ߲߮ ߡߊ߬.
ߏ߬ ߞߏߛߐ߲߬، ߊ߬ߟߋ߬ ߜߊ߬ߙߊ ߛߌ߲߬ߝߏ߲߬ߧߊ߬ߓߊ߮ ߟߎ߫ ߞߊ߬ ߒ.ߥ.ߛ.ߖ. ߟߊ߫ ߡߐ߰ ߄ ߓߍ߯ ߟߊߦߌ߬ߙߌ߲߬ߘߌ߫ ߓߟߐߟߐ߫ ߛߌߟߊ ߕߊ ߟߎ߫ ߝߍ߬.
ߊ߲ ߣߊ߬ߕߐ߫ ߕߐ߲߫ ߖߊ߯ߓߡߊ ߟߊ߫ ߓߋߟߋ߲ߠߊ ߏ߬ ߟߎ߫ ߟߋ߬ ߦߌ߬ߘߊ߬ ߟߴߊ߬ߟߎ߫ ߟߊ߫ ߦߊ߲߬ ߣߌ߲߬: ߞߙߊ߬ߡߐ߯ ߓߊ߬ߓߊ߫ ߕߐ߮ ߛߐ߲߬ߞߌ߲߫ ߞߵߊ߬ ߟߊ߫ ߓߋߟߋ߲ߠߊ߫ ߞߊ߲ߝߌߟߡߊ ߘߐߞߊ߬ߙߊ߲߬
ߞߙߊ߬ߡߐ߯ ߖߌ߬ߓߙߌ߬ߟߊ߫ ߖߊ߰ߣߍ߫ ߕߐ߮ ߣߌ߲߬ ߛߐ߲߬ߞߌ߲߬ ߞߴߊ߬ ߟߊ߫ ߓߋߟߋ߲ߠߊ߫ ߞߊ߲ߝߌߟߡߊ ߟߊߡߍ߲߫
ߞߙߊ߬ߡߐ߯ ߛߏ߬ߟߏ߫ ߝߙߊ߬ߓߊ-ߘߐ߫ ߕߐ߮ ߛߐ߲߬ߞߌ߲߫ ߞߵߏ߬ ߟߊ߫ ߓߋߟߋ߲ߠߊ ߟߊߡߍ߲߫ ߝߊ߬ߙߊ߲߬ߛߌ߬ߞߊ߲ ߘߐ߫، ߒ ߡߊ߫ ߝߊ߬ߙߊ߲߬ߛߌ߬ߞߊ߲߫ ߟߐ߲߫ ߘߋ߬߸ ߒ ߞߐ߬ߣߌ߲߫ ߞߵߊ߬ ߘߖߐ߫ ߓߊߏ߬ ߒ ߠߊ߫ ߞߊ߲߫ ߕߍ߫.
ߞߙߊ߬ߡߐ߯ ߣߎߤߊ߲߫ ߕߐ߮ ߛߐ߲߬ߞߌ߲߫ ߞߵߊ߬ ߟߊ߫ ߓߋߟߋ߲ߠߊ ߞߊ߬ߙߊ߲߫ ߊ߲߬ߜߑߟߋ߬ߞߊ߲ ߘߐ߫
ߓߐߟߐߟߐ߫ ߞߏߖߊ ߞߊ߬ ߞߙߊ߬ߡߐ߯ ߓߊ߬ߓߊ߫ ߖߊ߰ߣߍ߫ ߓߊ߬ߟߌ߫ ߕߍ߬ߘߍ ߡߊ߬ ߓߟߐߟߐ߫ ߛߌߟߊ ߜߊ߬ߙߊ ߘߐ߫߸ ߏ߬ ߣߴߊ߬ ߘߏ߲߭ ߝߊ߬ߛߏ ߞߣߐ߫، ߏ߬ ߟߋ߬ ߓߍ߲߬ߣߍ߲߫ ߢߐ߲߮ ߡߊ߬.
ߊ߬ ߝߣߊ߫ ߟߊ߫ ߓߋߟߋ߲ߠߊ ߕߘߍ߬ ߞߊ߲ߝߌߟߡߊ ߟߋ߬ ߘߌ߫߸ ߊߟߎ߫ ߦߋ߫ ߞߙߊ߬ߡߐ߯ ߓߊ߬ߓߊ߫ ߖߊ߰ߣߍ߫ ߕߐ߮ ߛߐ߲߬ߞߌ߲߫ ߞߵߊ߬ ߟߊ߫ ߓߋߟߋ߲ߠߊ߫ ߘߐߞߊ߬ߙߊ߲߬ ߊߙߊߓߎ ߣߌ߫ ߒߞߏ ߘߐ߫߸ ߓߊߏ߬ ߒ.ߥ.ߛ.ߖ. ߕߘߍ߬ ߞߵߊ߬ ߦߌ߬ߘߊ߫ ߜߊ߬ߙߊ ߛߌ߲߬ߝߏ߲߬ߧߊ߬ߟߌߘߊ ߟߊ߫ ߡߟߊߕߌߦߊ߫ (ߕߎߙߑߞߌ߫) ߞߏ߫: ߊ߬ߟߎ߫ ߦߋ߫ ߘߌ߬ߢߍ߬ ߞߊ߬ ߝߘߊ߬ߝߌ߲߬ߞߊ߲߬ ߞߋߟߋ߲߫ ߝߙߊ߬ ߜߊ߬ߙߊ ߞߊ߲߫ ߄ ߞߊ߲߬ ߞߵߊ߬ ߞߍ߫ ߅ ߘߌ߫߸ ߊ߬ ߣߌ߫ ߞߵߏ߬ ߞߍ߫ ߞߍ߫ (ߒߞߏ) ߘߌ߫. ߣߴߊ߬ ߡߊ߫ ߢߵߊ߬ߟߋ߬ ߜߙߊ߬ ߖߊ߯ߓߡߊ ߞߍߕߐ߫ ߝߘߊ߬ߝߌ߲߬ߠߊ߫ ߟߋ߬ ߞߊ߲߬߸ ߞߐ߬ߣߵߊ߬ߟߎ߫ ߞߵߊ߬ ߦߌ߬ߘߊ߫ ߞߏ߫ ߜߊ߬ߙߊ ߦߋ߫ ߞߊ߲߫ ߄ ߠߋ߬ ߘߐ߫ ߊ߬ߟߎ߬ ߓߟߏ߫߸ ߊ߲߬ߜ߭ߑߟߋ߬ߞߊ߲، ߝߊ߬ߙߊ߲߬ߛߌ߬ߞߊ߲، ߊߙߊߓߎߞߊ߲، ߕߎߙߑߞߌߞߊ߲.
ߏ߬ ߓߍ߯ ߣߴߊ߬ ߕߊ߫، ߒߞߏ ߕߐ߲߫ ߖߊ߯ߓߡߊ ߞߵߊ߬ ߟߊ߫ ߓߋߟߋ߲ߠߊ߫ ߝߌ߬ߟߊ߬ ߞߍ߫ ߞߊ߲ߝߌߟߡߊ ߘߌ߫߸ ߊ߲߬ߜ߭ߑߟߋ߬ߞߊ߲ ߣߌ߫ ߒߞߏ، ߊߙߊߓߎߞߊ߲ ߣߌ߫ ߒߞߏ. ߛߴߊ߬ߟߎ߬ ߦߴߊ߬ ߟߐ߲߫ ߞߏ߫ ߛߌ߲߬ߝߏ߲߬ߧߊ߬ߟߌ ߣߌ߲߬ ߢߐ߲߰ ߠߎ߬ ߓߍ߯ ߘߌ߫ ߛߋ߫ ߞߍ߫ ߟߴߊ߲ ߠߊ߫ ߞߊ߲ (ߒߞߏ) ߘߐ߫. ߊߟߎ߫ ߦߋ߫ ߛߌ߬ߕߊߙߌ ߣߌ߲߬ ߛߐ߲߬ߞߌ߲߫ ߞߊ߬ ߒߞߏ ߕߐ߲߫ ߖߊ߯ߓߡߊ ߛߌ߲߬ߝߏ߲ ߠߎ߬ ߟߊ߬߫ ߕߎߙߑߞߌ߫ ߡߊ߬ߟߌ߬ߟߌ߬ ߛߓߍ ߣߌ߫ ߜߊ߬ߙߊ ߕߘߍ߬ߒ߬ߘߐ߬ߟߌ ߛߙߋߓߍ ߟߎ߬ ߘߐߜߍ߫
ߛߏ߬ߟߏ ߝߙߊ߬ߓߊ-ߘߐ߫