ߕߌߙߌ߲ߠߌ߲߫ ߞߎߘߊ߫ ߓߘߴߊ߬ ߦߌ߬ߘߊ߬߸ ߞߏ߫ ߖߌ ߞߐ߰ߡߊ ߘߏ߫ ߘߌ߫ ߞߍ߫ ߤߐߞߎ ߘߎ߰ߞߟߏ ߞߘߐ߫߸ ߞߎ߲߰ߛߎ߲ ߘߌ߫ ߞߍ߫ ߡߍ߲ ߠߊ߫, ߏ߬ ߘߐ߫ ߊ߬ ߘߌ߫ ߛߋ߫ ߢߣߊߡߦߊ ߟߊߛߣߍ߫ ߟߊ߫.
ߕߌߙߌ߲ߠߌ߲߫ ߛߘߍ ߘߏ߫ ߟߎ߫ ߟߋ߬ ߓߘߊ߫ ߊ߲ ߤߊߞߟߌ ߡߊߦߟߍ߬ߡߊ߲߬ ߖߊ߯ߓߊߟߌ ߏ߬ ߟߊ߫ ߞߏ ߞߊ߲߬߸ ߊ߬ߟߎ߫ ߞߴߊ߬ ߦߌ߬ߘߊ߬ ߡߍ߲ ߘߐ߫߸ ߞߏ߫ ߣߌ߫ ߞߎ߲߰ߛߎ߲ ߓߘߊ߫ ߦߋ߫ ߦߋ߲߬߸ ߏ߬ ߘߐ߫ ߢߐߛߌ ߘߏ߫ ߟߎ߫ ߘߌ߫ ߞߍ߫ ߦߋ߲߬߸ ߓߊ ߏ߬ ߟߎ߬߬ ߦߴߊ߬ߟߎ߬ ߣߌߟߊߞߟߌ߫ ߟߊ߫ ߞߎ߲߰ߛߎ߲ ߠߋ߬ ߟߊ߫.
ߟߐ߲ߞߏߕߌ߮ ߡߐ߰ ߛߊ߬ߓߊ ߟߋ߬ ߞߊ߬ ߖߌ߰ߟߌ ߣߌ߲߬ ߟߐ߬ ߤߐߞߎ ߡߊ߬߸ ߞߏ߫ ߤߐߞߎ ߟߊ߫ ߞߎ߲߰ߛߎ߲߬ߡߊ߬ߦߊ ߞߏߛߐ߲߬߸ ߞߏ߫ ߢߐߛߌ ߘߏ߫ ߟߎ߫ ߘߌ߫ ߞߍ߫ ߦߋ߲߬߸ ߡߍ߲ ߠߎ߬ ߦߴߊ߬ߟߎ߬ ߣߌߟߊߞߟߌ߫ ߟߊ߫ ߞߎ߲߰ߛߎ߲ ߏ߬ ߟߎ߬ ߟߊ߫ ߦߋ߲߬.
ߛߋߒߞߏߟߊߘߐߦߊ ߟߐ߲ߘߊ ߡߍ߲ ߦߋ߫ ߞߊߟߑߝߐߙߑߣߌ߫ ߣߌ߫ ߤߊߝ߭ߊߙߘ߸ ߏ߬ ߟߎ߬ ߟߊ߫ ߟߊ߬ߛߋ߬ߟߌ ߟߋ߬ ߦߋ߫߸ ߞߏ߫ ߞߎ߲߰ߛߎ߲ ߡߍ߲ ߦߋ߫ ߤߐߞߎ ߘߎ߰ߞߘߐ߬ߖߌ ߟߊ߫߸ ߏ߬ ߟߋ ߞߏߛߐ߲߬ ߢߣߊߡߦߊ ߛߋ߫ ߘߊ߫ ߟߊߛߓߊ߬ߕߌ߫ ߟߊ߫ ߦߋ߲߬. ߊ߬ߟߎ߬ ߞߵߊ߬ ߟߊߞߊ߬ߟߌ߬ ߞߏ߫ ߢߐߛߌ ߏ߬ ߟߎ߬ ߘߌ߫ ߛߋ߫ ߛߓߊ߬ߕߌ߬ ߟߊ߫ ߝߢߐ ߟߊ߫.
ߕߌߙߌ߲ߠߌ߲ߠߊ ߟߎ߬ ߞߊ߲߫ ߞߏ߫ ߊ߬ߟߎ߬ ߟߊ߫ ߕߌߙߌ߲ߠߌ߲ ߓߌ߲ߓߌ߲ߣߍ߲߫ ߡߍ߲ ߡߊ߬߸ ߏ߬ ߟߋ ߦߴߊ߲ ߟߐ߲ߕߊ ߡߊߛߋ߬ߦߌ߲ ߘߌ߫ ߖߊ߯ߓߊߟߌ ߣߌ߲߬ ߠߊߞߏ ߞߊ߲߬߸ ߊ߬ ߣߌ߫ ߞߵߊ߬ ߦߌ߬ߘߊ߬ ߞߏ߫ ߣߌ߫ ߢߐߛߌ ߘߏ߫ ߟߎ߫ ߞߍ߫ ߘߊ߫ ߤߐߞߎ ߞߊ߲߬ ߦߋ߲߬ ߕߋ߲߬߸ ߊ߬ߟߎ߬ ߘߌ߫ ߞߵߊ߬ߟߎ߫ ߣߌߟߊߞߟߌ߫ ߟߊ߫ ߞߎ߲߰ߛߎ߲ ߏ߬ ߟߋ ߟߊ߫ ߦߋ߲߬, ߝ߭ߑߟߘߊ߫ ߛߑߕߊߡߍ߲ߞߏߝ߭ߌߞ ߟߋ߬ ߞߵߏ߬ ߟߊߛߋ߫߸ ߊ߬ߟߋ ߡߍ߲ ߦߋ߫ ߓߊ߯ߙߊ߫ ߟߊ߫ ߊߡߋߙߌߞߌ߬ ߟߐ߲ߞߏߕߌ߮ ߟߎ߬ ߝߍ߬߸ ߊ߬ ߣߴߊ߬ ߕߘߍ߬ ߘߊ߫ ߞߎ߲߬ߠߞߊ߬ߟߌ ߣߌ߲߬ ߘߐ߫, ߞߏ߫ ߊ߬ߟߎ߬ ߟߊ߫ ߕߌߙߌ߲ߠߌ߲ ߖߎ߭ ߘߏ߫ ߟߋ߬ ߦߋ߫߸ ߛߴߊ߬ߟߎ߬ ߘߴߊ߬ ߟߐ߲߫ ߣߌ߫ ߢߣߊߡߦߊ ߘߌ߫ ߛߋ߫ ߛߓߊ߬ߕߌ߬ ߟߊ߫ ߦߋ߲߬. ߊ߬ߟߎ߬ ߞߊ߲߫ ߞߏ߫ ߤߐߞߎ ߡߐ߲ߕߐ߲ ߓߊ߲ ߞߐ ߘߐ߫ ߝߐ߫ ߟߊ߫ ߞߎ߲߰ߛߎ߲ ߠߊ߫߸ ߞߏ߫ ߊ߬ ߞߊߜߍ߬ߟߍ߲߬ ߏ߬ ߘߐ߫߸ ߞߵߊ߬ ߝߐ߫ ߞߏ߫ ߓߐ߰ߝߍ߬ ߘߌ߫ ߛߐ߬ߘߐ߲߬ ߤߐߞߎ ߘߌ߲߬ߞߌߙߊ ߘߏ߫ ߘߐ߫߸ ߞߎ߲߰ߛߎ߲ ߘߐߥߛߊ߬ߣߍ߲ ߘߌ߫ ߞߍ߫ ߡߍ߲ ߘߐ߫. ߤߐߞߎ ߡߍ߲ ߡߐ߲ߕߐ߲ ߠߊߝߊߣߍ߲߫ ߛߍ߯ߛߎ߲ ߠߊ߫߸ ߏ߬ ߘߐ߬ ߡߐ߰ ߛߌ߫ ߕߴߊ߬ ߡߙߌ߫ ߟߊ߫ ߞߘߐ߬ߡߊ߲߬ ߞߵߊ߬ ߝߐ߫ ߞߏ߫ ߞߎ߲߰ߛߎ߲ ߣߌ߲߬ ߢߐ߲߰ ߘߌ߫ ߛߐ߬ߘߐ߲߬ ߤߐߞߎ ߘߌ߲߬ߞߌߙߊ ߘߏ߫ ߘߐ߫. ߣߌ߫ ߝߢߐߟߊ߫ ߣߌߟߊߞߟߌߟߌ ߏ߬ ߟߊߞߙߐ߬ߛߌ߬ ߘߊ߫ ߤߐߞߎ ߞߊ߲߬߸ ߝߢߐߟߊ߫ ߣߌߟߊߞߟߌߟߌ ߏ߬ ߡߍ߲ ߦߋ߫ ߞߍ߫ ߟߊ߫ ߘߎ߱ߡߊ߬ ߦߊ߲߬ ߞߏߛߓߍ߫߸ ߣߌߡߊ ߟߎ߬ ߣߌߟߊߞߟߌߕߐ ߓߊ߯ ߞߎ߲߰ߛߎ߲ ߕߊ߬ ߝߢߐ ߘߏ߲߬ ߕߎߡߊ ߟߊ߫߸ ߊ߬ߟߎ߬ ߝߢߐ߫ ߓߌߟߊ߫ ߕߐ ߘߌ߫ ߛߍ߯ߛߎ߲ ߓߌ߬ߟߊ߬ ߝߍߘߍ߲ߝߋ߲ ߠߎ߬ ߝߣߊ߫ ߘߴߏ߬ ߡߍ߬ߡߍ߬ ߦߋߟߋ߲ߜߏ߲ߘߏߕߐ (ߝߕߏߛߍ߲ߕߋߛ) ߝߍ߬. ߞߏ ߡߍ߲ ߞߍߕߐ߫ ߟߐ߲ߞߏߕߌ߮ ߢߌ߲߬ ߠߎ߬ ߟߊ߫ ߕߌߙߌ߲ߠߌ߲ ߣߌ߲߬ ߞߍ߫ ߟߊ߫ ߕߎ߬ߢߊ߬ ߘߌ߫߸ ߝߏ߫ ߣߌ߫ ߞߎ߲߰ߛߎ߲ ߘߏ߫ ߦߋ߫ ߘߊ߫ ߤߐߞߎ ߡߐ߲ߕߐ߲ ߘߐ߫. ߣߖ߭ߊ ߟߊ߫ ߘߐ߬ߛߏ߰ߙߋ߬ߟߊ߲߫ ߞߎ߳ߙߑߦߏߛߌߕߋ (ߞߎ߲ߝߊ߲ߓߐߟߊ) ߞߊ߬ ߞߎ߲߬ߠߊ߬ߞߊ߬ߟߌ ߘߏ߫ ߞߍ߫ ߂߀߁߅ ߟߊ߫߸ ߏ߬ ߦߋ߫ ߞߓߊ ߘߏ߫ ߟߋ߬ ߦߋߣߍ߲ ߘߌ߫߸ ߓߐ߰ߓߐ ߘߏ߫ ߟߎ߫ ߦߋ߫ ߘߊ߫ ߡߍ߲ ߡߊ߬, ߞߎ߲߰ߛߎ߲ ߣߌ߫ ߝߘߊߡߎߣߎ߲ (ߛߟߌߞߌߦߎߡ)߸ ߏ߬ ߟߋ ߦߴߊ߬ ߦߌ߬ߘߊ߬ ߟߊ߫ ߞߏ߫ ߞߎ߲߰ߛߎ߲ ߕߘߍ߬ ߘߌ߫ ߞߍ߫ ߡߐ߲ߕߐ߲ ߘߐ߫ ߦߋ߲߬ ߞߘߐ߬ߡߊ߲߬. ߞߓߊߣߊ߲ߞߏ߫ ߖߌ߫ ߞߎ߲߯ߛߎߡߊ߫ ߦߋ ߡߍ߲ ߞߍߣߍ߲߫ ߤߐߞߎ ߞߊ߲߬ ߣߌ߲߬߸ ߏ߬ ߦߋ߫ ߥߊ߫ ߟߴߊ߬ ߞߎ߲߬ߠߊ߬ߓߐ߬ ߟߊ߫ ߞߎߡߊ߫ ߜߘߍ ߟߋ߫ ߡߊ߬߸ ߡߍ߲ ߟߐ߬ߣߍ߲߫ ߣߌߡߊߝߋ߲߫ ߢߐߛߌߟߞߊ ߟߎ߬ ߟߊ߫ ߢߣߊߡߦߊ ߡߊ߬ ߦߋ߲߬, ߊ߬ ߣߌ߫ ߖߌߥߋ߲ߛߋ߲ ߦߋ ߡߊ߬ ߦߋ߲߬߸ ߏ߬ ߟߎ߬ ߓߐߣߍ߲߫ ߕߎ߬ߢߊ߬ ߟߊ߫ ߛߊ߫߸ ߊ߬ߟߎ߬ ߞߏ߬ߣߌ߲ ߡߊ߫ ߦߋ߫ ߢߊ߫ ߟߊ߫ ߘߋ߬.
ߟߊ߲߭ߛߌ߬ߣߍ߬ ߞߎ߲ߝߊ߲ߕߐ߫ ߝߏߝߣߊ߫/ ߛߏ߬ߟߏ ߝߙߊ߬ߓߊ-ߘߐ߫/