ߊߟߊ߫ ߕߐ߮ ߟߊ߫ ߡߊ߬ߡߌ߬ߣߊ߬ߟߊ߫ ߟߋ߬ ߤߌߣߟߊ߫ ߟߋ߬. ߛߟߊߕߌ߯ ߓߘߍ /… ߓߊߘߋ߲߫ ߗߍ߬ߡߊ߲ ߣߌ߫ ߡߛߏ߬ߡߊ߲ ߠߎ߬ ߸ ߘߋ߲ߣߍ߲ ߣߌ߫ ߡߐ߰ߓߊ ߸ ߛߓߍ߬ߞߏ ߞߊ߬ߣߌ߲߬ߓߊ߮ ߣߴߊ߬ ߟߊߝߛߊ߬ߓߊ߮ ߸ ߒ߬ ߠߊ߫ ߝߏ߬ߟߌ ߓߎ߰ߓߎ߰ߣߍ߲ ߦߴߊߟߎ߫ ߓߍ߯ ߦߋ߫ ߞߐߘߍ߫߸ ߓߊߘߋ߲ߧߊ ߝߏ߬ߟߌ ߟߊ߫ ߸ ߡߙߌߞߋߟߋ߲ߢߐ߲߯ߦߊ ߝߏ߬ߟߌ ߟߊ߫ ߸ ߞߏ߫ ߊߟߎ߫ ߣߌ߫ ߖߐ߫ ߊߟߎ߫ ߣߌ߫ ߞߏ߲߫ ߸ ߊߟߎ߫ ߦߋ߫ ߕߏߟߌ߫ ߘߐ߫. ߏ ߕߊ߬ߡߌ߲ ߞߐ߫ /… ߊ߲ ߓߊߘߋ߲߫ ߡߊ߲߬ߘߋ߲߬ ߡߌߙߌ߲ߘߌ ߸ ߛߟߊߕߌ߯ ߒߞߏ ߡߊ߲߬ߕߎ߬ߙߋ ߟߎ߬ ߸ ߡߊ߲߬ߘߋ߲߬ߞߊ ߟߎ߫ ߟߋ߬ ߞߊ߲߫ ߞߏ߫ ߞߟߌߟߌ ߗߋ߫ ߊ߬ ߟߊߡߌ߬ߘߊ ߦߋ߫ ߗߋ߫. ߏ߬ ߘߏ߲߬ ߞߘߐ ߟߋ߬ ߞߏ߫ ߞߟߌߟߌߟߊ ߦߴߊ߬ ߟߊ߫ ߕߎ߬ߡߊ ߘߏ߫ ߓߌ߬ߟߊ߬ ߟߊ߫ ߞߊ߬ ߞߟߌߞߌ ߞߍ߫ ߏ߬ ߞߘߐ߫، ߞߟߌߣߍ߲ ߝߣߊ߫ ߦߴߊ߬ ߟߊ߫ ߕߎ߬ߡߊ ߘߏ߫ ߟߋ߬ ߝߣߊ߫ ߓߌ߬ߟߊ߬ ߟߊ߫ ߞߊ߬ ߞߟߌߟߌ ߟߊߡߌ߬ߘߊ߫ ߏ߬ ߞߘߐ߫، ߞߏ߬ߣߌ߲߬ ߣߴߊߟߎ߫ ߝߊ߫ ߝߋ߲߫ ߦߋ߫ ߢߐ߲߮ ߘߐ߫߸ ߊߟߎ߫ ߕߴߌ ߢߐ߲߮ ߦߋ߫ ߝߋߎ߫، ߓߊߏ߬ ߣߴߌ ߡߊ߫ ߝߋ߲߫ ߦߋ߫ ߡߍ߲ ߘߐ߫߸ ߌ ߕߴߏ߬ ߞߟߌ߫ ߟߊ߫، ߣߌ߫ ߡߍ߲ ߝߣߊ߫ ߡߊ߫ ߝߋ߲߫ ߦߴߌ ߘߐ߫߸ ߏ߬ ߕߴߌ ߟߊߡߌ߬ߘߊ߬ ߟߊ߫ ߝߋߎ߫. ߏ߬ ߘߐ߫߸ ߊߟߎ߫ ߞߟߌ߫ ߞߎ߲ ߠߵߊ߲ ߓߟߏ߫ ߓߌ߬ ߖߐ߲߬ߛߴߊ߲ ߘߌ߫ ߘߟߊߝߎߟߌ ߣߌ߫ ߘߟߊߝߍߟߌ ߞߍ߫ ߢߐ߲߮ ߦߋ߫ ߒ߬ ߦߟߌߡߊߞߏ ߟߊ߫ ߸ ߊ߲ ߕߎ߲߬ ߦߴߊ߲ ߟߊ߫ ߟߊ߫ ߡߍ߲ ߡߙߌ ߘߌ߫ ߞߊ߬ ߥߟߌ߬ ߊ߬ ߘߌ߫ ߕߎ߬ߡߊ߬ߓߍ߯. ߓߊߘߋ߲߫ ߛߟߊߕߌ߮ ߟߎ߬ ߸ ߊ߬ ߞߊߙߏ߫ ߛߊ߬ߓߊ ߟߋ߫ ߣߌ߲߬ ߊ߲ ߞߊ߬ ߢߐ߲߯ߓߍ߲ ߣߌ߲߬ ߢߐ߲߰ ߞߍ߫ ߢߊ߫ ߞߋߟߋ߲ ߣߌ߲߬ ߡߊ߬ ߞߣߍ߫ ߞߋߟߋ߲߫ ߣߌ߲߬ ߞߊ߲߬ ߸ ߞߊ߬ ߓߍ߲߬ ߊ߲ ߣߌ߫ ߡߌߞߙߏߛߐߝߕ ߣߌ߫ ߞߏߟߊߘߍߓߊ߫ ߜߘߍ ߟߎ߫ ߟߊ߫ ߞߏ ߟߎ߫ ߘߊ߲߬ߕߍ߰ߟߌ ߡߊ߬ ߒߞߏ ߡߌߙߌ߲ߘߌ ߦߋ߫ ߸ ߞߵߊ߬ ߟߐ߬ ߒߞߏ ߟߊߕߘߍ߬ߟߌ ߡߵߊ߬ߟߎ߬ ߟߊ߫ ߞߊ߲߫ ߓߌߦߙߌߞߊ ߟߎ߫ ߝߍ߬ ߡߍ߲ ߠߎ߬ ߛߋ߫ ߟߊ߫ ߦߟߍ߬ߡߊ߲߬ ߠߊ߫ ߢߐ߲߮ ߘߐ߫ ߘߟߊߡߌߘߊߟߌ ߛߌߟߊ ߝߍ߬. ߊ߲ ߞߵߊ߬ ߦߌ߬ߘߊ߫ ߏ߬ ߟߏ߲ ߞߊ߲ߠߊ߫ ߞߏ߫ ߊ߲ ߧߋ߫ ߛߌߟߊ߫ ߦߙߌߞߊ߫ ߟߋ߫ ߞߊ߲߬ ߊ߬ ߓߊ߯ߙߊ ߘߐ߫ ߸ ߡߍ߲ ߓߍ߯ ߓߌ߬ߟߊ߬ߣߍ߲߫ ߞߏ߲߬ ߞߋߟߋ߲߫ ߡߊ߬ ߥߟߊ߫ ߞߐߝߟߌ߫ ߞߋߟߋ߲߫ ߡߊ߬ ߸ ߣߊߟߌ߬ߡߎ߲߫ ߘߟߊߡߌߘߊߟߌ߫ ߞߍߒߖߘߍ߬ߦߋ ߘߌ߫. ߜߊ߬ߙߊ ߏ߬ ߟߋ ߛߋ߲߬ߝߍ߬ ߊ߲ ߞߵߊ߲ ߣߌߛߐߘߌߦߊߞߏ ߘߏ߫ ߦߌ߬ߘߊ߫ ߞߊ߬ ߓߍ߲߬ ߜ߭ߎߜ߭ߎߟ ߘߟߊߡߌߘߊߟߊ߲ ߠߊ߫ ߛߘߊߡߊߒߡߊߞߊ߲ߠߊ ߡߊ߬ ߸ ߞߏߟߊߘߍ߫ ߝߌ߬ߙߌ߲ߞߐ߲߬ߞߐ߲ ߏ ߖߍ߬ߘߍ ߞߊ߬ ߡߍ߲ ߝߐ߫ ߊ߲ ߧߋ߫، ߞߏ߫ ߒߞߏ ߓߍߣߊ߬ ߟߊߕߘߍ߬ ߊ߬ߟߎ߬ ߟߊ߫ ߘߟߊߡߌߘߊߞߊ߲ߞߋ ߘߐ߫ ߞߊ߲߫ ߁߃߃ ߝߍ߬ ߥߊ߬ߛߌ߬ߥߙߊ ߣߌ߲߬ ߠߊ߫، ߏ߬ ߘߏ߲߬ ߓߘߊ߫ ߞߍ߫ ߦߏ߫ ߊ߬ߝߐߞߏ. ߏ߬ ߘߐ߫߸ ߒߞߏ ߕߐ߲-ߖߊ߯ߓߡߊ ߟߊ߫ ߞߎߟߎ߲ߖߋߟߌ߫ ߓߟߋ߬ߓߟߋ ߦߋ߫ ߡߐ߰ ߂߀߀߀ ߣߌ߫ ߞߐߖߊ߲ ߦߋ߫ ߡߍ߲ ߠߎ߫ ߞߊ߬ ߒ߬ ߠߊߡߌ߬ߘߊ߬ ߓߟߏߟߊߘߍ ߞߎ߲߬ߖߏߣߊ ߟߎ߫ ߛߊ߬ߙߊ ߘߐ߫ ߸ ߊ߲ ߧߋ߫ ߏ߬ ߟߎ߬ ߡߍ߲ ߠߎ߫ ߣߎ߬ߡߊ߬ ߞߣߍ ߣߌ߲߬ ߞߊ߲߬ ߣߌ߲߬ ߸ ߏ߬ ߟߎ߬ ߡߍ߲ ߠߎ߬ ߛߋ߫ ߘߴߊ߬ ߢߊߦߋ߫ ߟߊ߫ ߞߊ߬ߓߌ߯ ߛߊ߲ߖߌ߫ ߇ ߓߌ߬ ߢߍ߫ ߸ ߞߏ߫ ߟߏ߲߫ ߘߌߣߊ߬ ߛߋ߫ ߊ߲ ߛߋߕߐ߫ ߞߌߢߍ߲߫ ߞߊ߲ߓߊ ߟߎ߬ ߣߌ߫ ߒߞߏ ߘߟߊߡߌ߬ߘߊ߬ ߟߊ߫ ߢߐ߲߮ ߘߐ߫ ߞߵߊ߬ ߞߊ߬ߙߊ߲߬ ߥߟߍߟߍ߫߹ ߞߏ߫ ߓߍ߯ ߣߌ߫ ߗߋ߫ ߸ ߊ߬ߟߎ߬ ߣߌ߫ ߟߐ߲ߞߏߕߌ߯ ߛߟߏ߬ߡߊ߰ߣߊ߬ ߞߊ߲ߕߍ߫ ߞߐߡߊߓߌ߲ߓߌ߲߫߫. ߤߊߟߌߓߌ߬ ߊ߲ ߧߋ߫ ߓߍ߯ ߞߎߟߎ߲ߖߋ߫ ߟߊ߫ ߸ ߞߵߊ߬ ߘߊߡߌ߬ߘߊ߫ ߞߊ߬ߙߊ߲߬ߡߐ߯ ߛߟߏ߬ߡߊ߯ߣߊ߫ ߡߊ߬ ߸ ߊ߬ ߞߐߙߍ ߡߊ߬ ߸ ߊ߬ ߣߌ߫ ߒߞߏ ߞߊߙߊ߲ߘߋ߲߫ ߞߎ߲߬ߝߟߐ ߟߎ߫ ߡߊ߬ ߸ ߏ߬ ߟߎ߬ ߡߍ߲ ߠߎ߬ ߞߍߣߍ߲߫ ߓߍ߯ ߞߊ߬ߙߊ߲߬ߡߐ߰ ߖߏߣߊ ߘߌ߫ ߒߞߏ ߝߊ߯ߘߐߞߍ߫ ߝߟߐ ߕߟߊ ߞߎ߲߬ߕߊ߮ ߘߐ߫ ، ߊ߲ ߧߋ߫ ߒߞߏ ߕߐ߲ ߣߌ߫ ߡߐ߰ ߖߌߖߊ߬ߣߍ߲ ߠߎ߬ ߓߍ߯ ߝߏ߬ ߟߊ߫ ߝߣߊ߫߸ ߝߋ߲ ߺ ߋ ߺ ߝߋ߲߫ ߞߵߊ߬ ߛߋߞߏ ߞߍ߫ ߘߟߊߡߌߟߌ߫ ߓߊ߯ߙߊ ߣߌ߲߬ ߛߎߘߊ߲ ߘߐ߫ ߝߊ߬ߖߡߊߣߊ ߟߎ߬ ߞߣߐߟߊ ߣߴߊ߬ ߞߐߞߊ߲ߠߊ ߘߐ߫ ߞߏ߫ ߊߟߎ߫ ߣߌ߫ ߞߏ߲߫،.. ߊ߬ߟߎ ߡߍ߲ ߠߎ߬ ߞߍߣߍ߲߫ ߒߞߏ ߝߏ߬ߘߏ ߘߐߦߙߌߥߊߓߊ߮ ߟߎ߬ ߘߌ߫ ߘߊߞߎ߲ ߓߍ߯ ߘߐ߫ ߸ ߞߵߏ߬ ߞߍ߫ ߢߐ߲߯ߘߝߊߓߟߏߡߊ߬ ߞߎ߲߬ߕߊ߬ ߞߟߊߒߞߋ ߟߎ߬ ߟߊߓߊ߯ߙߊ ߣߴߊ߬ߟߎ߬ ߥߊߟߋߦߊ ߘߐ߫ ߒߞߏ ߟߊߥߙߎߞߌ ߛߌߟߊ ߞߊ߲߬. ߏ߬ ߞߐ߫ ߓߊߘߋ߲ ߠߎ߬ ߸ ߡߐ߱ ߥߋ߯ߟߋ ߘߌߦߊ ߟߋ߬ ߘߏ߫ ߘߌ ߘߴߊ߬ ߡߊ߬ ߥߟߊ߫ ߞߊ߬ ߘߏ߫ ߝߐ߫ ߊ߬ ߦߋ߫ ߸ ߊ߲ ߓߘߊ߫ ߛߋ߫ ߏ߬ ߘߊߞߎ߲ ߠߋ߬ ߘߐ߫ ߣߌ߲߬ ߡߎ߬ߕߎ߲߬ ߛߊ߫،.. ߏ߬ ߓߟߏߡߊ߬ ߸ ߒߞߏ ߥߙߎߞߌ ߛߌ߲߬ߝߏ߲߬ߧߊ߬ߟߌ߬ ߖߊ߯ߓߡߊ ߦߴߊ߬ ߟߊߛߋ߫ ߟߊ߫ ߸ ߞߏ߫ ߒߞߏ ߡߌߙߌ߲ߘߌ ߣߊ߬ ߖߌ߰ߦߊ ߡߍ߲ ߟߊ߫ ߟߴߊ߬ߟߎ߬ ߘߐ߫ ߓߊ߯ߙߊ߫ ߡߐ߬ߟߐ߲߬ߡߊ ߣߌ߲߬ ߥߊߟߋߦߊ ߘߐ߫ ߸ ߒ߬ߓߊ߬ ߊ߲ ߘߟߊߝߎ߬ ߸ ߊ߲ ߘߟߊߝߍ߫: ߥߊ߬ߛߌߥߊ߬ߙߊ ߡߍ߲ ߞߏߝߐ߫ ߘߊ߫߸ ߜ߭ߎߜ߭ߎ߬ߟ ߓߘߊ߫ ߒߞߏ ߝߊ߬ߙߴߊ߬ߟߎ߬ ߟߊ߫ ߘߟߊߡߌߘߊߟߊ߲ ߞߊ߲߫ ߁߃߃ ߞߊ߲߬ ߸ ߞߵߊ߬ ߞߍ߫ ߞߊ߲߫ ߁߃߄ ߘߌ߫ ߸ ߞߏ߬ߣߌ߲߬ ߝߙߊ߬ߒ߬ߞߊ߲߬ߠߌ߲ ߣߌ߲߬ ߛߋ߲߬ߝߍ߬߸ ߞߊ߲߫ ߁߁߀ ߠߋ߬ ߝߙߊ߬ߣߍ߲߫ ߞߘߐ߬ߡߊ߲ ߁߃߃ ߞߊ߲߬ ߞߊ߬ ߞߍ߫ ߂߄߃ ߘߌ߫، ߏ߬ ߘߐ߫߸ ߊ߲ ߘߌ߫ ߛߋ߫ ߞߊ߲߫ ߂߄߂ ߓߍ߯ ߟߐ߲ߠߌ߲ ߣߴߊ߬ ߕߌߙߌ߲ߠߌ߲ ߠߎ߬ ߘߐߞߊ߬ ߟߊ߫ ߒߞߏ ߟߊ߫ ߓߐ߬ߘߐ ߞߣߐ߫ ߏ߬ ߘߐ߫ ߛߊ߫߫ ߞߊ߬ ߒߞߏ ߟߊߥߙߎߞߌ ߛߋ߲߬ߠߊ߬ߞߊߟߌߦߊ߫. ߖߊ߬ߕߏ߬ߒߘߐ: ߒߞߏ ߛߓߍߣߍ߲߫ ߕߊ߲߬ ߊ߲߬ߞߌߟߋ ߘߐ߫ ߞߏ߫: NKo ߸ ߛߓߍߘߋ߲߫ ߞߎ߲ߓߊ߫ ߝߌ߬ߟߊ߬ ߣߌ߫ ߡߌ߬ߛߍ߲߬ߡߊ߲߬ ߞߋߟߋ߲߫ ߘߐ߫ ߞߊ߬ߣߌ߲߫. ߊ߬ߟߎ߫ ߞߊ߬ ߞߊ߲߬ߞߎߡߊ ߡߍ߲ ߟߊ߫ ߒߞߏ ߞߊ߲߬ ߏ߬ ߝߟߍ߫ ߣߌ߲߬: ߒߞߏ ߦߋ߫ ߝߘߊ߬ߝߌ߲߬ߠߊ߫ ߕߟߋ߬ߓߋ ߡߊ߲߬ߘߋ߲߬ ߞߊ߲ ߠߎ߬ ߛߎߡߊ߲ߘߊ߲ߕߊ߫ ߟߋ߬ ߘߌ߫ ߸ ߡߍ߲ ߦߋ߫ ߞߊ߲ߓߏߟߏ߲߫ ߛߌߦߊߡߊ߲߫ ߟߊߞߊ߬ߝߏ߬ ߟߊ߫ ߞߊ߲߫ ߞߋߟߋ߲߫ ߘߐ߫. ߞߊ߬ ߛߓߍߛߎ߲߫ ߞߋߟߋ߲߫ ߛߌ߲ߘߌ߫ ߏ߬ ߦߋ߫ ߁߉߄߉ ߟߊ߫߸ ߕߌߙߌ߲ߠߌ߲߫ ߛߘߍߞߙߎ߫ ߞߍ߲ߘߍ߫ ߦߴߊ߬ ߓߟߏ߫ ߡߍ߲ ߦߋ߫ ߛߐ߬ߘߐ߲߬ߘߊ ߟߎ߬ ߣߌ߫ ߛߋߒߞߏߟߊߘߐߦߊ ߟߊߥߙߎߞߌ߫ ߟߴߊ߬ ߘߐ߫ ߓߌ߬. ߏ ߕߊ߬ߡߌ߲ ߞߐ߫: ߖߊ߲߬ߕߏ߬ߒ߬ߘߐ߫ ߞߘߎ߬ߜߍߟߍ߲ ߡߍ߲ ߟߊߣߍ߲߫ ߏ ߞߊ߲߬߸ ߊ߲ ߕߎ߲߬ ߞߵߊ߬ ߝߐ߫ ߊߟߎ߫ ߜߊ߬ߙߊ ߕߊ߬ߡߌ߬ߣߍ߲߫ ߘߐ߫ ߞߏ߫ ߞߊ߬ ߓߍ߲߬ ߝߘߏ߬ ߞߎߘߊ߫ ߓߋ߬ߣߍ߲ ߓߍ߯ ߞߍߗߏ߮ ߡߊ߬ ߸ ߏ߬ ߦߋ߫ ߕߏ߲ߘߋ߫ ߘߊ߲ߘߐ߫ ߟߋ߬ ߘߌ߫: ߁- ߊ߬ ߦߋ߫ ߕߏ߫ ߒ߬ ߦߟߌߟߊ߫ ߒߞߏ ߟߊߕߘߍ߬ߟߌ ߏ߬ ߘߐ߫ ߞߏ߫ ߘߎߢߊ߫ ߓߍߓߊ߯ߦߊ ߝߋ߲ ߓߍ߯ ߦߋ߫ ߛߐ߰ ߟߊ߫ ߡߙߍ߬ߛߍ߬ߦߊ ߟߋ߫ ߡߊ߬ ߸ ߞߣߊ߬ ߕߏ߫ ߘߝߊ߫ ߟߊ߫ ߕߎ߬ߜߍ߬ߕߎ߬ߜߍ߬ߦߊ ߞߐ߬ߣߐߡߊ߬ ߛߎ߲ߞߎ߲ ߘߐ߫ ، ߊ߬ ߣߌ߫ ߤߊߟߌ߬ ߒ߬ ߖߍ߬ߘߍ ߟߊ߫ ߓߊ߯ߙߊ ߟߎ߬ ߘߐ߫ ߥߍ߬ߣߍ ߣߐ߬ ߡߍ߲ ߓߌ߬ߟߊ߬ ߟߊ߫ ߛߋ߲߬ߠߊ߫، ߒߞߏ ߝߣߊ߫ ߣߊ߬ߕߐ߬ ߞߍ߫ ߟߊ߫ ߘߊߞߎ߲߫ ߞߋߟߋ߲ ߏ߬ ߟߋ ߘߐ߫ ߜ߭ߎߜ߭ߎߟ ߟߊ߫ ߞߊ߬ ߘߝߊ ߛߌߟߊ ߡߌ߬ߘߊ߫ ߞߊ߬ ߕߊ߯ ߢߍ߫، ߞߏ߬ߣߌ߲߬ ߓߌ߬ ߡߍ߲ ߦߴߊ߬ ߟߏ߲߫ ߝߟߐ ߘߌ߫߸ ߒߞߏ ߟߊ߫ ߓߘߍ߬ߦߊ ߦߟߍ߬ߣߍ߲߫ ߠߋ߬ ߞߊ߬ ߛߋ߫ %߈߀ ߢߐ߲߱ ߡߊ߬، ߊ߬ߟߋ ߦߋ߫ ߘߊߞߎ߲ ߡߍ߲ ߘߐ߫ ߊ߬ ߟߏ߲ ߝߟߐ ߣߌ߲߬ ߘߐ߫߸ ߞߊ߲ ߘߏ߫ ߟߎ߫ ߞߊ߬ ߛߊ߲߬ ߛߌߦߊߡߊ߲߫ ߠߋ߬ ߞߍ߫ ߊ߬ߟߎ߬ ߡߊ߫ ߛߋ߫ ߦߋ߲߬. ߂- ߌ ߦߴߊ߬ ߟߐ߲߫ ߞߏ߫: ߘߏ߫ ߢߊ߬ߞߏ ߟߋ߬ ߘߏ߫ ߕߙߐߞߏ߫ ߘߌ߫ ، ߏ߬ ߟߋ ߦߴߊ߬ ߞߍ߫ ߟߊ߫ ߡߐ߱ ߢߊ߬ߞߏ ߛߋ߲߬ߠߊ߬ߛߎߡߦߊ ߞߎ߲߭ ߘߏ߫ ߟߎ߫ ߦߋ߫ ߓߐ߫ ߟߊ߫ ߢߊ߬ߞߏ߬ߕߌ߰ ߜߘߍ ߟߎ߬ ߟߊ߫ ߛߋ߲߬ߡߊ߬ߕߐߙߐ߲ߜߐ ߟߋ߬ ߘߐ߫ ߕߎ߬ߡߊ߬ ߓߍ߯ ߸ ߏ߬ ߓߍ߯ ߟߋ߫ ߛߋ߲߬ ߦߋ߫ ߒߞߏ ߟߊ߫ ߢߍߕߊ߮ ߘߐ߫ ߸ ߞߏ߬ߣߌ߲߬ ߞߏ߫ ߛߎߘߊ߲ߕߊ ߘߐߛߊ߬ߢߊ߫ ߕߍ߫ ߡߊ߰ߙߌ ߓߘߊ߫ ߓߊ߲߫ ߞߕߌ߫ ߟߊ߫ ߡߍ߲ ߠߊ߫. ߃- ߏ߬ ߓߟߏߡߊ߬ ߸ ߊ߲ ߓߍ߯ ߞߵߊ߬ ߟߐ߲߫ ߞߏ߫ ߒߞߏ ߟߊߕߟߋ߬ߓߊ߰ߦߊ߬ߕߐ ߁߉߉߉ ߟߊ߫ ߞߊ߲ߡߊߛߙߋ ߘߏ߫ ߟߎ߫ ߕߎ߲߬ ߕߴߛߋ߫ ߟߊ߫ ߟߊߕߋߟߋ߲߫ ߠߊ߫ ߛߌ߰ߙߊ߬ߟߊ߲ ߠߎ߫ ߞߎ߲߬ߠߊ߫ ߝߋߎ߫، ߞߏ߬ߣߌ߲߬ ߓߌ߬ ߘߏ߲߬؟ ߏ߬ ߡߊ߫ ߞߍ߫ ߡߍ߲ ߠߎ߬ ߢߣߊ߫߸ ߏ߬ ߟߎ߫ ߏ߬ ߟߎ߬ ߕߴߏ߬ ߝߙߋߞߋ ߟߎ߫ ߞߊ߬ߟߊߡߊ߬، ߏ߬ ߘߐ߫߸ ߤߊߟߌ߬ ߘߟߊߡߌߘߊߟߌ ߘߝߊߓߊߟߌߦߊ ߞߣߊ߫ ߡߐ߰ ߛߌ߫ ߕߙߐ߫ ߏ߬ ߘߐ߫ ߸ ߊ߲ ߧߋ߫ ߞߍ߫ ߞߊ߲ ߕߐ߭ ߟߎ߫ ߝߍ߬ ߞߣߍ ߞߊ߲߬ ߡߎߣߎ߲߬ ߘߐߙߐ߲߫. ߄- ߒߞߏ ߓߌ߬ߟߊ߬ߛߊ߲߬ߞߎߘߊ ߕߟߋ߬ߓߊ߮ ߟߊ߫ “ߥߌ߲ߘߏߛ” ߝߢߐߘߊ߫ ߇ ߟߋ߬ ߝߟߐ߫ ߣߌ߫ ߒߞߏ ߖߌ߰ ߘߊ߫ ߸ ߞߎߡߊߘߋ߲ ߛߓߍߘߋ߲ ߠߎ߫ ߕߎ߲߬ ߕߴߛߋ߫ ߟߊ߫ ߣߙߊ߫ ߟߊ߫ ߢߐ߲߮ ߠߊ߫ ߢߊ߫ ߛߌ߫ ߞߊ߲߬، ߒ߬ ߛߌߦߊߡߊ߲߫ ߞߵߏ߬ ߝߣߊ߫ ߦߋ߫ ߸ ߞߏ߬ߣߌ߲߬ ߓߌ߬ ߘߏ߲߬؟ ߅- ߞߎ߲߬ߝߟߐ ߘߐ߫ ߜߋߟߋ߲ߜߋߟߋ߲ ߠߎ߫ ߕߎ߲߬ ߕߍ߫ ߒߞߏ ߦߋ߫ ߟߊ߫ ߸ ߜߋߟߋ߲ߜߋߟߋ߲߫ ߞߊ߲ߞߋ ߓߍ߯ ߦߴߊ߬ ߦߋ߫ ߟߊ߫ ߛߌߛߍ߲߬ ߝߏ߫ ߝߛߐߞߐߙߌ ߟߎ߬ ߸ ߏ ߘߏ߲߬ ߕߍ߫ ߒߞߏ ߣߐ߬ ߘߌ߫. ߆- ߕߎ߬ߡߊ߬ ߖߏߣߊ ߟߊ߫ ߸ ߒߞߏ ߛߓߍߟߌ ߖߌ߬ߦߟߊ߬ߡߊ ߟߋ߫ ߕߘߍ߬ ߦߋ߫ ߟߊ߫ ߓߟߐߟߐ ߟߊ߫ ߞߊ߲߬ߖߊ߬ߡߊ߯ߘߌ߫ ߣߌ߫ ߝߊ߬ߞߏߟߌ.ߣߍߕ ߟߊ߫، ߛߓߍߘߋ߲߫ ߕߎ߲߬ ߕߍ߫ ߦߋ߫ ߟߊ߫ ߝߋߎ߫، ߊ߬ ߓߌ߬ ߝߐߟߌ߫ ߘߐ߫ ߸ ߥߞߌ-ߔߘߋߞߎ߫ ߞߍߦߙߐ ߦߋ߫ ߒߞߏ ߦߋ߫ ߟߊ߫ ߸ ߥߊߟߌߡߐ߯ ߘߍ߬ߘߊ߬ ߓߟߋߓߟߋ ߟߎ߬ ߟߊ߫ ߞߘߐߓߌ߲ߓߌ߲ߠߌ߲ ߛߘߊߘߐ߫ ߊ߬ߟߎ߫ ߖߍ߬ߘߍ ߝߍ߬ ߡߍ߲ ߥߊߘߌ߫ ߕߍ߫ ߓߐ߫ ߟߊ߫ ߡߊ߲߬ߘߋ߲߬ߞߊ߬ ߛߌ߫ ߞߎ߲߬ ߸ ߊ߲ ߘߌ߫ ߏ߬ ߡߊߛߐߓߊ߯ ߞߊߡߋߙߋ߲ ߠߎ߬ ߝߏ߬ ߦߙߐ ߣߌ߲߬ ߘߐ߫ ߦߊ߲߬ ߞߵߊ߬ ߓߍ߯ ߝߊ߬ߙߊ߫ ߞߊ߬ߙߊ߲߬ߡߐ߯ ߟߊ߲߱ߛߌ߬ߣߍ߬ ߝߏߝߣߊ߫ ߓߊߕߍ߫ ߣߝߊ߬ߖߌ߬ߞߊ ߣߌ߫ ߞߊ߬ߙߊ߲߬ߡߐ߯ ߟߊ߬ߡߌߣߌ߲ ߛߌ߬ߛߋ߫ ߣߏߙߊߛߏߓߊ߫ ߞߊ߲߬. ߏ߬ ߘߐ߫ ߸ ߝߍ߭ ߏ߬ ߟߎ߬ ߣߴߊ߬ ߢߐ߲߰ߘߐ߬ ߞߏߝߐߓߊߟߌ ߟߎ߬ ߓߘߊ߫ ߞߍ߫ ߘߐ߬ߝߐ ߘߌ߫ ߓߌ߬߹. ߣߌ߲߬ ߓߍ߯ ߝߐ߫ ߞߎ߲ ߠߋ߬ ߸ ߞߊ߬ ߘߟߊߡߌߘߊߟߌߟߊ߫ ߟߎ߫ ߓߐ߫ ߞߣߐ߬ߘߐ߬ߝߟߌ ߘߐ߫، ߣߌ߫ ߞߏ ߡߍ߲ ߠߎ߬ ߡߊ߫ ߞߍ߫ ߊ߬ߟߎ߫ ߛߊ߬ߥߏ߬ ߘߌ߫߸ ߊ߬ߟߎ߬ ߦߴߏ߬ ߢߊߘߐߜߍ ߟߐ߲߫. ߏ߬ ߟߊߒߡߊ߫ ߘߊ߲ߘߐ߫ ߝߟߍ߫ ߣߌ߲߬: ߊ– ߥߊߟߌߞߊ߲ ߠߎ߬ ߕߍߣߊ߬ ߛߋ߫ ߘߟߊߡߌ߬ߘߊ߬ ߟߊ߫ ߒߞߏ ߘߐ߫ %߁߀߀ ߦߏ߫ ߊ߲ ߦߟߌ߫ ߦߴߊ߬ ߘߝߊ ߟߊ߫ ߢߊ ߡߍ߲ ߌߞߘߐߞߘߐ߫ ߣߌ߲߬ ߸ ߓߊߏ߬ ߊ߬ ߡߙߍ߬ߛߍ ߟߋ߬ ߡߎߣߎ߲߬. ߋ– ߒߞߏ ߞߎߡߊߘߋ߲ ߠߎ߬ ߘߟߊߞߢߊߣߍ߲߫ ߕߍߣߊ߬ ߞߍ߫ ߟߊ߫ ߞߵߊ߬ ߞߎ߲߭ ߞߍ߫ ߟߐ߲ߕߊ߫ ߛߐ߬ߘߐ߲߬ߣߍ߲ ߠߎ߫ ߝߘߏ߬ߢߐ߲߰ߡߊ ߘߌ߫ ߸ ߒߞߏ ߡߊ߫ ߓߊߓߋ߬ ߡߍ߲ ߠߎ߬ ߘߐ߫ ߢߊ߫ ߞߋߟߋ߲߫ ߡߊ߬ ߸ ߘߟߊߡߌߘߊ ߓߊ߯ߙߊ ߕߊ߬ߕߐ߫ ߏ߬ ߟߎ߬ ߡߍ߲ ߠߎ߬ ߞߎߡߊߘߋ߲ ߠߎ߫ ߡߊ߬. ߞߏ߬ߣߌ߲߬ ߊ߬ ߛߐߍ: – ߓߊ߯ߙߊ߫ ߞߟߊߒߞߋ߫ ߛߊߞߍߣߍ߲ ߡߍ߲ ߠߎ߬ ߓߘߊ߫ ߓߊ߲߫ ߞߍ߫ ߟߊ߫ ߣߌ߫ ߕߐ߲-ߖߊ߯ߓߡߊ ߣߴߊ߬ ߓߊ߯ߙߊߢߐ߮ ߟߎ߬ ߣߌ߫ ߞߏߝߌ߫ ߊߣߊߣߌ߲߬ ߖߊ߯ߓߘߊ ߣߌ߫ ߛߑߕߊ߲ߝߐߙ ߖߊ߯ߓߘߊ ߕߊ߯ ߘߊ߫ ߏ߬ ߟߎ߬ ߡߊߟߐ߬ WMT23 ߖߊ߯ߓߊ߫ ߕߙߏߞߏ ߟߎ߬ ߘߟߊߡߌߘߊߟߌ ߜߊ߬ߙߊ ߘߐ߫ ߛߌ߲ߞߊߔߎߙ ߞߏߟߌ߲ߞߏ߬ߟߌ߲ ߆-߁߀/߂߀߂߄ ߠߊ߫ ߸ ߡߋߕߊ =ߝߍߛߓߎߞ” ߞߏߟߊߘߍ ߟߊ߫ ߞߘߐߓߌ߲ߓߌ߲ߠߌ߲ ߠߊ߫. – ߊ߬ ߣߌ߫ ߓߊ߯ߙߊ߫ ߛߍ߲ߛߍ߲ߣߍ߲߫ ߜߘߍ߫ ߟߎ߫ ߞߊ߬ ߓߍ߲߬ ߞߎߡߊߘߋ߲ ߠߎ߬ ߢߣߊߕߐ߬ߡߐ߲ ߣߌ߫ ߞߎ߬ߙߎ߲߬ߘߎ ߟߎ߬ ߥߊߟߋߦߊ ߡߊ߬ ߓߊ߯ߙߊ߫ ߡߐ߬ߟߐ߲߬ߡߊ ߣߌ߲߬ ߞߊߡߊ߬. – ߊ߬ ߣߌ߫ ߓߊ߯ߙߓߊ߫ ߜߘߍ ߡߍ߲ ߠߎ߬ ߦߋ߫ ߛߋ߲߬ߠߊ߫ ߕߋ߲߬ ߊ߬ߟߋ߬ ߘߊߞߎ߲߫ ߞߋߟߋ߲ ߞߊ߲߬߸ ߣߴߏ߬ ߟߎ߫ ߝߙߊ߬ ߘߴߊ߬ ߞߊ߲߬ ߕߎ߬ߡߊ ߡߍ߲߸ ߦߟߌߟߊ߲ߘߌߦߊ߫ ߘߍ߲߰ߦߊ߬ߣߍ߲ ߣߊ߬ߕߐ߫ ߘߟߊߡߌߘߊߟߌ ߓߊ߯ߙߊ ߟߎ߬ ߟߊߞߐ߯ ߟߊ߫ ߏ߬ ߟߎ߫ ߟߋ߬ ߟߊ߫ ߟߏ߲߫ ߣߊ߬ߕߐ ߟߎ߬ ߞߣߐ߫ ߜߊߟߌߜߊߟߌ߫ ߸ ߏ߬ ߞߍߕߐ߫ ߛߊ߲߬ ߞߎߘߊ ߂߀߂߅ ߟߋ߬ ߟߊ߫ ߡߎ߬ߕߎ߲߬ ߸ ߞߊ߬ ߓߍ߲߬ ߜ߭ߎߜ߭ߎ߬ߟ ߞߏߟߊߘߍ ߣߌ߫ ߒߞߏ ߕߐ߲߫ ߖߊ߯ߓߡߊ ߕߍߟߊ߫ ߢߍߥߟߊ ߡߊ߬ ߸ ߡߍ߲ ߓߘߊ߫ ߓߊ߲߫ ߟߊߕߊ߬ߡߌ߲߬ ߠߴߊ߲ ߡߊ߬ ߞߊ߬ ߓߊ߲߫. ߏ߬ ߟߋ ߞߍߕߐ߫ ߟߢߊ߬ߟߌ ߘߊߡߌߘߊ ߘߌ߫ ߛߊ߫ ߸ ߞߊ߬ ߘߟߊߡߌߘߊߟߌ ߓߘߍ߬ߦߊ ߞߛߊߞߊ ߟߊߦߟߍ߬، ߒ߬ߓߵߊ߬ ߕߊ߬ߡߌ߲߬ߕߐ߫ ߘߝߊ߫ ߟߊ߫ ߕߋ߲߬ ߠߋ߬ ߛߊ߲߬ ߣߊ߬ߕߐ ߟߎ߬ ߞߣߐ߫. ߣߌ߲߬ ߓߍ߯ ߝߐߞߎ߲ ߠߋ߬ ߸ ߓߊߏ߬ ߞߎ߲ߝߊ߲ ߣߌ߫ ߖߎ߬ߛߎ ߡߍ߲ ߦߋ߫ ߒߞߏ ߞߊߙߊ߲ߘߋ߲ ߠߎ߬ ߞߣߐ߫߸ ߛߴߊ߬ߟߎ߬ ߘߴߊ߬ ߓߍ߲߬ ߓߊ߯ߙߊ ߢߍߥߟߊ ߛߋ߲߬ߞߊ߲ ߡߊ߬.
ߒߞߏ ߥߙߎߞߌ ߛߌ߲߬ߝߏ߲߬ߢߊ߬ߟߌ߬ ߖߊ߯ߓߡߊ ߟߊ߫ ߘߟߊߡߌߘߊߟߊ߲ ߓߊ߯ߙߊ ߟߎ߫ ߘߊ߲߬ߕߍ߰ߟߌ ߖ߭ߎߡ ߠߊ߫ ߥߊ߬ߛߌ߬ߥߙߊ/߂߇/ߞߜ.߇߈߉ – ߂߀߂߄
ߛߏ߬ߟߏ߫ ߝߙߊ߬ߓߊ-ߘߐ߫ ߛߌ߬ߛߋ߫
|