*ߞߎ߬ߙߊ߬ߣߊ߬ ߞߓߊߞߏߡߊ*
ߞߎ߬ߙߊ߬ߣߊ ߓߍ߯ ߘߐ߫ ߞߓߊߞߏߡߊ ߓߘߊ߫ ߛߋ߫ ߞߋߟߊ ߞߊ߫ ߘߎ߰ ߟߊ߫ (ߞߛߌ߫ ߣߌ߫ ߖߐ ߦߴߊ߬ ߡߊ߬ ) ، ߞߎ߬ߙߊ߬ߣߊ ߟߋ߬ ߘߏ߬ ߡߍ߲ ߡߊ߫ ߛߓߍ߫ ߣߌ߫ ߕߟߎߞߟߊ ߦߋ߫ ߸ߥߟߊ߫ ߘߎߓߊ߫ ߞߟߊ߫ ߸ ߤߊߡߊ߲ߕߍ߫ ߞߋ߬ߡߎ߲ ߥߟߊ߫ ߏ߬ ߟߎ߫ ߢߐ߲߰ ߘߐ߫ ߟߎ߬…
ߌߟߋ߫ ߡߴߊ߬ ߦߋ߫ ߸ ߡߛߏ߬ ߘߐ߫ ߟߋ߫ ߞߊ߬ ߓߐ߫ ߔߊߞߌߛߑߕߊ߲ ߸ (ߓߍ߲ߖߊߓߎ ߡߊ߬ߙߊ߫ ߟߊ߫) ߊ߬ ߟߋ߫ ߟߋ߬ ߞߊ߬ ߞߎ߬ߙߊ߬ߣߊ ߛߓߍ߫ ߊ߬ ߞߙߊߟߌߟߡߊ ߞߊߙߌ ߟߊ߫ ߸ ߥߊ߬ ߕߙߏ߬ߞߏ ߝߣߊ߫ ߡߊ߫ ߕߘߍ߬ ߓߊ߯ߙߊ߫ ߣߌ߲߬ ߘߐ߫ ߓߊߏ߬ ߊ߬ ߓߍ߯ ߞߍߙߊ߫ ߕߍ߮ ߟߋ߬ ߟߊ߫.
ߊ߬ ߞߊ߬ ߓߊ߯ߙߊ ߣߌ߲߬ ߘߊߡߌߣߊ ߁߉߈߇ ߟߋ߬ ߞߊ߬ ߕߌߟߊ߫ ߂߀߁߈ ߣߊ߫ ߢߌ߬ߣߊ߬ ߸ ߞߓߊߞߏ ߓߊ ߦߍ߬ߙߍ߫ ߦߋ߫ ߡߍ߲ ߘߌ߬ ߸ ߏ߬ ߘߋ߬ ߦߋ߫، ߊ߬ ߞߊ߬ ߟߊ߬ߤߘߌ߬ ߕߊ߬ ߞߏ߫ ߊ߬ ߕߋ߫ ߛߓߍߘߋ߲ ߞߋߟߋ߲߫ ߞߙߊ߫ ߞߎ߬ߙߊ߬ߣߊ ߣߌ߲߬ ߣߊ߫ ߝߏ߫ ߞߵߊ߬ ߛߐ߬ߘߐ߲߬ ߊ߬ ߛߊߣߌ߲ߧߊߟߋ߲ ߘߏ߬ ، ߥߵߊ߬ ߕߍ߫ ߛߓߍ߫ ߕߎ߬ߡߊ ߛߌ߫ ߟߊ߫ ߝߏ߫ ߛߎ (ߊߙߓߊ߬ߞߎ߲߬ߖߐ ، ߕߎ߬ߡߊ ߡߍ߲ ߣߌ߫ ߞߐ߬ߟߐ߲ ߖߌ ߕߍ߫ ߟߊߡߊ߰ ߞߐ߬ߟߐ߲ ߞߣߐ߫ ߞߊ߬ߣߌ߲߬) ߛߎ ߕߌߟߊ߫ ߛߓߊߣߊ߲ ߕߎ߬ߡߊ.
ߛߊ߲߬ ߃߁ ߊ߬ ߞߵߏ߬ ߘߋ߬ ߞߍ߫ ߛߓߍߟߌ ߞߙߊߟߌߟߡߊ ߣߌ߲߬ ߠߊ߬.
ߢߌ߬ߣߊ߫ ߡߊ߬ߓߊߕߏ ߕߎ߬ߡߊ ߸ ߊ߬ ߓߘߊ߫ ߣߵߊ߬ ߘߌ߫ ߸ ߞߵߊ߬ ߣߌ߲߬ ߗߍߓߏ߲ ߠߊ߫ (ߡߎ߳ߖ߭ߋ) ߡߍ߲ ߦߋ߫ ߣߐ߯ߙߐ ߛߏ ߟߊ߫ (ߡߊ߬ߘߌ߯ߣߊߕߎߟ ߡߎߣߊߥߙߊ) ߞߎ߬ߙߊ߬ߣߊ ߞߏ߫ ߞߊߡߊ߬، ߊ߬ߟߎ߫ ߞߵߊ߬ ߓߌ߬ߟߊ߫ ߦߋ߲߬ ߛߊߞߍߟߌߟߊ ߟߎ߫ ߣߌ߫ ߖߎ߯ߓߍߟߌߟߊ ߟߎ߫ ߞߊ߫ ߘߌ߬ߢߍ߬ ߞߐ߫ ߓߊߏ߬ ߸ ߏ߬ ߟߋ߬ ߞߊ߬ ߊ߲ ߠߊ߫ ߣߊߡߎ߲߫ ߣߌ߫ ߕߐ߭ ߟߎ߫ ߕߊ߫ ߓߐ߫ ߢߐ߲߮ ߡߊ߬ ߸ ߞߊ߬ ߘߴߊ߬ ߞߊ߲߬ ߞߎ߬ߙߊ߬ߣߊ ߣߌ߲߬ ߕߍ߫ ߡߐ߰ ߛߌ߫ ߘߎ߲߬ߘߎ߬ߡߊ߫ ߘߌ߬ ߝߏ߫ ߡߊ߰ߙߌ ߞߋߟߋ߲߫ ߔߋ߫.
ߡߛߏ߬ ߣߌ߲߬ ߕߐ߮ ߟߋ߬ ߞߏ߫ : ߣߊ߬ߛߌ߯ߡ ߌ ߞߑߕ߭ߊߙ ، ߣߌ߬ ߦߴߏ߬ ߞߎ߬ߙߊ߬ߣߊ ߡߐ߬ߟߐ߲߬ߡߊ ߞߟߊߟߋ߲߫ ߠߋ߬ ߖߊ߬ ߦߋ߫ ߌ ߢߊߞߘߐ߫ ߘߐ߬ߞߣߍ߬ߟߌ ߓߟߏ߫ ߡߊ߬ ߣߌ߲߬.
ߊߟߊ߫ ߡߴߊ߲ ߓߍ߯ ߝߙߊ߬ ߞߎ߬ߙߊ߬ߣߊ ߘߏ߲߬ߞߏ ߟߎ߫ ߞߊ߲߬ ߡߊ߰ߙߌ ߓߙߊ߫ ߸ ߞߵߊ߲ ߛߙߊ߬ ߛߙߊ߬ ߢߌߡߊ߫ ߟߊ߫ ߞߌߢߍ߲߫ ߣߌ߫ ߛߎ߬ߟߊ߬.
ߞߛߌ߫ ߣߌ߫ ߖߐ ߦߋ߫ ߞߋߟߓߊ߫ ߡߊ߬ߡߊ߬ߘߌ߬ ߣߴߊ߬ ߘߏ߲߬ߞߏ ߟߎ߫ ߓߍ߯ ߦߋ߫ ߘߏ߲߯.
ߕߊ߲߬ߘߏ߫ ߊߟߊ߫ ߦߋ߫ ߖߊ߯ߓߊ ߘߏ߲߬ߞߏ ߟߎ߫ ߡߊ߰ߙߌ ߟߋ߬.
ߌߛߊ߫ ߞߎ߬ߟߌߓߊ߬ߟߌ߬ ߓߟߏ߫ ߓߡߊ߬ߞߐ߫ ߡߊ߲߬ߘߋ߲ ߡߊ߬ߟߌ߫ ߞߊ߲ߓߍ߲ ߠߊ߫/ ߛߏ߬ߟߏ ߝߙߊ߬ߓߊ-ߘߐ߫