ߞߋߔߑߟߍߙ ߓߘߊ߫ ߖߌ߬ߦߊ߬ߓߍ߬ ߜߘߍ߫ ߟߎ߫ ߦߋ߫߸ ߏ߬ ߟߎ߬ ߘߐߛߏ߯ߙߋ ߘߌ߫ ߕߎ߬ߡߊ߬ߣߍ߲߫ ߕߊ߬

ߞߋߔߑߟߍߙ ߟߊ߫ ߖߌ߬ߦߊ߬ߓߍ ߦߙߌߞߊ߫ ߜߘߍ߫ ߟߎ߫ ߦߋ߫ ߦߋ߲߬߸ ߥߊ߯ߕߌߖߊ߲߫ ߜߘߍ߫ ߘߌ߫ ߞߍ߫ ߡߍ߲ ߠߎ߬ ߘߐߥߟߏߡߊ ߞߊ߲߬ ߡߎߣߎ߲߬.
ߞߋߔߑߟߍߙ ߟߊ߫ ߛߊ߬ߟߌ ߦߋ߫ ߟߋ߬߸ ߦߏ߫ ߟߐ߲ߞߏߕߌ߮ ߓߟߋߓߟߋ ߘߏ߫ ߓߊ߯ ߛߊ߬߸ ߕߊ ߓߐ ߊ߬ ߘߐ߫ ߌߞߘߐ߫߸ ߊ߬ ߖߊ߲߬ߖߏ߲ ߠߎ߬ ߘߐߞߊ߬ߙߊ߲߬ ߘߊ߫. ߖߊ߯ߓߊߟߌ ߞߛߊ߬ߓߌ ߡߍ߲ ߘߌ߫ ߛߋ߫ ߛߐ߬ߘߐ߲߬ ߠߊ߫ ߖߊ߯ߓߊ߮ ߞߣߐ߫߸ߊ߬ ߞߵߊ߲ ߠߊ߫ ߟߐ߲ߠߌ߲ߦߊ߫ ߏ߬ ߟߎ߬ ߦߙߌߞߊ ߟߊ߫߸ ߊ߬ ߡߊ߫ ߘߊ߲߬ ߏ߬ ߡߊ߬ ߘߋ߬߸ ߊ߬ ߞߊ߬ ߞߎ߲߬ߕߋ߬ߟߋ߲߬ ߞߋߟߋ߲߫ ߦߌ߬ߘߊ߬߸ ߕߌߙߌ߲ߠߌ߲ ߘߌ߫ ߛߋ߫ ߞߍ߫ ߟߊ߫ ߡߍ߲ ߠߎ߬ ߘߐ߫ ߡߎߣߎ߲߬߸ ߕߌߙߌ߲ߠߌ߲ߠߊ ߟߎ߬ ߓߘߊ߫ ߕߏ߲ ߕߊ߬ ߏ߬ ߟߎ߬ ߝߣߊ߫ ߞߊ߲ߡߊ߬߸ ߣߖ߭ߊ ߟߊ߫ ߕߌߙߌ߲ߠߌ߲ߘߊ ߗߋߕߌ߮ ߕߐߡߊߛ ߖ߭ߓߎߛ߭ߌ߲ ߠߊ߫ ߘߊ߲߬ߕߍ߰ߟߌ ߟߋ߬. ߊ߬ ߞߏ߬ߣߌ߲ ߠߊ߫ ߛߊ߬ߦߊ ߡߊ߫ ߓߙߊ߬ ߊ߲ ߘߐ߫ ߘߋ߬߸ ߓߊ ߞߊ߬ߦߌ߯ ߂߀߁߃ ߟߊ߫߸ ߊ߬ ߓߌ߬ߟߊ߬ ߘߊ߫ ߥߊ߲߭ߣߍ߲ ߘߏ߫ ߟߊ߫߸ ߓߊߏ߬ ߊ߬ ߟߊ߫ ߗߋߦߊߟߌ ߞߎ߲߬ߕߊ߮ ߕߘߍ߬ ߦߋ߫ ߛߊ߲߬ ߃ ߟߋ߬ ߘߌ߫߸ ߞߏ߬ߣߌ߲߬ ߣߖ߭ߊ ߟߊ߫ ߗߋ߬ߥߎ߬ߣߍ߲߬ߗߋߥߎ ߟߎ߬ ߞߵߊ߬ߟߎ߬ ߘߐߖߊ߬߸ ߏ߬ ߞߍ ߊ߬ ߞߴߊ߬ ߟߊ߫ ߗߋߦߊߟߌ ߘߊߓߊ߲߫. ߊ߬ ߖߋ߬ߣߌ߲߬ߕߊ ߡߊߖߌ߰ ߘߊ߫ ߊ߬ ߘߐ߫ ߟߋ߬ ߞߋߟߋ߲ߘߌ߫ ߟߐ߯ߞߎ߲߫ ߘߊ߲ߘߐ߫ ߕߊ߬ߡߌ߲߬ߣߍ߲ ߣߌ߲߬ ߞߘߐ߫. ߕߟߋ߬ߡߌ߬ߘߊ߬ ߝߜߊ ߦߋ߫ ߞߋߔߑߟߍߙ ߟߊ߫ ߕߋ߲߬ ߝߛߊߦߌ߫߹ ߞߏ߬ߣߌ߲߬ ߏ߬ ߟߎ߬ ߦߋ߫ ߊ߬ ߞߍߟߊ߲߫ ߢߎߡߍߙߋ߲ߡߊ ߟߎ߬ ߟߋ߬ ߟߊߥߊߟߌ߫ ߟߊ߫. ߏ߬ ߞߏߛߐ߲߬ ߂߀߀߉ߟߊ߫߸ ߊ߬ ߞߊ߬ ߖߋ߬ߣߌ߲߬ߕߊ ߞߌߘߊ߫ ߁߂ ߕߊ߬߸ ߏ߬ ߟߋ ߞߵߊ߬ ߘߍ߬ߡߍ߲߫ ߖߊ߰ߟߋ ߡߊ߬߸ ߖߎ߯ߓߍߟߌ ߡߊ߬߸ ߊ߬ ߣߌ߫ ߞߎ߲߬ߠߞߊ߬ߟߌ ߝߣߊ߫ ߡߊ߬߸ ߏ߬ ߞߏߛߐ߲߬ ߞߋ߬ߥߎ߬ߣߍ߲߬ߞߋߥߎ ߟߎ߬ ߕߎ߲߬ ߞߴߊ߬ ߟߐ߲߫ ߞߏ߫ ߝߋ߲߫ ߘߎ߲ߡߕߊ߫ ߕߍ߫. ߣߖ߭ߊ⁦ ߟߊ߫ ߝߐߟߌ߫ ߘߐ߫߸ ߞߏ߫ ߊ߬ ߛߊ߬ߣߍ߲ ߏ߬ ߘߌ߫ ߕߏ߫ ߕߋ߬ߟߋ ߖߊ߰ߟߋ߬ ߟߊ߫ ߛߐ߲߬. ߊ߬ߟߎ߬ ߞߊ߲߫ ߞߏ߫ ߊ߬ ߟߊ߫ ߖߊ߰ߟߋ߬ߟߌ ߏ߬ ߘߌ߫ ߛߋ߫ ߕߏ߫ ߟߴߊ߬ ߡߊ߬ ߤߊ߲߯ ߛߊ߲߬ ߄߀߸ ߞߣߊ߬ ߕߏ߫ ߘߎ߱ ߡߊߛߐ߬ߘߐ߲߬ ߣߴߏ߬ ߞߐ߫ ߛߊ߫߸ ߞߴߊ߬ ߕߘߍ߬ ߊ߬ ߡߊ߫ ߓߋ߬.
ߣߌ߫ ߞߐߞߊ߲߫ ߖߊ߯ߓߊߟߌ ߟߎ߬ ߞߎ߲߬ߠߊ߬ߞߊ ߘߊߡߌ߬ߣߊ߬ ߘߊ߫.
ߕߌߛ ߡߍ߲ ߓߎ߰ߓߎ߬ߡߊ߬ ߘߊ߫ ߞߏ߲ߞߏߘߌ߬ߓߌ ߕߊ߬ߡߌ߲߬ߣߍ߲ ߠߊ߫߸ ߏ߬ ߓߴߊ߬ ߕߊ ߟߎ߬ ߞߎ߲߬ߠߊ߬ߞߊ ߘߊߡߌ߬ߣߊ߬ ߕߎ߬ߡߊ ߡߍ߲ ߠߊ߫߸ ߏ߬ ߟߎ߬ ߓߍ߯ ߘߌ߫ ߕߏ߫ ߌ߫ ߘߐ߫߸ ߞߵߊ߬ ߕߘߍ߬ ߞߋߔߑߟߍߙ ߝߣߊ߫ ߟߊ߫ ߖߌ߬ߦߊ߬ߓߍ ߕߐ߭ ߟߎ߬ ߘߐߥߟߏߡߊ ߦߵߌ ߘߐ߫ ߛߊ߲߬ ߦߙߌߞߊ ߞߎ߲߬ߕߊ߮ ߞߘߐ߫.
ߟߊ߲߭ߛߌ߬ߣߍ߬ ߞߎ߲ߝߊ߲ߕߐ߫ ߝߏߝߣߊ߫/ ߛߏ߬ߟߏ ߝߙߊ߬ߓߊ-ߘߐ߫/